Gujarati News

સસ્તા હેન્ડસેટ બનાવતી કંપની Jivi મોબાઈલ્સે જાહેરાત કરી છે કે તેનો નવો સ્માર્ટફોન રિલાયન્સ જિયો ઓફર સાથે કસ્ટમર્સને માત્ર 699 રુપિયામાં મળશે. જીવી મોબાઈલ્સના CEO પંકજ આનંદે જણાવ્યું કે, આ પહેલી વાર બન્યું છે કે જિયોએ કોઈ ભારતીય મોબાઈલ ફોન બ્રાન્ડ સાથે આવી પાર્ટનરશિપ કરી હોય. કંપની પોતાના કસ્ટમર્સને કેશબેક ઓફર આપશે.

CEO પંકજ આનંદે જણાવ્યું કે, કેશબેક સાથે કંપની પોતાના 4G VoLTE સ્માર્ટફોનને કસ્ટમર્સને 699 રુપિયામાં ઈફેકિટવ પ્રાઈસ પર વેચશે, જે અત્યાર સુધીનો ભારતમાં સૌથી સસ્તો સ્માર્ટફોન હશે. ઉલ્લેખનીય છે કે, રિલાયન્સ જિયો પોતાના ‘Jio ફૂટબોલ ઓફરલૃમાં જીવી મોબાઈલ્સ સહિત 22 બ્રાન્ડ્સના સ્માર્ટફોન પર 2200 રુપિયાની ઓફર આપી રહી છે.

નવા સ્માર્ટફોન પર Jioની આ ઓફર 15 ફેબ્રુઆરીથી 31 માર્ચ 2018 દરમિયાન મળશે. આ ઓફર અંતર્ગત કોઈ કસ્ટમર 31 માર્ચ સુધી પહેલી વાર 198 અથવા 299 રુપિયાનું પહેલું રિચાર્જ કરાવશે તો તેને માય જિયો અકાઉન્ટમાં 50 રુપિયાના 44 વાઉચર્સ મળશે. આ વાઉચરને MyJio અકાઉન્ટથી 198 અને 299 રુપિયાના રિચાર્જમાં રિડીમ કરાવી શકાય છે.