Gujarati News

Gujarati News

News of Tuesday, 19th January 2021

ટેનિસ સ્ટાર સાનિયા મિર્ઝા પણ કોરોનાની ઝપટે : કહ્યુ -કોરોના કોઈ મજાક નથી, સાવધાની રાખો

સાનિયાએ સૌને માસ્ક પહેરવા અને વારંવાર હાથ ધોવા માટે આગ્રહ કર્યો

મુંબઈ :ભારતીય ટેનિસ સ્ટાર સાનિયા મિર્ઝા જાન્યુઆરી માસના પ્રારંભે જ તે કોરોના સંક્રમિત થઈ હતી. કોરોના પરિક્ષણ દરમ્યાન તે પોઝિટીવ હોવાની જાણકારી મળી હતી, જોકે તે હવે સ્વસ્થ થઈ ચુકી છે. છ વખત ગ્રાન્ડ સ્લેમ વિજેતાએ પોતાના અધિકારીક ટ્વીટર એકાઉન્ટ પર એક ભાવનાત્કમક પોસ્ટ દ્વારા આ અંગેની જાણકારી આપી હતી.

સાનિયાએ લખ્યુ હતુ કે, એક સુચના, જે પાછળના એક વર્ષથી ચાલી રહ્યુ છે. હું પણ કોવિડ-19ની ઝપેટમાં આવી હતી. ઉપરવાળાની કૃપાથી હવે સ્વસ્થ અને બિલ્કુલ ઠીક છુ, પરંતુ હું મારો અનુભવ શેર કરવા માંગુ છું

તેણે કહ્યુ હતુ કે, હું ભાગ્યશાળી રહી હતી કે આ દરમ્યાન મને કોઈ જ ગંભીર લક્ષણ જણાયા નહોતા. જો કે હું આઈસોલેશનમાં હતી, બે વર્ષના બાળક અને પરિવારથી દુર રહેવુ ખૂબ મુશ્કેલ હતુ. સાનિયાએ કહ્યુ કે, તમામ પ્રકારની સાવધાનીઓ વર્તવા છતાં પણ તે કોરોના સંક્રમિત થઈ હતી. તેણે સૌને માસ્ક પહેરવા અને વારંવાર હાથ ધોવા માટે આગ્રહ કર્યો હતો. આગળ કહ્યુ હતુ કે, આ વાઈરસ તે કોઈ મજાક નથી. મેં જેટલુ શક્ય હતુ, તમામ સાવધાનીઓનું પાલન કર્યુ હતુ.

પરંતુ આમ છતાંય કોરોના સંક્રમિત થઈ હતી. પોતાના મિત્રો અને પરિવારની રક્ષા માટે આપણે સૌએ કંઈક કરવુ જોઈએ. માસ્ક પહેરવુ જોઈએ. પોતાના હાથ પણ ધોવો તેમજ પોતાના નજીકના લોકોની રક્ષા કરો. આપણે આ લડાઈમાં સાથે છીએ. આ 34 વર્ષીય ખેલાડીએ બતાવ્યુ હતુ કે તેને આ ખતરનાક વાઈરસના કોઈપણ પ્રકારના લક્ષણનો અહેસાસ થયો નહોતો. પરંતુ આ દરમ્યાન પોતાના પુત્રથી દુર રહેવાનુ તેને ખૂબ મુશ્કેલ લાગ્યુ હતુ.

(11:34 pm IST)
  • પ્રાઇવેટ ડોક્ટર પાસે આંખ ચેક કરાવો : સરકારી હોસ્પિટલના રિપોર્ટ ખોટા જોવા મળ્યા છે : કેન્દ્રીય મિનિસ્ટર ગડકરીનો રાજનાથસિંઘ સાથેનો સંવાદ : મુંબઈમાં કારમાં મુસાફરી વખતે પોતાના ડ્રાયવરને મોતિયો હોવા છતાં આંખ બરાબર હોવાનું સર્ટિફિકેટ લાવ્યો હતો : એક મુખ્યમંત્રીનો ડ્રાયવર બંને આંખે આંધળો હતો : એક કેન્દ્રીય મિનિસ્ટરના ડ્રાયવરની એક આંખ ખરાબ હતી access_time 11:42 am IST

  • મમતા બેનરજીએ નેતાજી બોઝની જન્મજયંતિને દેશનાયક દિવસ તરીકે ઉજવવાની ઘોષણા કરી: મોદી સરકારે નેતાજી બોઝની જન્મજયંતિને પરાક્રમ દિવસ તરીકે ઉજવવાનું નક્કી કર્યું : મોદી સરકારના નિર્ણયને મમતા બેનર્જીએ રાજનીતિ પ્રેરિત ગણાવ્યો access_time 12:55 am IST

  • દેશમાં ૨૪ કલાકમાં કોરોનાના ૧૦૦૬૪ દર્દી આવ્યાઃ ૧૩૭ના મોતઃ કુલ કેસ થયા ૧ કરોડ ઉપરઃ ૧,૫૨,૫૫૬ મોત : નવી દિલ્હીઃ છેલ્લા ૨૪ કલાકમાં દેશમાં કોરોનાના ૧૦૦૬૪ નવા દર્દી સામે આવ્યા છે અને એ દરમ્યાન ૧૩૭ના મોત થયા છેઃ દેશમાં કુલ કેસ ૧,૦૫,૮૧,૮૩૭ થયા છે, જેમાં ૨૦૦૫૨૮ એકટીવ કેસ છે જ્યારે ૧ કરોડ ૦૨ લાખથી વધુ રીકવર થયા છેઃ કુલ મૃત્યુ ૧૫૨૫૫૬ના થયા છેઃ ગઈકાલે ૭,૦૯,૭૯૧ ટેસ્ટ કરાયા હતાઃ આ સાથે કુલ ટેસ્ટીંગ ૧૮,૭૮,૦૨,૮૨૭ થયા છે access_time 11:35 am IST