Gujarati News

Gujarati News

News of Tuesday, 19th January 2021

હેલ્થકેર વર્કર્સ ડોક્ટર-નર્સો રસી લેવાની ના પાડી રહ્યા છે, તે દુઃખદ છે: વિ કે પોલ

નીતિ આયોગના સભ્ય વીકે પોલે કહ્યું રસી લેવા ઇનકાર કરવાનો અર્થ એ કે તમે સમાજ પ્રત્યેની તમારી ફરજ નિભાવતા નથી

 

નવી દિલ્હી : ભારતમાં 16 જાન્યુઆરીથી રસીકરણ ડ્રાઇવ શરૂ થઇ ચુકી છે, પ્રથમ ફેઝમાં હેલ્થકેર વર્કર્સ અને ફ્રન્ટલાઇન વર્કર્સને રસી આપવામાં આવી રહી છે. પરંતુ રસીને લઇ તેમનામાં ભય છે. અહીં સુધી કે અનેક ડોક્ટર્સ અને નર્સો પણ રસી લેવામાં ઘબરાઇ રહ્યા છે. વાત નીતિ આયોગના સભ્ય વીકે પોલે હેલ્થ મિનિસ્ટ્રીની પત્રકાર પરિષદમાં જણાવી.હતી

કોરોનાના નવા કેસ અને રસીકરણને લઇ હેલ્થ મિનિસ્ટ્રીની પત્રકાર પરિષદ યોજાઇ હતી. તેમાં નીતિ આયોગના સભ્ય ડો વીકે પોલ પણ હાજર હતા. જ્યારે તેમનો વારો આવ્યો તો, તેમણે જણાવ્યું કે હેલ્થકેર વર્કર્સ કોરોના રસી લેવામાં ઘબરાઇ રહ્યા છે.

તેમણે જણાવ્યું કે,રસીને લઇ ચિંતા કરવાની કોઇ જરૂર નથી. અત્યાર સુધી તેની આડઅસર જોવા મળી નથી. આપણી રસી સુરક્ષિત છે. જે પ્લેટફોર્મ પર રસી બની છે, બંને ખૂબ મોટા પ્રમાણમાં એન્ટીબોડી બનાવે છે અને ઘણી સુરક્ષિત છે. રસીકરણ પછી ચિંતા થવી સ્વાભાવિક છે.

નીતિ આયોગના સભ્ય વીકે પોલે જણાવ્યું કે જો આપણને રસી મળી રહી છે અને અમે તે પ્રાયોરિટી ગ્રુપમાં આવીએ છીએ, જેને સૌથી પહેલા રસી આપવામાં આવી રહી છે તો આપણે તેને સ્વીકારવું જોઇએ. રસી લગાવવી જોઇએ. રસી લેવાની ના પાડવી જોઇએ નહીં. જ્યારે તમે રસી લો છો તો તમે પોતાને પ્રોટેક્ટ કરો છે અને કોરોનાના ભય વગર કામ કરો છો. તમે રસીથી પોતાના પરિવારને પણ સુરક્ષિત રાખો છો

તેમણે વધુમાં જણાવ્યું કે જો તમને રસી આપવામાં આવી રહી છે અને તમે તેનો ઇનકાર કરી રહ્યાં છો, તો તેનો અર્થ કે તમે સમાજ પ્રત્યેની તમારી ફરજ નિભાવતા નથી. સમગ્ર વિશ્વ રસી માટે સંઘર્ષ રહ્યું છે. અહીં રસી મળી આવી, દેશે તેને જાતે બનાવી. બે ખૂબ સારી રસીઓ બનાવી અને પછી જો આપણે લઈ રહ્યા હોવ તો તે ખોટું છે. ખાસ કરીને જ્યારે આપણા હેલ્થકેર વર્કર્સ ડોક્ટર-નર્સો રસી લેવાની ના પાડી રહ્યા છે, ત્યારે તે દુઃખદ છે. હું સરકાર તરફથી અપીલ કરુ છુ કે રસીની ખોરાક લો.

સરકાર તરફથી વાત રાખવા માટે આવેલા પોલે જણાવ્યું કે આવનારા થોડાક સપ્તાહમાં તમામ હેલ્થ વર્કર્સને રસી લગાવાશે. જેથી સંપૂર્ણ સ્વાસ્થ્ય વ્યવસ્થા કોવિડ-ફ્રી થઇ જાય. જ્યારે આટલો મોટો રસ્તો દેખાય છે તો, તેમાં ભ્રમિત થવની જરૂર નથી. મેં પોતે કોવેક્સિનની ખોરાક લીધી છે અને તેની કોઇ આડઅસર નથી થઇ. ડેટા પણ જણાવે છે કે બંને રસી સંપૂર્ણ રીતે સેફ છે.

તેમણે જણાવ્યું કે જો રસીને લઇ કોઇ વાત સામે આવી રહી છે, તો તેને નોટ કરી લો. પરંતુ આવું કઇ છે નહીં, તો પછી રસી લેવાનો ઇનકાર કરવો યોગ્ય નથી. રસીને લઇ ભ્રમ સમાપ્ત થવો જોઈએ. પ્લીઝ કરીને બતાવો, કેવી રીતે અમે કોરોનાને ખતમ કરીશું. ઘણાં બધા દેશોમાં કેસો ઓછા થઇ રહ્યા હતા, જેમ ભારતમાં થઇ રહ્યા છે. પરંતુ તેની વેવ પરત ફરી છે. અમે વિનંતી કરીએ છીએ કે આરોગ્ય કર્મચારીઓ તેને રોલ મોડેલ તરીકે લે. આપણે રસી લેવી જોઇએ. આખી દુનિયા રસી માંગી રહી છે

 

(12:16 am IST)
  • ૫ કરોડના ડ્રગ્સ સાથે મુંબઈથી ગુજરાત આવતા આરોપીની ગુજરાત એટીએસએ ધરપકડ કરી : ગુજરાત એટીએસએ એક આરોપીની ધરપકડ કરી : અમદાવાદમાં ૧ કિલો મેથામ્ફેટામાઈન ડ્રગ્સ સાથે કરી ધરપકડ : ૫ કરોડના ડ્રગ્સ સાથે આરોપીની ધરપકડ કરી : મુંબઈથી ગુજરાત લઈને આવ્યો હતો ડ્રગ્સ access_time 1:51 pm IST

  • આઇપીએલમાં હરભજન ચેન્નાઇ તરફથી રમતો જોવા નહિ મળે : ભજજીએ ટવીટ કરી જાણકારી આપી કે ચેન્નાઇ સાથે મારો કરાર પૂર્ણ થઇ ગયો છે. આ ટીમ માટે રમવુ એક સુખદ અનુભવ હતો. હું એ યાદગાર પણ હમેંશા યાદ રાખીશ ચેન્નાઇ સુપર કીંગ્સનું મેનેજમેન્ટ સ્ટાફ અને ફેન્સનો આભાર access_time 4:03 pm IST

  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,566 કેસ નોંધાયા :કુલ કેસની સંખ્યા 1,05,96,228 થઇ :એક્ટિવ કેસ 1,94,247 થયા: વધુ 16,976 દર્દીઓ સ્વસ્થ થતા કુલ 1,02,44,839 થયા :વધુ 154 લોકોના મોત સાથે કુલ મૃત્યુઆંક 1,52,747 થયા access_time 1:03 am IST