Gujarati News

Gujarati News

News of Tuesday, 13th February 2018

યુધ્ધ કરી પાકિસ્તાનને દુનિયાના નકશામાંથી ભૂસી નાખોઃ તોગડિયા

આપણી દીકરીઓ અને બહેનને પ્રેમ કરવાનો અધિકાર છે, 'વેલેન્ટાઇને' ડે'નો વિરોધ ન કરો

નવી દિલ્હી તા. ૧૩ : પ્રવીણ તોગડીયાએ જમ્મુ-કાશ્મીરમાં સુંજુવાન કેમ્પ પર થયેલા આતંકવાદી હુમલા પર પ્રતિક્રિયા આપતા કહ્યું હતું કે, સેનાએ પાકિસ્તાન વિરૂધ્ધ જાહેર કરવું જોઇએ તોગડિયાએ આતંકવાદી હુમલાની કડક શબ્દોમાંં ટીકા કરી હતી.

તોગડીયાએ કહ્યું કે આપણી સેનાએ યુધ્ધની તૈયારી કરવાની સાથે પાકિસ્તાન પર હુમલો કરવો જોઇએ. પાકિસ્તાનનુ નામ દુનિયાના નકશા પરથી ભુંસાઇ જવું જોઇએ. કયાં સુધી આપણે માત્ર વાતો કરતા રહીશું, એમાં તો આપણા જવાનો શહીદ થઇ રહ્યા છે.

તોગડીયાએ કાશ્મીરનાં મુખ્ય પ્રધાન મહેબુબા મુફતીની ટીકા કરતા કહ્યું કે, જે લોકો આપણી સેનાના જવાનો પર પથ્થરોનો વરસાદ વરસાવે છે એમની સામે નોંધાયેલા કેસ સરકાર પાછા કેવી રીતે ખેંચી શકે. પથ્થરબાજોને રોકવાની માગણીની સાથે કાશ્મીરી હિંદુઓને ફરી તેમના વતન મોકલવાની પણ માગણી કરી હતી.

વિશ્વ હિંદુ પરિષદના આંતરરાષ્ટ્રીય અધ્યક્ષ તોગડીયાએ ચંડીગઢમાં કાર્યકર્તાઓને સંબોધિત કરતાં વેલેન્ટાઇન ડેની ઉજવણીનો વિરોધ નહીં કરવાનો સંદેશ કાર્યકરોને આપી દીધો છે. તોગડીયાએ વેલેન્ટાઇન ડેનું સમર્થન કરતા જણાવ્યું હતું કે, મેં સંદેશ આપી દીધો છે. આપણી દીકરીઓને પ્રેમ કરવાનો હકક છે અને આપણી બહેનને પણ પ્રેમ કરવાનો અધિકાર છે. તેમ એક અખબારી અહેવાલ જણાવે છે.

(4:39 pm IST)
  • દિલ્હીમાંથી ઇન્ડીયન મુજાહિદ્દીનનો મોસ્ટ વોન્ટેડ ત્રાસવાદી આરીઝ ખાન ઉર્ફે જૂનૈદ ખાન ઝડપાયો : ૯ વર્ષથી ફરાર હતો : તેના માથા પર ૧પ લાખનું ઇનામ હતું : બાટલા હાઉસ એન્કાઉન્ટર બાદ આતંકી આરીઝ ખાન હતો ફરાર : દિલ્હી પોલીસની સ્પેશ્યલ સેલની ટીમે આરીઝ ખાનની ધરપકડ કરી : આરીઝ અમદાવાદ, યુપી, જયપુર બ્લાસ્ટ કેસમાં પણ છે આરોપી access_time 3:43 pm IST

  • અમેરિકાની નેશનલ સિક્યોરીટી એજન્સી NSAના મેરીલેન્ડ સ્થિત હેડકવાર્ટરના ગેઇટ પાસે એક કાળા કલરની SUV ગાડી માંથી થયું અંધાધુંધ ફાયરીંગ : 3 લોકો થયા ઘાયલ : પોલીસે 1 શકમંદને દબોચ્યો : સુરક્ષા એજન્સીઓ થઈ સતર્ક : વિસ્તારમાં પોલીસ દ્વારા કરાઈ નાકાબંદી access_time 8:28 pm IST

  • હઇ થઇ ગઇઃ નાગાલેન્ડમાં ભાજપનો અદ્ભૂત ચૂંટણી ઢંઢેરોઃ સત્તા પર આવશું તો તમામ ખ્રિસ્તીઓને જેરૂસલેમની મફત મુસાફરી : આવતા મહિને યોજાનારી નાગાલેન્ડ વિધાનસભાની ચૂંટણી માટે ભાજપે ચૂંટણી ઢંઢેરો બહાર પાડ્યોઃ જો ભાજપ સરકાર આવશે તો તમામ ખ્રિસ્તીઓને મફત જેરૂસલેમની મુસાફરી કરાવશેઃ નાગાલેન્માં કુલ વસતિના ૮૮ ટકા ખ્રિસ્તીઓ છે access_time 3:45 pm IST