Gujarati News

Gujarati News

News of Tuesday, 13th February 2018

કુદરતી આપત્તિથી પાકને બચાવા ખેડૂતો કરે હનુમાન ચાલીસાના પાઠ

મ.પ્રદેશ ભાજપના નેતાનો બફાટ

ભોપાલ તા. ૧૩ : વડાપ્રધાન નરેન્દ્ર મોદી ભલે ખેડૂતોને પાક વીમા યોજનાનો લાભ આપવાની વાત કરી રહ્યાં હોય, પરંતુ મધ્યપ્રદેશના ભાજપ નેતા તો ખેડૂતોને કુદરતી આપત્તિના કહેરથી બચવા માટે ભગવાન ભરોસે રહેવાની વાત કરી રહ્યાં છે. ભાજપના પૂર્વ ધારાસભ્ય અને નેતા રમેશ સકસેનાએ ખેડૂતોને કહ્યું કે પાકને કરા પડવા જેવી કુદરતી આપત્ત્િ।થી બચાવા માટે તેઓ હનુમાન ચાલીસાના પાઠ કરે. મજાની વાત તો એ છેકે તેમની આ વાતનું સમર્થન કૃષિ મંત્રીએ પણ કર્યું છે.મધ્યપ્રદેશના કૃષિ રાજયમંત્રી બાલકૃષ્ણ પાટીદરે ભાજપ નેતા રમેશ સકસેનાના નિવેદનનું સમર્થન કર્યું છે. પાટીદારે કહ્યું કે હનુમાન ચાલીસાનું પઠન કરવાથી ખેડૂત 'અંદરથી મજબૂત' થશે. રાજયમાં છેલ્લાં બે દિવસમાં વરસાદ અને કરા પડતાં પાકને મોટી નુકસાની થઇ છે. પરંતુ રાજયના ભાજપના નેતા આવા નિવેદન આપીને ખેડૂતો પ્રત્યે અસંવેદનશીલતાની હદ દેખાડી રહ્યાં છે.પૂર્વ ધારાસભ્યે એક વીડિયોમાં અપીલ કરતાં ખેડૂતોને કહ્યું છે કે વૈજ્ઞાનિકોએ કહ્યું છે કે આવતા ચાર-પાંચ દિવસ સુધી કુદરતનો પ્રકોપ રહેશે. કરા પણ પડશે અને વરસાદ પણ થશે. આ કુદરતી આપત્ત્િ।થી બચવા માટે એકમાત્ર ઉપાય છે હનુમાન ચાલીસા. તમામ ખેડૂતો ભાઇઓને નિવેદન છે કે દરરોજ એક કલાક હનુમાન ચાલીના પાઠ કરો. આ સિવાય બીજો કોઇ રસ્તો નથી.સિહોરના પૂર્વ ધારાસભ્ય સકસેનાનો આ વીડિયો સોશ્યલ મીડિયા પર વાયરલ થયો છે. આ અંગે કૃષિ રાજય મંત્રી પાટીદારે કહ્યું કે તેમાં કંઇ ખોટું નથી. હનુમાન ચાલીસાના પાઠ કરવાથી રાહત મળશે અને તેનાથી ખેડૂત અંદરથી મજબૂત થશે.

(4:19 pm IST)
  • સત્તા ઉપર ૩ વર્ષ પૂરા થતાં : કેજરીવાલે ગીત પ્રસિદ્ધ કર્યુ : દિલ્હીની ''આમ આદમી પાર્ટી''ની સરકારે આજ ૧૪ ફેબ્રુ.ના રોજ ૩ વર્ષ પૂરા કર્યા છે : આ નિમિતે કેજરીવાલ સરકારે શિક્ષણ, આરોગ્ય, પાણી સહિત તમામ ક્ષેત્રે મેળવેલી સિદ્ધિઓ વર્ણવતુ ગીત પ્રસિદ્ધ કર્યુ access_time 3:50 pm IST

  • IPL 11ની મેચોનું ટાઈમ ટેબલ જાહેર : 51 દિવસ ચાલશે મેચો : રોહિત અને ધોની વચ્ચે પહેલી ફાઈટ : BCCIએ ઈન્ડિયન પ્રીમિયર લીગ (IPL)ની 11મી સીઝનના મેચ શિડ્યુલની જાહેરાત બુધવારના રોજ કરી. 51 દિવસ ચાલનારી આ ટુર્નામેન્ટની શરૂઆત 7 એપ્રિલ 2018ના રોજ થશે. સીઝનની પહેલી મેચ હાલની ચેમ્પિયન ટીમ મુંબઈ ઈન્ડિયન્સ અને બે વખત ચેમ્પિયન રહેલી ટીમ ચેન્નઈ સુપર કિંગ્સ વચ્ચે મુંબઇના વાનખેડે સ્ટેડિયમાં રમાશે. access_time 1:12 am IST

  • પટણાથી હાવડા જઈ રહેલ જન શતાબ્દી એકસપ્રેસ ટ્રેનમાં સવારે ૯-૯:૩૦ વાગ્યે અચાનક આગ ફાટી નીકળી : એશી કોચમાં અચાનક ધુમાડો નીકળતા મુસાફરોમાં ભારે અફડાતફડી મચી : થોડીવાર પછી આગ પર કાબુ મેળવી લેવામાં આવેલ : આ બનાવ મોકામા સ્ટેશને બનેલ access_time 11:30 am IST