News of Saturday, 13th January 2018

આજે સુપ્રીમના જજો સાથે ચર્ચા કરશે CJI

બાર એસોસિએશનમાં ધ્રુજારોઃ બોલાવી બેઠક

નવી દિલ્હી તા. ૧૩ : દેશમાં પ્રથમવાર એવી સ્થિતિ જોવા મળી હવે સુપ્રીમ કોર્ટના જજોએ મીડિયા સંબોધન કર્યું. સુપ્રીમના ચાર જજોએ પત્રકાર પરીષદ કરી અને દાવો કર્યો કે સુપ્રીમ કોર્ટની વ્યવસ્થા યોગ્ય રીતે ચાલી રહી નથી જો આવું ચાલુ જ રહ્યું તો લોકતાંત્રિક સ્થિતિ જળવાય રહેશે નહીં. સાથે જ તેઓએ કહ્યું કે, આ મુદ્દા પર અમે સીજેઆઇ સાથે વાત કરી પરંતુ તેઓએ અમારી વાત ન સંાંભળી.

 

આ અંગે બાર એસોસિએશને આજે સાંજે ચાર વાગ્યે બેઠક બોલાવી છે. બીજી બાજુ એટોર્ની જનરલે આશા વ્યકત કરી કે, આજે વિવાદ ઠંડો પડશે. સુપ્રીમ કોર્ટના ચાર જજો દ્વારા બગાવતી તેવર અપનાવ્યા બાદ અને ચીફ જસ્ટિસ દિપક મિશ્રાએ પણ આ મામલે પોતાનો પક્ષ રાખ્યો. તેઓએ કહ્યું કે, સુપ્રીમ કોર્ટમાં દરેક જજ સમાન છે અને સ્વતંત્ર છે. તેઓએ કહ્યું કે, સુપ્રીમ કોર્ટના બધા જ કેસોની યોગ્ય રીતે ફાળવણી થાય છે.(૨૧.૨૫)

 

(3:54 pm IST)
  • મિઝોરમમાં 4થી વધુ બાળકો પેદા કરનારા મિઝો દંપત્તિઓને ઇનામ આપશે પ્રેસ્બિટેરિયન ચર્ચ અને ધ બેપ્ટિસ્ટ ચર્ચ ઓફ મિઝોરમ : મીડિયામાં આ બાબતે વિવાદ ઉભો થતા બન્ને ચર્ચ હવે કરશે પાછી નિર્ણયની સમીક્ષા access_time 4:42 pm IST

  • આંદામાન દ્વીપ સમૂહમાં આજે રવિવારે રાત્રે ભૂકંપનો આંચકો અનુભવાયો હતો. રિક્ટર સ્કેલ પર ભૂકંપની તીવ્રતા 4.8 નોંધાઈ છે. ભૂકંપ રાત્રે 9.18 મિનિટે આવ્યો હતો. હાલમાં ભૂકંપથી નુકશાનના કોઈ અહેવાલ નથી. access_time 12:06 am IST

  • U-19 વર્લ્ડક૫માં ભારતીય ટીમે ઓસ્ટ્રેલિયાને 100 રનથી હરાવ્યું : U-19 વર્લ્ડકપ-2018ના પ્રારંભિક મુકાબલામાં ટીમ ઈન્ડિયાએ ઓસ્ટ્રેલિયાને 100 રનથી હરાવી શાનદાર શરૂઆત કરી છે. રાહુલ દ્રવિડની કોચિંગમાં ભારતીય ટીમે સૌપ્રથમ બેટિંગ કરી નિશ્ચિત 50 ઓવરોમાં 7 વિકેટ ગુમાવી 328 રન બનાવ્યાં હતાં. તો જવાબમાં ઓસ્ટ્રેલિયન ટીમે 42.5 ઓવરોમાં 10 વિકેટ ગુમાવી ફક્ત 228 રન બનાવ્યા છે. access_time 3:24 pm IST