Gujarati News

મંગળ યાન પર્સવરન્સ રોવરે મોકલેલ મંગળ ગ્રહની પ્રથમ તસ્વીર. : મંગળ યાનના સફળ ઉતરાણના પગલે કન્ટ્રોલ રૂમમાં નાસાના વૈજ્ઞાનિકો ઝૂમી ઉઠ્યા : બીજા ગ્રહ પર હવાઇ ઉડ્ડયન કરવાનો માનવ ઇતિહાસમાં પ્રથમ બનાવ બનશે રોવર સાથે પ્રથમ હેલિકોપ્ટર લઇ જવાયુ જે મંગળ ઉપર ઉડ્ડયન કરશે

નવી દિલ્હી તા. ૧૯ : અમેરિકાની અંતરિક્ષ એજન્સી નાસાના પર્સેવરેંસ રોવર  મંગળ પર ઉતર્યા હતા. નાસાએ કહ્યું કે પર્સેવરેંસ રોવર સફળતાપૂર્વક મંગળની સપાટી પર ઉતર્યો છે. નાસાના વૈજ્ઞાનિકો અને તેના ઉતરાણ સાથેના કર્મચારીઓ વચ્ચે માં ખુશીની એક લહેર દોડી હતી. ખરેખર, લાલ ગ્રહ પર મનુષ્યને સ્થાયી કરવાની આશામાં નાસાનો પ્રયાસ ખૂબ જ મહત્વપૂર્ણ પગલું છે. અમેરિકાના રાષ્ટ્રપતિ જો બાઇડને પણ નાસાને આ બાબતે શુભેચ્છા પાઠવી છે. તેમણે ટ્વિટ કરીને આ અભિયાન સાથે સંકળાયેલા લોકોને અભિનંદન પાઠવ્યાં છે.

પર્સેવરેંસ રોવરની મંગળ પર સૂરક્ષિત લેંડિગ બાદ, કાર્યકારી પ્રશાસક સ્ટીવ જર્કજીએ પોતાની ટીમને બધાઈ આપી હતી અને વખાણ કરતા કહ્યુ કે, ટીમે મંગળ ગ્રહ પર રોવરને ઉતારવાની સાથે તમામ મુસીબતો અને કોરોના વાયરસના ચેલેન્જનો સામનો કરતા સારુ કાર્ય કર્યુ છે.

પર્સેવરેંસ રોવર ૩૦ જુલાઈ ૨૦૨૦ ના રોજ શરૂ કરાયો હતો. આ રોવર મંગળની સપાટી પર માઇક્રોબાયલ લાઇફના સંકેતોની શોધ કરશે તેમજ તૂટેલા ખડક અને ધૂળના નમૂનાઓ એકત્રિત કરશે. આ નમૂનાઓ આવતા વર્ષોમાં બીજી અભિયાન દ્વારા પૃથ્વી પર પાછા લાવવામાં આવશે. મળતી માહિતી મુજબ આ બીજા અભિયાન દ્વારા વર્ષ ૨૦૩૧ માં આ નમૂનાઓ પૃથ્વી પર લાવવામાં આવશે. મંગળ પર પર્સિવરન્સ રોવર ભૂસ્તરશાસ્ત્ર અને હવામાનનું અન્વેષણ કરશે. આ નાસાનો પાંચમો રોવર છે.

કુલ ૨૨૦ ડોલરની કિંમતવાળી આ કાર-આકારના સ્પેસક્રાફટની લેંડિગનું નાસાએ જીવંત પ્રસારણ કર્યુ. ૧૨ હજાર માઇલ પ્રતિ કલાકની ઝડપે મુસાફરી સમજાવો કે આ ઝડપે લંડનથી ન્યૂયોર્ક ફકત ૧૫ મિનિટના ગાળામાં પહોંચી શકાય છે. . સાત મહિના પહેલાં પૃથ્વી પરથી ગયેલા આ અંતરિક્ષ યાને અંદાજે અડધો અબજ  કિલોમીટરનું અંતર કાપ્યું છે. 'પર્સાવિયરેન્સ રોવર'એ લાલ ગ્રહ પર ઊતર્યા પછી તેની તસવીર ટ્વીટ કરી છે. આ અંતરિક્ષયાન સૂકાઈ ગયેલા જૂના સરોવરના અવશેષોની તપાસ કરશે. સાથે જ અબજો વર્ષ પહેલાં માઇક્રો-ઓર્ગાનિઝમની કોઈ પણ ગતિવિધિની તપાસ કરશે અને તેને પૃથ્વી પર મોકલશે.

અંતરિક્ષયાને જયારે લેન્ડિંગ કર્યું તો નાસાના કંટ્રોલ સેન્ટરમાં બેસેલા સ્ટાફમાં ખુશીની લહેર દોડી ગઈ હતી. વર્ષ ૧૯૭૦ પછી નાસાનું આ મિશન છે, જે મંગળ ગ્રહ પર જીવનના સંકેતોને શોધવા પ્રયાસ કરી રહ્યું છે.

જો આ તમામ પ્રક્રિયા નાસાની યોજના અનુસાર થાય ચો આ પર્સેવેરેંસ રોવર જેજેરો નામના એક ૮૨૦ ફૂટ ઉંડા ક્રેટરના આધાર ને ટચ કરશે. વૈજ્ઞાનિકોનું માનવુ છે કે, જેજેરો પહેલા એક સરોવર હતું. જેમાં લગભગ ૩૫૦ કરોડ વર્ષ પહેલા પાણી રહેલુ હતું.

૬ પૈડાવાળું રોવર યાન મંગળ ઉપર જીવન છે કે કેમ તેની તલાશ કરશે

નાસાએ કહ્યું છે કે ૬ પૈડાવાળું અત્યાધુનિક સાધનો સાથેનું રોવર યાન મંગળની ભૂમિ ઉપર જીવનની સંભાવનાઓની તપાસ હાથ ધરશે. વૈજ્ઞાનિકો માને છે કે કોઇ એક સમયે મંગળ ઉપર જીવન રહ્યું હશે તો તે ૩ થી ૪ અબજ વર્ષ પૂર્વે ધબકતું હોવું જોઇએ. જ્યારે મંગળ ઉપર પાણીનું અસ્તિત્વ હતું. અમેરિકી વૈજ્ઞાનિકોનું માનવું છે કે રોવર યાનની મદદથી દર્શનશાસ્ત્ર, ધર્મશાસ્ત્ર સાથોસાથ સ્પેસ સાયન્સથી સંલગ્ન આ મહત્વના પ્રશ્નનો જવાબ મેળવી શકાશે.

પર્સવરન્સ રોવરના મંગળ ઉતરાણનું સીધુ રોમાંચક પ્રસારણ નાસાએ કર્યું

અમેરિકી સ્પેસ એજન્સી નાસાએ મંગળની ધરતી ઉપર સવારે ૨.૨૫ વાગ્યે થયેલ પર્સવરન્સ યાનના ઉતરાણનું સીધું પ્રસારણ કરી લાખો-કરોડો પૃથ્વીવાસીઓને રોમાંચિત કરી દીધા હતા. જેવું યાન મંગળની ધરતીને અડયું કે નાસાએ ટ્વીટ કર્યું હતું કે 'કાઉન્ટ ડાઉન ટુ માર્સ' તો કમ્પલીટ થઇ ગયું પણ અમારૃં મિશન તો હવે શરૂ થયું છે. નાસાએ લખ્યું છે કે જ્યારે અમે હાથ મીલાવીએ છીએ અને સાથે મગજ દોડાવીએ છીએ તો આપણે સફળ થઇ શકીએ છીએ. આ એ બાબત છે, જે નાસા કરી શકે છે