News of Tuesday, 13th February 2018

લો બોલો! હવે વેલેન્ટાઇન ડે માટે બોયફ્રેન્ડ પણ ભાડેથી મળશે

પેકેજમાં ઓડી રાઇડથી લઇને હાથ પકડવા સુધીની અનેક સુવિધાઓ

ગુરૂગ્રામ તા. ૧૩ : તમે રેન્ટ પર કપડા, ગાડી, બંગલો લેવા વિષે તો સાંભળ્યું હશે, પરંતુ વેલેન્ટાઈન્સ ડેના દિવસે રેન્ટ પર બોયફ્રેન્ડ પણ મળે તે નહીં સાંભળ્યું હોય. પરંતુ ગુરુગ્રામના ૨૬ વર્ષીય બિઝનેસમેને સિંગલ ગર્લ્સ માટે રેન્ટ પર બોયફ્રેન્ડ બનવાની ઓફર આપી છે.શકુલ ગુપ્તા નામના આ યુવકે ફેસબુક પોસ્ટ લખીને ગર્લ્સ માટે અલગ અલગ પ્રકારના પેકેજ પણ આપ્યા છે. શકુલના પેકેજમાં ઓડી રાઈડથી લઈને હાથ પકડવા સુધીની અનેક સુવિધાઓ છે.

શકુનની આ ફેસબુક પોસ્ટને અત્યાર સુધી હજારો લોકો લાઈક કરી ચુકયા છે. શકુલે અમુક શરતો પણ મુકે છે, જેમકે તે ફેશન વિષે વાત નહીં કરે, તેને સી-ફૂડ નથી પસંદ વગેરે.આટલું જ નહીં, શકુલે એક પ્રોમો કોડ પણ આપ્યો છે, જેનો ઉપયોગ કરવાથી ૨૦ ટકા ડિસ્કાઉન્ટ મળશે. હવે રેન્ટ કેટલું છે તે શકુલે નથી લખ્યું.તમને જણાવી દઈએ કે આ પહેલીવાર નથી જયારે શકુલે પોતાને રેન્ટ પર બોયફ્રેન્ડ બનવા તૈયાર કર્યો હોય. ગયા વર્ષે વેલેન્ટાઈન ડેટ માટે પાંચ છોકરીઓ સિલેકટ કરવામાં આવી હતી, જેમની સાથે શકુલે ઓબેરોઈમાં ડિનર કર્યુ હતું અને તેમને iPhone 7 ગિફટમાં આપ્યો હતો.

(4:22 pm IST)
  • દિલ્હીમાંથી ઇન્ડીયન મુજાહિદ્દીનનો મોસ્ટ વોન્ટેડ ત્રાસવાદી આરીઝ ખાન ઉર્ફે જૂનૈદ ખાન ઝડપાયો : ૯ વર્ષથી ફરાર હતો : તેના માથા પર ૧પ લાખનું ઇનામ હતું : બાટલા હાઉસ એન્કાઉન્ટર બાદ આતંકી આરીઝ ખાન હતો ફરાર : દિલ્હી પોલીસની સ્પેશ્યલ સેલની ટીમે આરીઝ ખાનની ધરપકડ કરી : આરીઝ અમદાવાદ, યુપી, જયપુર બ્લાસ્ટ કેસમાં પણ છે આરોપી access_time 3:43 pm IST

  • તારાપુર - વટામણ હાઈવે ઉપર ઓવરટેક કરવા જતાં એસ.ટી.બસ અને ટેન્કર વચ્ચે અકસ્માતઃ ૧૨ મુસાફરો ઘાયલઃ ઈજાગ્રસ્તોને સારવાર માટે નજીકની હોસ્પીટલમાં ખસેડાયા access_time 4:22 pm IST

  • પટણાથી હાવડા જઈ રહેલ જન શતાબ્દી એકસપ્રેસ ટ્રેનમાં સવારે ૯-૯:૩૦ વાગ્યે અચાનક આગ ફાટી નીકળી : એશી કોચમાં અચાનક ધુમાડો નીકળતા મુસાફરોમાં ભારે અફડાતફડી મચી : થોડીવાર પછી આગ પર કાબુ મેળવી લેવામાં આવેલ : આ બનાવ મોકામા સ્ટેશને બનેલ access_time 11:30 am IST