News of Wednesday, 14th February 2018

વેલેન્ટાઈન વેચાણ દિવાળીના આંકડા જેવું બની ગયું : રિપોર્ટ

ઇ-કોમર્સ કંપની માટે વેલેન્ટાઇન સિલ્વર લાઈનિંગ : ફ્લિપકાર્ટ, સ્નેપડીલ અને એમેઝોન જેવી કંપનીઓ પર મહાકાય ઓર્ડર : ૧૪મીએ જ ડિલિવરી કરવામાં આવી

નવીદિલ્હી, તા. ૧૪ : વેલેન્ટાઈન ડેની ઉજવણી આજે દેશભરમાં પરંપરાગતરીતે કરવામાં આવી રહી છે. ફ્લિપકાર્ટ અને સ્નેપડીલ જેવી મોટી ઇ-કોમર્સ કંપનીઓ માટે વેલેન્ટાઇન ડે હવે એક મોટા તહેવાર તરીકે છે. દિવાળીની જેમ જ આ પ્રસંગની ખરીદી થઇ રહી છે. મોટી ઇ-કોમર્સ કંપનીઓ માટે વેલેન્ટાઇન ડેની ખરીદી સિલ્વર લાઇનિંગ બની ગઇ છે. ૧૪મી એટલે કે આજે સવારે ડિલિવરી આપવા માટેની વિનંતી સાથે શ્રેણીબદ્ધ ઓર્ડરો આજે કરાયા હતા. ફ્લિપકાર્ટના અધિકારીઓનું કહેવું છે કે, મેટ્રો અને નાના શહેરો તરફથી મોટાપાયે ઓર્ડરો મળ્યા હતા અને ડિલિવરી માટેનો સમય આજે સવારે રાખવામાં આવ્યો હતો. સસ્તી જ્વેલરી, ટેડીબીયરો, ગેજેટ, બુક સહિતની ચીજવસ્તુઓ માટેના ઓર્ડરો પહેલાથી જ આપવામાં આવ્યા હતા. ભારે ડિસ્કાઉન્ટ અને ઉંચી આવક હાલમાં હોવાના લીધે વેલેન્ટાઈન ડેની ખરીદીના આંકડા દિવાળીની ખરીદી જેવા રહ્યા હતા. અલબત્ત ખરીદીના કુલ આંકડા દિવાળીની નજીક રહેતા નથી પરંતુ સરેરાશ ઓર્ડરો મોટાપાયે મળ્યા છે. વેલેન્ટાઇન ડેની સિઝનમાં સરેરાશ ઓર્ડર ૩૦૦૦થી ૫૦૦૦ વચ્ચેના  રહે છે. દિવાળી દરમિયાન પણ આ પ્રકારના મોટા ઓર્ડરો મળે છે. ભારતની સૌથી મોટી ઇ-ટેલર કંપની પૈકીની એક ફ્લિપકાર્ટના અધિકારીઓનું કહેવું છે કે, દિવાળી દરમિયાન સરેરાશ ખરીદી ૧૫૦૦ રૂપિયાની રહે છે. ઇકોમર્સ કંપનીઓ તમામ કારોબારીઓને તથા સામાન્ય લોકોને પ્રભાવિત કરવા માટે પહેલાથી જ સજ્જ હતી. ગોરેગાંવ સ્થિત ઓનલાઈન કંપની સ્નેપડીલના વેચાણમાં પાંચ ગણો વધારો થયો છે જેમાં જુદા જુદા પ્રકારના રમકડા, ગિફ્ટ આર્ટિકલ્સનો સમાવેશ થાય છે. ગેજેટની પણ બોલબાલા રહી છે. આગામી દિવસે ડિલિવરી મળે તેવી ઇચ્છા પણ ઘણા લોકો રાખી રહ્યા છે. ત્રણથી પાંચ કારોબારી દિવસે ડિલિવરીનો દોર જારી રહેશે. ચોક્કસ બાબતોને ધ્યાનમાં લઇને ૧૪મીના દિવસે જ ડિલિવરી મળે તેવી માંગ પણ ઘણા લોકોની રહી હતી અને આના માટે ઇ-કોમર્સ કંપનીઓએ તૈયારી પણ દર્શાવી હતી. વેલેન્ટાઇન ડે પ્રસંગે આજે સવારથી યુવા પેઢી સજ્જ દેખાઇ  હતી.  જુદા જુદા શોપિંગ મોલમાં હાઉસફુલની સ્થિતી રહી હતી. ખાસ કરીને રેડ રોજની માંગણી સૌથી વધારે સવારમાં જોવા મળી હતી. બીજી બાજુ જુદા જુદા પ્રકારની આકર્ષક ગિફ્ટની માંગ પણ રહી હતી.

ખરીદીનો ક્રેઝ વધ્યો.......

*      વેલેન્ટાઇન ડેની ખરીદી દિનપ્રતિદિન વધી રહી છે

*      ફ્લિપકાર્ટ, સ્નેપડીલ, એમેઝોન જેવી મહાકાય ઇ-કોમર્સ કંપનીઓ માટે વેલેન્ટાઇન ડેનું વેચાણ સિલ્વર લાઈનિંગ બન્યુ

*      સવારમાં જ ડિલિવરી મળે તેવા ઓર્ડરો આપવામાં આવ્યા

*      આગામી બે ત્રણ દિવસ સુધી ઇ-કોમર્સ કંપનીઓ માટે ડિલિવરીને લઇને તકલીફ રહેશે

*      જ્વેલરી, ટેડીબીયર, જુદા જુદા ગેજેટ, પુસ્તકો, ગિફ્ટ આર્ટિકલ્સની બોલબાલા વધારે રહી

*      વેલેન્ટાઈન ડેની સિઝનમાં સરેરાશ ઓર્ડર ૩૦૦૦થી ૫૦૦૦ વચ્ચેના રહ્યા

*      દિવાળી જેવી ખરીદી લોકો દ્વારા કરવામાં આવી હોવાનો દાવો કરવામાં આવ્યો

*      કસ્ટમરોને આકર્ષિત કરવા માટે ઇ-કોમર્સ કંપનીઓ દ્વારા આકર્ષક ડિસ્કાઉન્ટ અને એજ દિવસે ડિલિવરી માટેની તૈયારી પણ દર્શાવી

(12:28 pm IST)
  • નોબેલ શાંતિ પારિતોષિક વિજેતા મલાલા યુસુફઝાઈએ સ્ત્રીઓનાં માસિક ચક્ર વખતે સ્વચ્છતા જાળવવાની સાથોસાથ એવી સ્ત્રીઓની અવગણના ન કરવાનો સંદેશ આપતી બોલીવૂડની ફિલ્મ ‘પેડ મેન'ની પ્રશંસા કરી છે. હવે ‘પેડ મેન'નાં નિર્માતાઓ મલાલા માટે સ્પેશિયલ શો યોજવાની તૈયારીમાં છે, એવું ફિલ્મના દિગ્દર્શક આર. બાલ્કીએ જણાવ્યું હતું. access_time 11:57 pm IST

  • સ્વચ્છ ભારત મિશન ઉપર કલંક લગાવતા ભાજપના પ્રધાન : ''સ્વચ્છ ભારત'' મિશન ઉપર કલંક લગાવતા રાજસ્થાનના હેલ્થ મિનિસ્ટર કાલીચરણ સરાફ : રોડ ઉપર ખુલ્લામાં લઘુશંકા કરી : કોંગ્રેસે માફી માંગવાનું કહેતા ના પાડી દીધીઃ માથે જાતા એમ કહ્યુ કે પોલીસ ૨૦૦ રૂપિયા દંડ લઈ લ્યે બીજુ શું? આ કયાં કોઈ મોટો મુદ્દો છે? access_time 4:59 pm IST

  • માઉન્ટ આબુમાં પ્રેમી યુગલે ગળાફાંસો લગાવી જીવન ટુંકાવ્યુ :વેલેન્ટાઈન ડેના દિવસે કરી આત્મહત્યા : આત્મહત્યાના કારણની તપાસમાં લાગી પોલીસ access_time 4:11 pm IST