Gujarati News

નવી દિલ્હી,તા. ૧૪: સતત રાજકીય હિંસાનો સામનો કરી રહેલા પશ્યિમ બંગાળના નામે વધુ એક રેકોર્ડ ઉમેરાયો છે. એક અભ્યાસમાં જાણવા મળ્યું છે કે દારૂ પીનારાઓમાં બંગાળ બીજા ક્રમે છે. ઉત્ત્।ર પ્રદેશ પ્રથમ નંબરે છે.આર્થિક સંશોધન એજન્સી ICRIER અને લો કન્સલ્ટિંગ ફર્મ PLR ચેમ્બર્સના સંયુકત અભ્યાસ મુજબ, દારૂ પીવાના મામલે પશ્ચિમ બંગાળ ઉત્ત્।ર પ્રદેશ પછી બીજા ક્રમે છે.

અભ્યાસમાં જણાવવામાં આવ્યું છે કે પશ્ચિમ બંગાળમાં આશરે ૧.૪ કરોડ લોકો દારૂ પીવે છે અને આ સાથે બંગાળ ત્રણ રાજયોમાં જોડાયું છે જે વધુ આવક મેળવે છે રાજય પ્રાઇસ મોડલ તાજેતરમાં મુકત બજારમાંથી લઘુત્ત્।મ એકસ-ડિસ્ટિલરી પ્રાઇસ (EDP) માં બદલાયું છે અને કરમાં વધારો જોવા મળ્યો છે, જે ઉદ્યોગ માટે મોટી ચિંતા છે.ઉપરાંત, અભ્યાસમાં જાણવા મળ્યું છે કે બજારમાં છૂટક ભાવમાં ભારે વધારો થવાને કારણે રાજયમાં ઇન્ડિયન મેડ ફોરેન લિકર (આઇએમએફએલ) ના વેચાણમાં ભારે ઘટાડો થયો છે.

રિપોર્ટ મુજબ, જો આપણે વિશ્વની વાત કરીએ, તો આલ્કોહોલિક પીણાંનું બજાર વૈશ્વિક સ્તરે સૌથી ઝડપથી વિકસતા બજારોમાંનું એક છે. તેનું બજાર કદ ૫૨.૫ અબજ ડોલર છે.ભારતમાં બેવરેજ માર્કેટ ૨૦૨૦ થી ૨૦૩૦ ની વચ્ચે છ ટકાથી વધુના વાર્ષિક વૃદ્ઘિ દરે વધવાની ધારણા છે. ૨૦૧૫-૧૬ અને ૨૦૧૮-૧૯ વચ્ચેના સમયગાળા દરમિયાન આલ્કોહોલિક પીણાંના ઉત્પાદનમાં લગભગ ૨૩.૮ ટકાનો વધારો થયો છે.

જો કે સારી બાબત એ રહી છે કે આ સેકટરમાં ૧૦ લાખથી વધુ રોજગારીનું સર્જન થયું છે અને આવનારા સમયમાં વપરાશ વધશે અને લોકોને આ ક્ષેત્રમાં રોજગારી મળશે. આટલી આવક મેળવ્યા પછી પણ ભારત ચીલી, આર્જેન્ટિના અથવા ચીનથી નિકાસકાર નથી.