Gujarati News

ઈસ્લામાબાદ/નવી દિલ્હીઃ પાકિસ્તાને એક વખત ફરી ભારતને એટમી જંગની ધમકી આપી છે. પાકિસ્તાનના વિદેશ મંત્રી ખ્વાજા આસિફે આ ધમકી આપી છે. જો કે તેઓએ આ ધમકી આપવા માટે બહાનું ભારતીય આર્મી ચીફના નિવેદનનું લીધું છે. આસિફે કહ્યું કે, "ભારત અમને પરમાણુ યુદ્ધની ધમકી આપે છે. જો આવું થયું તો અમે તેઓની આ ભૂલનો યોગ્ય જવાબ આપીશું." આસિફના નિવેદન બાદ પાકિસ્તાન આર્મીના ચીફે પણ નિવેદન આપ્યું હતું. તેને પણ ધમકીભર્યો અંદાજ જ અપનાવ્યો હતો. શુક્રવારે ઈન્ડિયન આર્મી ચીફ જનરલ બિપિન રાવતે કહ્યું હતું કે, "જો પાકિસ્તાન એટમી હુમલા અંગે વિચારે છે તો તેનો જડબાતોડ જવાબ આપવામાં આવશે, અને તે અંગેની અમારી પૂર્ણ તૈયારીઓ પણ છે."