Gujarati News

Gujarati News

News of Thursday, 17th September 2020

દેપસોંપમાં લાંબા સમયથી ભારતીય જવાનોને પ્રવેશ નહીં

લદ્દાખ ઘર્ષણમાં મહત્વના પોઈન્ટને ભૂલી જવાયો છે : ભારતીય સેના પોતાના વિસ્તારમાં છેલ્લા ૧૫ વર્ષથી પગ મૂકી શકી નથી : ચીને પોતાની બે બ્રિગેડ તૈનાત કરેલી છે

લદ્દાખ, તા. ૧૭ : લદ્દાખ મોરચે ગલવાન ખીણ અને પેંગોંગ લેક વિસ્તારમાં ભારત અને ચીની સેના વચ્ચે  થયેલા ઘર્ષણ પછી ભારતીય સેનાના જવાનો એ વિસ્તારમાં જઈ શકતા નથી એ વાત સાચી છે પણ દેપસોંગમાં તો છેલ્લા કેટલાય સમયથી ભારતીય જવાનોને પ્રવેશ અપાતો નથી. આ પ્રદેશ પણ ભારતીય ભૂમિમાં પડે છે પણ ભારતીય સેનાને જ પ્રવેશ નથી.

સુરક્ષાની બાબતો સાથે સંકળાયેલા જાણકારોના કહેવા પ્રમાણે દેપસોંગમાં ભારતે પોતાની જમીન નથી ગુમાવી પણ ભારતીય સેના પોતાના જ વિસ્તારમાં છેલ્લા ૧૫ વર્ષથી પગ મૂકી શકી નથી. આ અધિકારીના કહેવા પ્રમાણે દેપસોંગ પ્લેન્સ વિસ્તારમાં ચીને પોતાની બે બ્રિગેડ તૈનાત કરેલી છે. જેના કારણે ભારત દ્વારા પરંપરાગત રીતે પેટ્રોલ પોઈન્ટ ૧૦ થી ૧૩ સુધીના વિસ્તારમાં જે પેટ્રોલિંગ થતું હતું તે અટકી ગયું છે.

ભારત માટે આ વિસ્તાર બહુ મહત્વનો છે. કારણકે, અહીંથી પૂર્વમાં કારાકોરમ પાસ નજીક ભારતનુ વ્યૂહાત્મક રીતે મહત્વનુ સ્થળ દૌલત બેગ ઓલ્ડી માત્ર ૩૦ કિલોમીટર દૂર છે. લદ્દાખના પહાડી વિસ્તારમાં આ જ વિસ્તાર એવો છે જ્યાં જમીન બિલકુલ સમતળ છે.એટલે જ તેને દેપસોંગ પ્લેન્સ કહેવામાં આવે છે.

નજીકમાં જ ભારતીય સેનાનુ આર્મી બેઝ હોવા છતા ભારત ડેપસોંગ પ્લેન્સના કેટલાક હિસ્સા પર ૧૫ વર્ષથી જઈ શકતું નથી. આ વિસ્તાર લગભગ ૯૭૨ સ્કેવર કિલોમીટર જેટલો થાય છે. હવે ભારતના સૈનિકોને ચીની સેના પેટ્રોલ પોઈન્ટ ૧૦ થી ૧૩ સુધી જતાં રોકે છે.

(9:48 pm IST)
  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST

  • કોરોના વાઇરસથી સંક્રમિત બીજેપી સાંસદ અશોક ગાસતિનું નિધન : હજુ બે મહિના પહેલા રાજ્યસભાના સાંસદ તરીકે શપથ લીધા હતા : ગઈકાલ બુધવારે તિરુપત્તીના લોકસભાના સાંસદ બલ્લી દુર્ગાપ્રસાદ રાવનું કોરોના વાઇરસને કારણે અવસાનથયું : આજ ગુરુવારે બીજા સાંસદનો કોરોના વાયરસે ભોગ લીધો : 2 દિવસમાં 2 સાંસદની ચિર વિદાય access_time 6:23 pm IST

  • ચીનના જાસૂસી કાંડ મામલે તપાસ :ચીની કંપનીના જાસૂસી કાંડ મામલે કેન્દ્ર સરકારે રાષ્ટ્રીય સાયબર સુરક્ષા સમન્વયકના વડપણ હેઠળ કમિટીની રચના :30 દિવસમાં માંગ્યો રિપોર્ટ access_time 1:03 am IST