News of Wednesday, 14th February 2018

જમ્મુ-કાશ્મીર-હિમાલયમાં બરફવર્ષા થતા ઠંડા પવનનું જોર વધ્યું

રાજકોટઃ આજે સવારથી સર્વત્ર વાતાવરણમાં પલ્ટા સાથે પવનનું જોર વધતા ઠંડીની અસર વર્તાઇ રહી છે.

છેલ્લા ૨૪ કલાકથી રાજ્યમાં તીવ્ર ગતિથી પવન ફુંકાઈ રહ્યો છે અંદાજે ૧૩ કિલોમીટર પ્રતિ કલાકની ઝડપે પવન ફુંકાયો હતો. જેના કારણે ઠંડીનો ચમકારો પણ અનુભવાઈ રહ્યો છે. તેમજ આકાશમાં સતત વાદળછાયુ વાતાવરણ રહે છે. આજે વહેલી સવારે તીવ્ર પવન સાથે ગાઢ ધુમ્મસ પણ જોવા મળ્યુ હતું. જેના કરણે વહેલી સવારે વાહનચાલકોને મુશ્કેલીનો સામનો કરવો પડ્યો હતો.

ધુમ્મસના કારણે કેટલીક જગ્યાએ અકસ્માત સર્જાયો હોવાનુ પણ સામે આવ્યુ છે. આગામી એકથી બે દિવસ સુધી રાજ્યમાં ઠંડા પવનનો આતંક યથાવત રહે તેવી શક્યતા છે. જમ્મુ કાશ્મીર સહિત હિમાલયના વિસ્તારમાં છેલ્લા દિવસથી સતત બરફવર્ષા થઈ રહી છે. જેના કારણે ઠંડા પવનોનુ જોર વધ્યુ હોવાનુ મનાઈ રહ્યુ છે. દરમિયાન રાજ્યના લઘુત્તમ તાપમાનમાં વધારો થતા ઠંડીનુ પ્રમાણ ઘટ્યુ છે.

પરંતુ ઠંડા પવનોના કારણે મોડી રાત્રે અને વહેલી સવારે ઠંડી અનુભવાય છે, જેના કારણે લોકોએ બેવડી ઋતુનો અનુભવ કરવો પડે છે. તેમજ સતત વાદળછાયા વાતાવરણના કારણે જીરુ, ઈસબગુલ, ઘઉં સહિતના રવિપાક પર પણ જોખમ ઉભુ થયુ છે.

(5:14 pm IST)
  • અરુણાચલ પ્રદેશના મુખ્યમંત્રી પર એક મહિલાએ જાતીય દુર્વ્યવહારનો આરોપ મૂક્યો છે. ભોગ બનનારે નેશનલ કમિશન ફોર વુમનની મદદની માગણી કરતા જણાવ્યું હતું કે 10 વર્ષ પહેલાં અરુણાચલ પ્રદેશના મુખ્યમંત્રી પેમા ખાંડુંએ તેનું શારીરિક શોષણ કર્યું હતું. રાષ્ટ્રીય મહિલા કમિશનએ મહિલાની ફરિયાદ પર યોગ્ય પગલાંની ખાતરી આપી છે. access_time 1:55 am IST

  • દુનિયામાં માત્ર ૫ ટકા મહિલાઓ ગણિત અને નેચરલ સાઈન્સ ક્ષેત્રમાં કામ કરે છેઃ એન્જીનીયરીંગમાં ૮ ટકા અને સ્વાસ્થ્યના ક્ષેત્રમાં ૧૫ ટકા મહિલાઓ access_time 4:11 pm IST

  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST