Gujarati News

નવી દિલ્હીઃ દેશની જીવનરેખા ચોમાસાએ દેશના તમામ રાજયોમાં એન્ટ્રી કરી લીધી છે. હવામાન ખાતાના જણાવ્યા અનુસાર દિલ્હીમાં પણ હળવાથી મધ્યમ વરસાદ ચાલુ થઇ ગયો છે. ચાર દિવસ મોડુ ચોમાસુ દેશભરમાં છવાઇ ગયું છે.

સામાન્ય રીતે દેશભરમાં ૮ જુલાઇએ દેશભરમાં ચોમાસુ સક્રિય બની જાય છે. જો કે હવામાન ખાતાએ આ વર્ષે ૧૫ જુલાઇ તારીખ નકકી કરી હતી.

રાજસ્થાનના જેસલમેર અને શ્રીગંગાનગરમાં ઝમાઝમ વરસાદ થયો હતો. દિલ્હીમાં પણ વરસાદના આગમનથી લોકોને રાહત પહોંચી છે. આઇએમડીએ કહેલુ કે દિલ્હીમાં ૧૫ જુને જ ચોમાસુ બેસી જશે. પરંતુ ત્યારબાદ ૧૦ જુલાઇ તારીખ જણાવેલ. તેમ છતાં ચોમાસુ મોડુ બેઠુ હતુ. (૪૦.૩)

કેરળમાં ચોમાસાનું આગમન બે દિવસ મોડુ થયેલુ

દક્ષિણ પશ્ચિમ ચોમાસુ આ વર્ષે બે દિવસ મોડુ એટલે કે ૩ જુને કેરળ પહોંચ્યું હતુ. બાદ ચોમાસુ ઝડપથી દક્ષિણ મધ્ય, ઉત્તર પશ્ચિમ અને પુર્વોતર ભારતમાં છવાઇ ગયું. પરંતુ વેસ્ટર્ન ડીસ્ટર્બન્સની અસરથી ચોમાસુ પશ્ચિમ રાજસ્થાન, હરીયાણા, દિલ્હી અને પંજાબમાં સ્થિર થઇ ગયુ હતુ. હિમાચલ પ્રદેશના કુલ્લુમાં સરકાર દ્વારા એડવેન્ચર ટુરીઝમ ઉપર રોક લગાવી દીધી છે.