Gujarati News

ટોચની મેસેજિંગ એપ WhatsApp ના યુઝર્સ પર નવો માલવેરનોઙ્ગ ખતરો ઝળુંબી રહયો છે અને આ માલવેરને કારણે યુઝર્સના ચેટ સહિતનો ડેટા ચોરી થવાનો ભય વ્યકત કરાયો છે જેને પગલે ફેસબુક અને વોટ્સએપે આ નવા માલવેરને લઈને લોકો માટે એલર્ટ જાહેર કર્યું છે એવો ભય વ્યકત કરાયો છે કે Skygofree  નામનો માલવેર યુઝરના વોટ્સએપ પર કરવામાં આવેલી ચેટ અને ઘણા બધો ડેટા પણ ચોરી શકે છે.

ફેસબુક અને વોટ્સએપે આ નવા માલવેરને લઈને એલર્ટ જાહેર કર્યું છે. સાઈબર સિકયોરિટી એકસપર્ટ કેસપરસ્કાઈ લેબે Skygofree નામનો માલવેર જોયો છે,અને લેબનું કહેવું છે કે આ અત્યાર સુધીનો સૌથી ભયાનક સ્વાઇવેર છે.આવી રીતેનો સ્પાઈવેર અત્યાર સુધી જોવા મળ્યો નથી.

આ સ્પાઈવેર એન્ડ્રોઇડ સ્માર્ટફોનને નુકસાન પહોંચાડી શકે છે.વોટ્સએપ મેસેજ પણ યુઝરના એકસેસ વગર પણ ચુરાવી શકે છે. ઉપરાંત આ સ્પાઈવેર કોઈ લોકેશનથી પોતે સ્માર્ટફોનના માઈક્રોફોનની મદદથી ઓડિયો સુધી રેકોર્ડ કરી શકે છે.

કેસપરસ્કાઈ લેબનું કહેવું છે કે, Skygofreeને ત્રણ વર્ષ પહેલા ક્રિએટ કરવામાં આવ્યું હતું. આ કોઈ હેકર્સે દ્યણી હેકિંગ વેબસાઈટ દ્વ્રારા ફેલાવ્યો છે.આ અત્યાર સુધીની સૌથી પાવરફુલ સ્પાઈવેર છે. ઇટલીમાં કેટલાક એન્ડ્રોઇડ ડિવાઇઝ તેના અટેકના શિકાર થઈ ચુકયા છે.

અત્રે ઉલ્લેખનીય છે કે વોટ્સએપ દુનિયાનું સૌથી પોપ્યુલર મેસેજિંગ એપ છે જેના ૧.૩ બિલીયન યુઝર્સ છે.નવા વર્ષની સાંજે આ એપના દ્વ્રારા ૭૫ બિલીયન મેસેજ કરવામાં આવ્યા હતા. જે એક મોટો રેકોર્ડ છે.