Gujarati News

Gujarati News

News of Wednesday, 14th February 2018

એક આંખ મારીને આ છોકરી સોશ્યલ મીડિયામાં છવાઇ ગઇ

નવી દિલ્હી, તા. ૧૪ : વેલેન્ટાઇન્સ વીકની શરૂઆત થઇ એ જ વખતે પ્રિયા પ્રકાશ વારિયર નામની કન્યાએ સોશ્યલ મીડિયા પર મૂકેલો એક વિડિયો અચાનક દાવાનળની જેમ વાઇરલ થઇ ગયો છે. એટલે સુધી કે ઇન્ટરનેટ પર તો આ કન્યાને નેશનલ ક્રશ જાહેર કરી દેવામાં આવી છે. મીડિયોની વાત કરીએ તો એક કલાસરૂમમાં પ્રિયા એક છોકરાની સામે ચોરીછુપી આંખોથી વાતો કરવાની કોશિશ કરે છે. પહેલા તે એક ભમ્મર ઉંચી કરે છે. એના જવાબમાં પેલો છોકરો બન્ને ભમ્મર ઉંચી કરે છે. સામસામે થતા આવા ઇશારાદ દરમ્યાન પ્રિયા અચાનક ડાબી આંખ મારે છે અને સામેનો છોકરો જાણે શરમાઇને ઘાયલ થઇ ગયો હોય એવું બતાવે છે. વાતમાં કંઇ નથી, પરંતુ નાની-શી આ આંખોની મસ્તી સોશ્યલ મીડિયા પર વાયુવેગે ફરી છે.

આ વિડિયો મલયાલમ ફિલ્મ 'ઓરુ અદાર લવ'ના એક ગીતનો છે. ત્રીજી માર્ચે આ ફિલ્મ રિલીઝ થવાની છે એના પ્રમોશનના ભાગરૂપે આ વિડિયો રિલીઝ કરવામાં આવ્યો હતો. જોકે આ વિડિયો એટલો વાઇરલ થયો કે ર૪ કલાકમાં જ સોશ્યલ મીડિયા પર પ્રિયાના ફોલોઅર્સની સંખ્યા છ લાખના આંકડાને પાર કરી ગઇ હતી. યુટયુબ પર આ આ વિડિયો ૮૦ લાખ વાર જોવાયો છે ત્યારે લકોોમાં આ પ્રિયા કોણ છે એ જાણવાનું કુતૂહલ જાગે એ સ્વાભાવિક છે. પ્રિયા ૧૮ વર્ષની છે અને કેરળના ત્રિશૂરમાં રહે છે અને કોમર્સ કોલેજમાં ભણે છે. (૮.પ)

(4:51 pm IST)
  • માઉન્ટ આબુમાં પ્રેમી યુગલે ગળાફાંસો લગાવી જીવન ટુંકાવ્યુ :વેલેન્ટાઈન ડેના દિવસે કરી આત્મહત્યા : આત્મહત્યાના કારણની તપાસમાં લાગી પોલીસ access_time 4:11 pm IST

  • આજે વર્ષનું પહેલુ સૂર્યગ્રહણ : ભારતમાં નહિં દેખાય : રાત્રે ૧૨:૨૫ થી શરૂ થશે સૂર્યગ્રહણ access_time 3:40 pm IST

  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST