Gujarati News

Gujarati News

News of Wednesday, 14th February 2018

કામણગારી આંખોથી 'ઘાયલ' કરનારી પ્રિયા પ્રકાશ વિરૂધ્ધ FIR

દેશભરમાં રાતોરાત સ્ટાર બનેલી અભિનેત્રી પ્રિયા મુશ્કેલીમાં મુકાઇઃ ધાર્મિક લાગણી દુભાવાનો આરોપ

હૈદરાબાદ તા.૧૪ : પોતાની કામણગારી આંખો અને ચહેરાના હાવભાવથી રાતોરાત દેશભરમાં લોકપ્રિય બનેલી મલયાલમ અભિનેત્રી પ્રિયા પ્રકાશ હવે મુશ્કેલીમાં મૂકાઈ ગઈ છે. જે ગીતથી પ્રિયા દેશભરમાં જાણીતી બની ગઈ છે તે જ ગીત હવે તેના માટે મુસીબત લઈને આવ્યું છે. હૈદરાબાદમાં કેટલાક યુવાનોએ વાઈરલ થયેલા આ ગીત સામે ધાર્મિક લાગણી દુભાઈ હોવાની ફરિયાદ કરતા પ્રિયા પ્રકાશ અને પ્રોડ્યુસર વિરુદ્ઘ એફઆરઆઈ નોંધાવી છે.

ઉલ્લેખનીય છે કે પ્રિયા પ્રકાશ હાલમાં સોશિયલ મીડિયા પર પોતાના એક વીડિયો દ્વારા છવાઈ ગઈ છે. મલયાલી ફિલ્મ ઓરૂ અડાર લવથી ફિલ્મી જગતના પદાર્પણ કરી રહેલી પ્રિયા આ ફિલ્મના એક ગીતની નાનકડી કિલપથી રાતોરાત સ્ટાર બની ગઈ છે.

એક અંગ્રેજી સમાચાર ચેનલના જણાવ્યા પ્રમાણે હૈદરાબાદના કેટલાક યુવાનોએ ગીતમાં ઉપયોગમાં લેવામાં આવેલા શબ્દો સામે વાંધો ઉઠાવ્યો છે. પ્રિયા પ્રકાશ વિરુદ્ઘ ફરિયાદ નોંધાવનારા આ યુવાનોનું કહેવું છે કે તેમને પણ આ વીડિયો પસંદ આવ્યો હતો. પરંતુ જયારે તેમણે મલયાલમના આ ગીતનું ટ્રાન્સલેશન કર્યું તો જાણવા મળ્યું કે તેમાં કેટલાક શબ્દો એવા છે જે ધાર્મિક લાગણી દુભાવે છે. ત્યારબાદ તેમણે તેના વિરુદ્ઘ ફરિયાદ દાખલ કરવાનો નિર્ણય લીધો હતો.

પ્રિયા પ્રકાશની મલયાલમ ફિલ્મ ઓરૂ અડાર લવ ત્રીજી માર્ચે રિલીઝ થવાની છે. આ ફિલ્મનું ગીત માનિકા મલયારા પૂવી હાલમાં જ રિલીઝ થયું છે. આ ગીતનો વીડિયો સામે આવ્યા બાદ પ્રિયા સોશિયલ મીડિયા પર છવાઈ ગઈ હતી. એટલુંઙ્ગ જ નહીં ઈન્ટાગ્રામ પર પ્રિયાના ફોલોઅર્સની સંખ્યા વધી ગઈ હતી. ૨૪ કલાકની અંદર જ તેના ફોલોઅર્સની સંખ્યા ૧૦ લાખથી ઉપર થઈ ગઈ હતી. પ્રિયા હાલમાં ૧૮ વર્ષની છે અને ત્રિશૂરની વિમલા કોલેજમાં બી.કોમના પ્રથમ વર્ષમાં અભ્યાસ કરી રહી છે. પોતાની ડેબ્યૂ ફિલ્મમાં પણ તે એક વિદ્યાર્થિનીની ભૂમિકા ભજવી રહી છે.

(4:42 pm IST)
  • અમેરીકાના સ્વીમીંગ સિતારા માઈલ ફેલ્પ્સની પત્નિએ બીજા પુત્રને જન્મ આપ્યો : ૩૨ વર્ષના ફેલ્પ્સ અને તેની પત્નિ નિકોલે બીજા પુત્રને જન્મ આપ્યો હોવાની જાહેરાત કરી : ફેલ્પ્સે ૨૦૧૬માં રિયો ડિ જાનેરો ખાતેના ઉનાળાના ઓલિમ્પિક રમતોત્સવ બાદ સૌથી સફળ ઓલિમ્પિયન તરીકે નિવૃતિ લીધી હતીઃ તેણે ૨૮ ઓલિમ્પિક મેડલ જીત્યા હતા access_time 12:24 pm IST

  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST

  • અમિતભાઈ શાહ આજે અમદાવાદમાં પણ આવે છે : કોર્પોરેટર ગૌતમભાઈ પટેલના પુત્રના લગ્નમાં હાજરી આપશે access_time 4:08 pm IST