Gujarati News

Gujarati News

News of Wednesday, 16th September 2020

ગુજરાતમાં નોકરીની સૌથી વધુ તકો

સરકાર પાસે નોકરી માંગી રહ્યા છે ૧.૦૩ કરોડ લોકો : ઉપલબ્ધ માત્ર ૧.૭૭ લાખ

નવી દિલ્હી,તા. ૧૬: શ્રમ મંત્રાલયના તાજા આંકડાઓ મુજબ દેશમાં ૧.૦૩ કરોડ લોકો નોકરી શોધી રહ્યા છે. પણ અલગ અલગ રાજ્યોમાં અત્યારે માત્ર પોણા બે લાખ નોકરીઓ જ ઉપલબ્ધ છે. પશ્ચિમ બંગાળના લોકોએ નોકરી માટે સૌથી વધોર રજીસ્ટ્રેશન કરાવ્યું છે. સરકારના નેશનલ કેરીયર સર્વિસ પોર્ટલ દ્વારા લોકોએ નોકરી માંગી છે. સરકાર આંકડાઓ અનુસાર પશ્ચિમ બંગાળમાંથી ૨૩.૬૧ લાખ લોકોએ આ પોર્ટલ પર રજીસ્ટ્રેશન કર્યું છે. નોકરીની જરૂરિયાત બાબતે યુપી બીજા નંબરે છે. ત્યાંના ૧૪.૬૦ લાખ લોકો નોકરી શોધી રહ્યા છે. ત્રીજા નંબર પર મહારાષ્ટ્ર (૧૩.૩૨ લાખ) ચોથા નંબરે બિહાર (૧૨.૩૨ લાખ) અને પાંચમા નંબર પર રાજસ્થાન (૬.૧૭ લાખ) લોકો નોકરી શોધી રહ્યા છે.

દિલ્હીમાં ૯૦ હજાર, હરિયાણામાં ૭૧ હજાર, ઝારખંડમાં ૯૩ હજાર અને ઉતરાખંડમાં ૪૯ હજાર લોકોએ આ પોર્ટલ પર રજીસ્ટ્રેશન કરાવ્યું છે. સરકાર તરફથી અપાયેલા આંકડાએ પોર્ટલની શરૂઆતથી માંડીને ૩૧ ઓગસ્ટ ૨૦૨૦ સુધીના છે.

બેરોજગારીના આંકડાઓ કરતા દેશમાં નોકરીઓ અત્યંત ઓછી છે. દેશભરમાં અલગ અલગ રાજ્યોમાં આ બધા લોકો માટે માત્ર ૧.૭૭ લાખ નોકરીઓ જ ઉપલબ્ધ છે. તેમાં સૌથી વધારે નોકરીઓ ૬૬૪૨ ગુજરાતમાં ઉપલબ્ધ છે. ત્યાર પછી બીજા નંબરે પશ્ચિમ બંગાળમાં ૪૦૩૧ નોકરી છે. બિહારમાં ૩૭૭૬, હરિયાણામાં ૮૯૭ દિલ્હીમાં ૧૮૦૪, યુપીમાં ૧૧૮૮ અને ઝારખંડમાં ૨૧૬ નોકરીઓ ઉપલબ્ધ છે.

દેશમાં બેરોજગારોને નોકરી આપનારાઓને એક પ્લેટફોર્મ પર લાવવાના ઉદેશથી કેન્દ્ર સરકાર દ્વારા ૨૦૧૫માં નેશનલ કેરીયર સર્વિસ પોર્ટલની શરૂઆત થઇ હતી. તેમાં નોકરી દાતાઓ અને બેરોજગાર બન્ને રજીસ્ટ્રેશન કરાવી શકે છે. યોગ્ય નોકરીનું નોટીફીકેશન રજીસ્ટર્ડ બેરોજગારને મળી જાય છે અને તેના માટે અરજી કરી શકે છે.

(11:17 am IST)
  • આઈપીએલ માટે તમામ ટીમોમાં સૌથી મોટો પડકાર ગરમી હશે : મુંબઈ ઈન્ડિયન્સ ટીમના બોલર ટ્રેન્ટ બોલ્ટે કહ્યુ કે આઈપીએલની આ સીઝનમાં તમામ ટીમો માટે સૌથી મોટો પડકાર દુબઈની ગરમ અને ભેજવાળી સ્થિતિમાં એડજસ્ટ થવાનો રહેશે : હાલમાં ન્યુઝીલેન્ડમાં શિયાળો હોય છે જયારે અહિં ૪૫ ડિગ્રી તાપમાનમાં રણની વચ્ચે શરીરને ઢાળવવુ પડશે access_time 3:31 pm IST

  • આલેલે... છ મહિનામાં ચીનાઓએ કોઈ ઘૂસણખોરી કરી નથી : ગૃહ બાબતોના મંત્રાલયે રાજયસભામાં જણાવ્યુ હતું કે ભારત - ચીન સરહદે છેલ્લા ૬ મહિના દરમિયાન કોઈ જ ઘૂસણખોરીનો બનાવ બન્યો નથી access_time 11:17 am IST

  • ઉત્તર પ્રદેશમાં 21 સપ્ટેમ્બરથી સ્કૂલો ખુલવાની શક્યતા નહિવત : રાજ્યમાં વધી રહેલા કોરોના સંક્રમણને ધ્યાને લઇ ડેપ્યુટી સી.એમ.દિનેશ શર્માનો નિર્દેશ : કેન્દ્ર સરકારે અનલોક 4 માં 21 સપ્ટે.થી સ્કૂલો ખોલવાની મંજૂરી આપી હોવા છતાં રાજ્ય સરકાર અસંમત : વિદ્યાર્થીઓની સુરક્ષાને પ્રાધાન્ય આપવાનો હેતુ access_time 12:20 pm IST