Gujarati News

Gujarati News

News of Thursday, 17th September 2020

રાજસ્થાનના કોટામાં ૩૫ પ્રવાસીઓ વાળી હોડી ચંબલ નદીમાં ડુબી જતાં ૧૨ લોકોના મોત : 19ને રેસ્ક્યુ કરાયા

૩૫ પ્રવાસીઓમાં ૧૨ મહિલાઓ અને છ બાળકો હતા:ચાર લોકો હજુ લાપતા : શોધખોળ ચાલુ

રાજસ્થાનના કોટામાં ૩૫ પ્રવાસીઓ વાળી હોડી ચંબલ નદીમાં ડુબી જતાં ૧૨ લોકોના મોત નિપજ્યા છે, જ્યારે અન્ય ચાર લોકો ગૂમ થયા છે, અન્ય ૧૯ લોકોને બચાવી લેવાયા છે. અગાઉથી જ તૂટેલી હોડીમાં બેઠેલા ૩૫ પ્રવાસીઓમાં ૧૨ મહિલાઓ અને છ બાળકો હતા. ઘટનાસ્થળે પહોંચેલી બચાવ ટુકડીએ ૧૯ પ્રવાસીઓને સુરક્ષિતપણે બહાર કાઢ્યા હતા. જ્યારે એમાનાં અન્ય ૧૨ પ્રવાસીઓની લાશ મળી આવી હતી. અન્ય ચાર લોકો હજી લાપતા છે. પરિસ્થિતિ એવી હતી કે કોટાથી તબીબોની ટીમને બોલાવીને સ્થળ પર જ લાશના પોસ્ટમોર્ટમની વ્યવસ્થા કરવી પડી. જિલ્લા કલેકટર અને પોલીસ અધિક્ષકે ઘટના સ્થળે બચાવકાર્યનું નિરીક્ષણ કર્યું હતુ.

આ દુર્ઘટનામાં ૩૫ ભાવિકો પહેલેથી તૂટેલી હોડીમાં બેસીને કમલેશ્વર ધામ મંદિરમાં ભગવાનના દર્શન માટે જઈ રહ્યા હતા. હોડીની ક્ષમતા કરતાં વધુ લોકો એમાં બેઠા હતા. હોડીમાં ૧૦ મોટર સાયકલ સહિત અન્ય સામાન પણ મૂકવામાં આવ્યો હતો. આથી હોડી ચંબલ નદીમાં થોડેક દૂર જઈને અસંતુલિત થતાં પલટી ખાઈ ગઈ હતી. હોડીના પ્રવાસીઓ પાણીમાં ડૂબવા લાગ્યા. એમાંના બે જણ તરીને બહાર આવી ગયા. કોટાથી ચંબલ ખાતે પહોંચેલી બચાવ ટુકડીએ ૧૯ લોકોને સુરક્ષિત પણે બહાર કાઢી લીધા, જ્યારે અન્ય ૧૨ લોકોની લાશ કાઢવામાં આવી

(11:12 am IST)
  • નેપાળના પ્રાઈમ મિનિસ્ટર કે.પી.શર્મા ઓલીએ શ્રી નરેન્દ્ર મોદીને જન્મદિવસની શુભેચ્છા પાઠવી : બંને દેશ સાથે મળીને કામ કરશું તથા સબંધો વધુ મજબૂત કરીશું તેવી ભાવના વ્યક્ત કરી access_time 1:11 pm IST

  • રસ્તો ક્રોસ કરી રહેલા ઉત્તર પ્રદેશના ભાજપના ધારાસભ્ય દેવેન્દ્ર પ્રતાપ સિંહને વાહને અડફેટે લઇ લીધા : ચા પીવા ઉભા રહ્યા બાદ રસ્તો ઓળંગી રહ્યા હતા ત્યારે પુરપાટ ઝડપે જઈ રહેલા વાહને ટક્કર મારી દીધી : ગંભીર હાલતમાં લખનૌ હોસ્પિટલમાં દાખલ access_time 8:37 pm IST

  • જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના નેતા નરેન્દ્રભાઈ દવે સહિતના પરિવારજનોને કોરોના : કેએસપીસીના પ્રમુખ મહાત્મા ગાંધી લેબર ઈન્સ્ટીટ્યુટના વાઈસ ચેરમેન અને દેશના જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના પ્રાતસહઃ વ્યવસ્થા પ્રમુખ નરેન્દ્રભાઈ દવે સહિતના પરિવારને કોરોના પોઝીટીવ : ચિંતાની લાગણી access_time 11:19 am IST