Gujarati News

આસામમાં ભારતીય વાયુસેનાનું  વિમાન દુર્ઘટનાગ્રસ્ત થયું છે. આ દુર્ઘટનામાં વિમાનમાં સવાર બંને પાયલટ્સના મોત નીપજ્યા છે આ દુર્ઘટનાની તપાસના આદેશ કરાયા છે

 આ અંગેની મળતી વિગત મુજબ માઈક્રોલાઈટ વિમાન તેની નિયમિત ઉડાણ માટે જોરહાટના એરબેઝથી રવાના થયું હતું. આ વિમાન ઉડાણના થોડા સમય બાદ  માજુલી જિલ્લામાં દુર્ઘટનાગ્રસ્ત થયું હતું. અધિકારીએ કહ્યુ છે કે વિમાનના કાટમાળની ભાળ મળી છે અને કોર્ટ ઓફ ઈન્ક્વાયરીના આદેશ આપવામાં આવ્યા છે.

   માજુલી જિલ્લાની પોલીસે દુર્ઘટના અને તેમા થયેલા મોતની ઘટનાને પુષ્ટિ આપી છે પોલીસ અધિકારીએ જણાવ્યુ છે કે સુમોઈમારી ચપોરીમાં આ દુર્ઘટના થઈ છે. સંરક્ષણ વિભાગ અને વાયુસેનાકર્મી માજુલી પહોંચ્યા છે