Gujarati News

Gujarati News

News of Sunday, 17th January 2021

ધૂમ્રપાન કરનાર અને શાકાહારી લોકોમાં કોરોના વાયરસથી સંક્રમિત થવાનું જોખમ ઓછું : નવા સર્વેમાં મોટો ખુલાસો

બ્લડ ગ્રુપ 'O' વાળા લોકો સંક્રમણ સામે ઓછા સંવેદનશીલ જ્યારે 'B' અને 'AB' બ્લડ ગ્રુપ વાળા લોકોને વધારે જોખમ

નવી દિલ્હી : વૈજ્ઞાનિક અને ઔદ્યોગિત અનુસંધાન પરિષદ (CSIR) દ્વારા પોતાના લગભગ 40 સંસ્થાઓમાં કરેલા અખિલ ભારતીય સીરોસર્વે અનુસાર ધુમ્રપાન કરતા અને શાકાહારીઓમાં ઓછી સીરો પોઝિટિવીટી જોવા મળી છે.જે દર્શાવે છે કે, તેમને કોરોના વાયરસથી સંક્રમિત થવાનું ઓછુ જોખમ રહેલુ છે. સર્વેમાં એવું જાણવા મળ્યુ છે કે, બ્લડ ગ્રુપ 'O' વાળા લોકો સંક્રમણ સામે ઓછા સંવેદનશીલ હોય છે. જ્યારે 'B' અને 'AB' બ્લડ ગ્રુપ વાળા લોકોને વધારે જોખમ ઉભુ થાય છે.

CSIRએ એસએઆરએસ-સીઓવી-2 પ્રત્યે એન્ટીબોડીની હાજરીનું આકલન કરવા પોતાના સંશોધનમાં લેબોરેટરીમાં કામ કરતા 10,427 વયસ્ક વ્યક્તિઓ અને તેમના પરિવારના સભ્યોના સ્વૈચ્છિક આધારે નમૂના લીધા હતા. IGIB દિલ્હી દ્વારા સંચાલિત અધ્યયનમાં કહેવાયુ છે કે, 10,427 વ્યક્તિઓમાંથી 1,058 (10.14 ટકા)માં એસએઆરએસ-સીઓવી-2 પ્રત્યે એન્ટીબોડી હતી.

સંશોધનમાં એવુ પણ જાણવા મળ્યુ છે કે, અમારૂ તારણ છે કે, ધૂમ્રપાન કરતા લોકોમાં સીરો પોઝિટીવ હોવાની સંભાવના ઓછી છે. સામાન્ય વસ્તીમાં આ પ્રથમ રિપોર્ટ છે, અને તેનો પુરાવો છે કે, કોવિડ શ્વસન સંબંધિત બિમારી હોવા છતાં તે ધૂમ્રપાનથી બચાવકારી હોય શકે છે. આ સંશોધનમાં ફ્રાન્સના બે અધ્યયન અને ઈટલી, ન્યૂયોર્ક અને ચીનમાંથી આવા પ્રકારના રિપોર્ટનો હવાલો આપવામાં આવ્યો છે. જેમાં ધૂમ્રપાન કરતા લોકોમાં સંક્રમણ ઓછુ જોવા મળ્યુ છે.

(11:30 pm IST)
  • કોવેક્સિન રસી બનાવતી કંપની ભારત બાયોટેક્નું એલાન : રસીની અવળી અસર થશે તો સારવારનો ખર્ચ કંપની ઉઠાવશે : ગંભીર અસર થાય તો વળતર ચુકવશે access_time 8:41 pm IST

  • પ્રજાસત્તાક દિવસે આઉટર દિલ્હી રીંગ રોડ ઉપર ખેડૂતો પરેડ કરશે : પોણા બે મહિનાથી કૃષિ કાનૂનોના વિરોધમાં આંદોલન ચાલવી રહેલા આંદોલનકારી ખેડૂતો ૨૬ જાન્યુઆરીએ દિલ્હી આઉટર રિંગ રોડ પર કરશે પરેડ: કિસાન નેતાઓની જાહેરાત access_time 8:33 pm IST

  • છેલ્લા ૨૪ કલાકમાં કેરળમાં ફરી કોરોનાના નવા- કેસનો આંક છ હજાર આસપાસ પહોંચી ગયો છે : મહારાષ્ટ્રમાં પણ ૩૦૦૦ આસપાસ નવા કેસ નોંધાયા છે: જ્યારે ગુજરાતમાં ૫૦૫ કેસ નોંધાયા છે, ગુજરાતમાં કોરોના કેસ સતત ઘટતા જતા હોય દેશમાં હવે દસમા નંબરે રહેલ છે: સૌથી ઓછા કેસોમાં ગુરુગ્રામમાં ૩૫, ચંદીગઢમાં ૩૯, ઈન્દોર ૪૩, જયપુર ૫૬, હિમાચલ ૭૧, ગોવા ૮૩, ભોપાલ ૮૭, અમદાવાદ ૯૯ અને જમ્મુ અને કાશ્મીર ૧૦૯ કેસ નોંધાયા છે. access_time 3:30 pm IST