News of Saturday, 13th January 2018

મહારાષ્ટ્રમાં ૨ સમલૈંગિક યુવકોના લગ્નઃ દેશ-વિદેશથી મહેમાનો પધાર્યા

ભારતીય મૂળના અમેરિકી નાગરિકે પોતાના ગે પાર્ટનર સાથે કર્યા લગ્ન

મુંબઇ તા. ૧૩ : મહારાષ્ટ્રના યવતમાળમાં એક પુસ્તક વિક્રેતાના પુત્રએ ઈન્ડોનેશિયામાં રહેતા પોતાના સમલૈંગિક સાથી સાથે લગ્ન કર્યા હતાં. યવતમાળ જીલ્લામાં આ પહેલા સમલૈંગિક લગ્ન છે. આ લગ્નની આખા શહેરમાં ચર્ચા થઈ રહી છે.

આ લગ્નનું આયોજન ૩૦ ડિસેમ્બરે ગુપ્ત રીતે શહેરની એક પોશ હોટલમાં કરવામાં આવ્યું હતું. લગ્નના ફોટા સોશિયલ મીડિયામાં વાઈરલ થતા લોકોને ઘટનાની જાણ થઈ હતી. બંન્ને યુવકો અમેરિકામાં એક કંપનીમાં સાથે કામ કરતાં હતાં અને ત્યાં તેઓ લિવ-ઈન રિલેશનશિપમાં રહેતા હતાં.

યવતમાળમાં રહેતા યુવકે જયારે તેના માતા-પિતાને સમલૈંગિક મિત્ર વિષે જણાવ્યું તો તેઓ આશ્યર્યચકિત રહી ગયાં હતાં. માતા-પિતાએ પુત્રને આમ કરવા ઘણો સમજાવ્યો હતો પરંતુ તે પોતાના નિર્ણય પર અડગ રહ્યો હતો. આખરે માતા-પિતાએ પુત્રને લગ્ન માટે મંજુરી આપી હતી.

દેશ વિદેશથી મહેમાનો પધાર્યાં હતાં. લગ્નમાં અમેરિકા અને ચીનથી ૭૦ થી ૮૦ જેટલા લોકો પધાર્યા હતાં. ચીન અને અમેરિકાથી પધારેલા આ મહેમાનોમાં પણ ૧૦ સમલૈંગિક જોડીઓ હતી. અહેવાલો અનુસાર લગ્ન બાદ બંને હનીમૂન પર ઉપડી ગયાં હતાં.(૨૧.૧૫)

(11:47 am IST)
  • દક્ષિણ ભારતના સુપરસ્ટાર રજનીકાંત બાદ હવે કમલ હાસન રાજકારણમાં એન્ટ્રી મારશે. કમલ હાસને ચેન્નઈમાં વિકાસ એવોર્ડ સમારંભમાં હાજરી આપતા જણાવ્યું કે તે 18 જાન્યુઆરીએ રાજનીતિમાં જોડાવવાની યોજના અંગે ખુલાસો કરશે. 26 જાન્યુઆરીના રોજ તેઓ તમિલનાડુની યાત્રા શરૂ કરશે. access_time 3:54 pm IST

  • હવાઈ પર મિસાઈલ હુમલાના ખોટા મેસેજ પર અફરાતફરી : અમેરિકા પાસે આવેલ હવાઈ દેશના લોકોએ આજે તેમના ફોન પર કટોકટીની ચેતવણીઓ ના ખોટા આધિકારિક મેસેજ મળ્યા હતા કે એક બેલિસ્ટિક મિસાઈલ દેશ પર હુમલો કરવા માટે છોડાયું છે. પણ થોડીજ ક્ષણોમાં હવાઈના કોંગ્રેસવુમન તુલસી ગેબાર્ડ ટ્વીટ કરીને જણાવ્યું હતું કે આ ખોટા મેસેજ, ભૂલથી અપાયા છે. લાખો લોકોમાં આ મેસેજથી અફરાતફરી મચી જવા પામી હતી access_time 10:20 am IST

  • લીંબડી - બગોદરા નેશનલ હાઇવે પર રળોલ ગામના પાટીયા પાસે ગંભીર અકસ્માત સર્જાયો. બંધ ઉભા ટ્રક પાછળ ઇક્કો ગાડી તેમજ અન્ય એક હ્યુન્ડાઇ કાર ધુસી જતા ટ્રિપલ અકસ્માત સર્જાયો હતો. જેમાં અકસ્માતમાં 2 વ્યક્તિ ના ઘટના સ્થળે મોત નિપજ્યા હતા અને 4 વ્યક્તિ ને ગંભીર ઇજા થઇ છે. આ અકસ્માતની જાણ થતાજ 108ની ટીમ સ્થળ પર પહોંચી હતી. તમામ ઇજાગ્રસ્તોને વધુ સારવાર માટે સુરેન્દ્રનગર તેમજ અમદાવાદ હોસ્પિટલમાં ખસેડવામાં આવ્યા હતા. access_time 9:35 pm IST