News of Tuesday, 13th February 2018

ઘરમાં પેન્ટ નહિ, પણ સાડી પહેરતો હતો પતિ, મહિલાએ માગ્યા છુટાછેડા

'રાતે મેકઅપ કરે છે પતિ'

બેંગલુરૂ : ઇન્દિરાનગરમાં રહેતી ૨૯ વર્ષીય મહિલાએ પતિ પર નપુંસકતાને છુપાવવાનો આરોપ લગાવતી ફરિયાદ નોંધાવી છે કે, તે તેના પતિથી કંટાળી ગઈ હતી અને હવે અલગ થવા માગે છે. તેણે પોતાની ફરિયાદમાં કહ્યું છે કે, પતિનો પહેરવેશ મહિલાઓ જેવો છે, તેની હરકતો પણ એવી જ છે.

 

બન્નેરઘટ્ટા રોડ પર સોફટવેર કંપનીમાં કાર્યરત સુનીતા (નામ બદલ્યું છે)એ પોલીસને ફરિયાદમાં કહ્યું છે કે, કે, 'મારો પતિ સાડી પહેરવાનું પસંદ કરે છે અને મારાં ઘરેણાં તથા મેકઅપનો ઉપયોગ કરી રાતમાં મહિલાની જેમ તૈયાર થાય છે.' અનીતા કહે છે કે, 'એક વર્ષ પહેલાં તેના લગ્ન થયાં હતાં, પરંતુ હજી સુધી તેમને વચ્ચે શારીરિક સંબંધ બંધાયો નથી, કારણ કે પતિ નપુંસક છે અને મહિલાની જેમ વ્યવહાર કરે છે. પતિ માત્ર લેસ્બિયન સેકસ કરવા માગે છે.'

સિટી પોલીસ દ્વારા શરૂ કરાયેલી વીમેન્સ હેલ્પલાઇન, વનિતા સહયવનીના સિનિયર કાઉન્સલર સરસ્વતીના જણાવ્યાનુસાર, 'બેંગલુરુમાં માતાપિતાની મરજીથી તેમનાં લગ્ન થયાં હતાં, પરંતુ પહેલી રાતથી જ નવીન મહિલાઓની જેમ વ્યવહાર કરી રહ્યો હતો. આ સેન્ટરમાં દંપતીનું કાઉન્સલિંગ કરવામાં આવ્યું છે.'

નવીનની સાથે તેના સંબંધો પૂરાં કરવા માગતી સુનીતા કહે છે કે, 'અમારા લગ્ન નપુંસકતા અને જન્મજાત દોષને કારણે સફળ થયાં નથી. તે મહિલાઓની જેમ વ્યવહાર કરે છે. આઈટીમાં કામ કરતો નવીન દિવસમાં ઓફિસ જાય છે અને રાતે સાડી પહેરીને મહિલાઓની જેમ વ્યવહાર કરે છે.' જોકે નવીન પણ ડિવોર્સ માટે તૈયાર છે.(૨૧.૯)

(10:49 am IST)
  • મલયાલમ ફિલ્મ 'ઉરુ અદાર લવ'ના એક નાના એવા વીડિયોથી ઈન્ટરનેટ પર સેન્સેશન બની ગયેલી એક્ટ્રેસ પ્રિયા પ્રકાશ અને ફિલ્મના પ્રોડ્યુસર વિરુધ્ધ હૈદરાબાદમાં ફરિયાદ નોંધવાઈ છે, હૈદરાબાદમાં ફિલ્મ રિલીઝ થાય એ પહેલા જ તેના ગીતના કેટલાક શબ્દો પર વિરોધ્ધ થઈ રહ્યો છે. ફરિયાદ નોંધાવનારનુ્ં કહેવું છે કે ગીતના લીધે મુસલમાનોની લાગણીઓને ઠેસ પહોંચી છે. access_time 12:23 pm IST

  • IPL 11ની મેચોનું ટાઈમ ટેબલ જાહેર : 51 દિવસ ચાલશે મેચો : રોહિત અને ધોની વચ્ચે પહેલી ફાઈટ : BCCIએ ઈન્ડિયન પ્રીમિયર લીગ (IPL)ની 11મી સીઝનના મેચ શિડ્યુલની જાહેરાત બુધવારના રોજ કરી. 51 દિવસ ચાલનારી આ ટુર્નામેન્ટની શરૂઆત 7 એપ્રિલ 2018ના રોજ થશે. સીઝનની પહેલી મેચ હાલની ચેમ્પિયન ટીમ મુંબઈ ઈન્ડિયન્સ અને બે વખત ચેમ્પિયન રહેલી ટીમ ચેન્નઈ સુપર કિંગ્સ વચ્ચે મુંબઇના વાનખેડે સ્ટેડિયમાં રમાશે. access_time 1:12 am IST

  • જમ્મુ-કાશ્મીરના અલગાવવાદી નેતા યાસીન મલિકની તબિયત લથડી : હોસ્પીટલમાં કરાયા દાખલ access_time 1:12 am IST