Gujarati News

Gujarati News

News of Saturday, 13th January 2018

જજ વિવાદ ઉકેલવા માટે સુપ્રીમ કોર્ટ બાર કાઉન્સિલે બનાવી 7 સભ્યોની કમિટી : કાલે સવારે મળશે ચારેય જજોને

બાર કાઉન્સિલ ઓફ ઈન્ડિયાના પ્રમુખ મનન મિશ્રાએ આ ઘટનામાં સરકારે હસ્ત્ક્ષેપ ન કરવા માટે આભાર વ્યક્ત કર્યો

નવી દિલ્હીઃ દેશના ઈતિહાસમાં પહેલી વખત સુપ્રીમ કોર્ટના વરિષ્ઠ જજો દ્વારા પ્રેસ કોન્ફરન્સ કરી CJI(ચીફ જસ્ટિસ ઓફ ઈન્ડિયા) પર ગંભીર આરોપ લગાવ્યા છે. સીજેઆઈ અને સુપ્રીમ કોર્ટના 4 વરિષ્ઠ જજ વચ્ચેના વિવાદને ઉકેલવા માટે બાર કાઉન્સિલ ઓફ ઈન્ડિયા આગળ આવ્યું છે. જેના માટે કાઉન્સિલે 7 સભ્યોની કમિટી બનાવી છે જે સુપ્રીમકોર્ટના જજની રજૂઆત મુદ્દે વાતચીત કરશે.

બાર કાઉન્સિલ ઓફ ઈન્ડિયાએ શનિવારે સાંજે 5 વાગ્યે એક મહત્વની બેઠક કરી હતી. બેઠક બાદ બાર કાઉન્સિલ ઓફ ઈન્ડિયાના અધ્યક્ષ મનન મિશ્રાએ કહ્યું કે એક મતથી નિર્ણય કરવામાં આવ્યો છે કે 7 સભ્યોની એક કમિટી કાલે સુપ્રીમ કોર્ટના તમામ જજોને મળશે. જેના માટે જજ પાસેથી સમય લેવામાં આવી રહ્યો છે. રવિવારે સવારે 9 વાગ્યે કમિટી જજો સાથે વાતચીત શરૂ કરશે.

મિશ્રાએ કહ્યું કે અમે બાર કાઉન્સિલની ભાવનાઓની જજોને જાણ કરીશું અને તેમને આગ્રહ કરીશું કે સમગ્ર વિવાદને શાંતિપૂર્ણ અને જલદીથી પૂર્ણ કરવામાં આવે. મિશ્રાએ કહ્યું કે જ્યુડિશરી પર લોકોની અતૂટ આસ્થા છે…અમે કોઈ એવું કામ નહીં થવા દઈએ કે જેનાથી આઘાત લાગે.

બાર કાઉન્સિલ ઓફ ઈન્ડિયાના પ્રમુખ મનન મિશ્રાએ કહ્યું કે જ્યુડિશરી પર થઈ રહેલી રાજનીતિથી તેઓ દુખી છે. તેમણે કહ્યું કે જસ્ટિસ લોયાના મોતના મામલે રાજનીતિ થઈ રહી છે.

મિશ્રાએ કહ્યું કે, ‘પીએમ અને કાનૂન મંત્રીએ ગઈકાલે જ કહ્યું હતું કે આ ન્યાયપાલિકાનો અંગત મામલો છે અને તેઓ જ ઉકેલ લાવશે… સરકારના આ નિર્ણયનો બાર કાઉન્સિલ સ્વાગત કરે છે.’

(7:11 pm IST)
  • U-19 વર્લ્ડક૫માં ભારતીય ટીમે ઓસ્ટ્રેલિયાને 100 રનથી હરાવ્યું : U-19 વર્લ્ડકપ-2018ના પ્રારંભિક મુકાબલામાં ટીમ ઈન્ડિયાએ ઓસ્ટ્રેલિયાને 100 રનથી હરાવી શાનદાર શરૂઆત કરી છે. રાહુલ દ્રવિડની કોચિંગમાં ભારતીય ટીમે સૌપ્રથમ બેટિંગ કરી નિશ્ચિત 50 ઓવરોમાં 7 વિકેટ ગુમાવી 328 રન બનાવ્યાં હતાં. તો જવાબમાં ઓસ્ટ્રેલિયન ટીમે 42.5 ઓવરોમાં 10 વિકેટ ગુમાવી ફક્ત 228 રન બનાવ્યા છે. access_time 3:24 pm IST

  • સંયુક્ત રાષ્ટ્ર સંઘમાં ભારતના સ્થાયી પ્રતિનિધિ સૈયદ અક્બરુદીનનું ટ્વીટર એકાઉન્ટ રવિવારે સવારે હૈક થયું છે. જોકે તેનાથી બેફિકર આ રાજદ્વારીએ કહ્યું હતું કે તેના ટ્વીટરને હૈક કરીને તેને જુકાવી શકાશે નહીં. અજાણ્યા હૈંકરોએ બે ફોટા અને એક વિડિઓ પોસ્ટ કરી છે અને અકબરૂદ્દીનના ટ્વીટર એકાઉન્ટના નામમાં @AkbaruddinIndia થી બદલીને R@AkbaruddinSyed કરી નાખ્યું છે. access_time 4:34 pm IST

  • હવાઈ પર મિસાઈલ હુમલાના ખોટા મેસેજ પર અફરાતફરી : અમેરિકા પાસે આવેલ હવાઈ દેશના લોકોએ આજે તેમના ફોન પર કટોકટીની ચેતવણીઓ ના ખોટા આધિકારિક મેસેજ મળ્યા હતા કે એક બેલિસ્ટિક મિસાઈલ દેશ પર હુમલો કરવા માટે છોડાયું છે. પણ થોડીજ ક્ષણોમાં હવાઈના કોંગ્રેસવુમન તુલસી ગેબાર્ડ ટ્વીટ કરીને જણાવ્યું હતું કે આ ખોટા મેસેજ, ભૂલથી અપાયા છે. લાખો લોકોમાં આ મેસેજથી અફરાતફરી મચી જવા પામી હતી access_time 10:20 am IST