Gujarati News

Gujarati News

News of Wednesday, 14th February 2018

પીપીએફ ખાતાને વહેલી તકે બંધ કરવા ટુંકમાં મંજુર મળે તેવા સંકેત

કેન્દ્ર સરકાર દ્વારા સંકેત અપાતા મોટી રાહત મળી શકે : પાંચ વર્ષની નિર્ધારિત અવધિ પૂર્ણ થાય તે પહેલા સ્કીમમાંથી બહાર આવવા રોકાણકારોને મંજુરી મળી શકે : ઇમરજન્સીના કેસમાં વાલીઓને લાભ થશે

મુંબઇ,તા. ૧૪ : એક મહત્વપૂર્ણ ઘટનાક્રમમાં કેન્દ્ર સરકારે કહ્યું છે કે, પીપીએફ ખાતાઓને વહેલીતકે બંધ કરવા તે મંજુરી આપી શકે છે. કેન્દ્ર સરકારનું કહેવું છે કે, લોકપ્રિય પબ્લિક પ્રોવિડંડ ફંડ સ્કીમમાં મૂળભૂત પાસાઓને જાળવી રાખવા માટે તે કટિબદ્ધ છે જેમાં કરવેરા મુક્તિ અને વ્યાજદરની નીતિ સહિત પબ્લિક પ્રોવિડંડ ફંડ સ્કીમના મૂળભૂત પાસાઓનો સમાવેશ થાય છે. કેન્દ્ર સરકાર પીપીએફ ખાતાઓને વહેલીતકે બંધ કરવાની સાથે સાથે અન્ય કેટલાક પાસાઓ ઉપર પણ વિચારી રહી છે. સરકારે પીપીએફ અને નેશનલ સેવિંગ્સ સર્ટિફિકેટ જેવી નાની બચતની યોજનાઓને લઇને કાયદાઓમાં સુધારા કરવા કેટલાક સુધારા સુચવ્યા છે. નાની બચત સાથે સંબંધિત પ્રમાણપત્ર દ્વારા કેટલીક શંકાઓ હાલમાં ઉભી કરવામાં આવી છે. નિવેદનમાં નાણામંત્રાલયનું કહેવું છે કે, ઉચ્ચ શિક્ષણની જરૂરિયાત અથવા તો મેડિકલ ઇમરજન્સી જેવી કોઇ બાબતના કેસમાં પીપીએફ ખાતાઓને સમય કરતા વહેલી તકે બંધ કરવાને મંજુરી આપવામાં આવશે. નાની બચતની યોજનાઓમાં મૂડીરોકાણ વાલીઓ તરફથી બિલમાં સુચવવામાં આવેલી જોગવાઈ હેઠળ નાના પાયે રોકાણ કરવામાં આવે છે. વાલીઓને એસોસિએટેડ અધિકારો અને જવાબદારીઓ પણ આપવામાં આવી છે. ચોક્કસ જોગવાઈઓને લઇને હિલચાલ હાથ ધરવામાં આવી છે. બેંક ડિપોઝિટની સરખામણીમાં ઉંચા વ્યાજદરની ઓફર ઉપરાંત કેટલીક નાની બચતની સ્કીમો ઇન્કમટેક્સના લાભ પણ ધરાવે છે જેના ભાગરુપે નાની બચતની સ્કીમો ઉપર ટેક્સ પોલીસી અથવા તો વ્યાજદરમાં કોઇ ફેરફાર કરવામાં આવે તેવી શક્યતા ઓછી છે. આ સુધારા મારફતે વ્યાજદરમાં કોઇ સુધારા કરવામાં આવનાર છે. સરકારનું કહેવું છે કે, હાલમાં જે લાભ જારી છે તે લાભને પરત ખેંચવાની પણ કોઇ યોજના નથી.

(7:42 pm IST)
  • અમિતભાઈ શાહ આજે અમદાવાદમાં પણ આવે છે : કોર્પોરેટર ગૌતમભાઈ પટેલના પુત્રના લગ્નમાં હાજરી આપશે access_time 4:08 pm IST

  • અમેરીકાના સ્વીમીંગ સિતારા માઈલ ફેલ્પ્સની પત્નિએ બીજા પુત્રને જન્મ આપ્યો : ૩૨ વર્ષના ફેલ્પ્સ અને તેની પત્નિ નિકોલે બીજા પુત્રને જન્મ આપ્યો હોવાની જાહેરાત કરી : ફેલ્પ્સે ૨૦૧૬માં રિયો ડિ જાનેરો ખાતેના ઉનાળાના ઓલિમ્પિક રમતોત્સવ બાદ સૌથી સફળ ઓલિમ્પિયન તરીકે નિવૃતિ લીધી હતીઃ તેણે ૨૮ ઓલિમ્પિક મેડલ જીત્યા હતા access_time 12:24 pm IST

  • નેપાળની ઐતિહાસિક સંસદીય ચૂંટણીઓમાં ડાબેરી ગઠબંધનની મોટી જીત બાદ સીપીએન-યુએમએલના ચેરમેન કે.પી. શર્મા ઓલી (65 વર્ષ) ફરી એક વખત દેશના વડાપ્રધાન બન્યા છે. ગુરુવારે તેમણે બીજી વખત નેપાળના વડા પ્રધાન તરીકે શપથ લીધા હતા. ભારત સાથે રોટી - પુત્રીનો સંબંધ ધરાવનાર પાડોશી દેશ નેપાળના નવા વડાપ્રધાન ઓલીને ચાઇનાનાં સમર્થક માનવામાં આવે છે. access_time 1:50 am IST