News of Saturday, 13th January 2018

‘‘પ્રવાસી ભારતીય દિવસ'' : અમેરિકાના શિકાગોમાં ભારતીય દૂતાવાસના ઉપક્રમે ગઇકાલ ૧૧ જાન્‍યુ. ના રોજ કરાયેલી ઉજવણી : વિદેશોમાં સ્‍થાયી થયેલા વતનીઓ સાથે નાતો તથા સંપર્ક જાળવી રાખવાના ભારત સરકારના પ્રયત્‍નની પ્રશંસા કરાઇ : ડો. ભરત બારાઇ તથા ડો. નિરંજન શાહનું ‘‘પ્રવાસી ભારતીય સન્‍માન'' આપી બહુમાન કરાયું

શિકાગો : અમેરિકાના શિકાગોમાં આવેલા ભારતીય દૂતાવાસના ઉપક્રમે ગઇકાલ ૧૧ જાન્‍યુ. ૨૦૧૮ના રોજ ‘‘પ્રવાસી ભારતીય દિવસ'' ની ઉજવણી કરવામાં આવી હતી. જેમાં અમેરિકા સાથે ભારતનો નાતો વધુ મજબુત થઇ  રહયો હોવાની બાબતને બિરદાવવામાં આવી હતી.

ભારતના એમ્‍બેસેડર સુશ્રી નિતા ભૂષણએ વિદેશોમાં સ્‍થાયી થયેલા વતનીઓ સાથે સંપર્ક તથા નાતો કાયમ જાળવી રાખવાના ભારત સરકારના પ્રયત્‍નની પ્રશંશા કરી હતી. સાથોસાથ આ માટે ભારત સરકારના ઉપક્રમે અવારનવાર યોજાતા કાર્યક્રમોનો ઉલ્લેખ કર્યો હતો.

ઉજવણી અંતર્ગત શિકાગો વિસ્‍તાર તરફથી ડો. ભરત બારાઇ તથા ડો. નિરંજન શાહને ‘‘પ્રવાસી ભારતીય સન્‍માન'' આપી બહુમાન કરાયું હતું.

(11:14 pm IST)
  • બળવાખોરોના કબજા હેઠળની સીરિયાની રાજધાની દમાસ્કસના બહારના વિસ્તારોમાં ભયંકર કેમિકલ ગેસનો હુમલો થયાનું બહાર આવ્યું છે. બીબીસીના હવાલાથી જાણવા મળે છે કે રોજિંદા બોમ્બમારાની વચ્ચે વસતા પૂર્વ ગુટા ક્ષેત્રના લોકોએ એક મિસાઈલ હુમલા પછી એક પ્રકારની ગેસની દુર્ગંધ અનુભવી હતી. આરોગ્ય કર્મીઓનું કહેવું છે કે આ હુમલા બાદ ઘણા લોકોને શ્વાસ સંબંધિત તકલીફોની સારવાર અપાઈ રહી છે. access_time 3:15 pm IST

  • દક્ષિણ ભારતના સુપરસ્ટાર રજનીકાંત બાદ હવે કમલ હાસન રાજકારણમાં એન્ટ્રી મારશે. કમલ હાસને ચેન્નઈમાં વિકાસ એવોર્ડ સમારંભમાં હાજરી આપતા જણાવ્યું કે તે 18 જાન્યુઆરીએ રાજનીતિમાં જોડાવવાની યોજના અંગે ખુલાસો કરશે. 26 જાન્યુઆરીના રોજ તેઓ તમિલનાડુની યાત્રા શરૂ કરશે. access_time 3:54 pm IST

  • લીંબડી - બગોદરા નેશનલ હાઇવે પર રળોલ ગામના પાટીયા પાસે ગંભીર અકસ્માત સર્જાયો. બંધ ઉભા ટ્રક પાછળ ઇક્કો ગાડી તેમજ અન્ય એક હ્યુન્ડાઇ કાર ધુસી જતા ટ્રિપલ અકસ્માત સર્જાયો હતો. જેમાં અકસ્માતમાં 2 વ્યક્તિ ના ઘટના સ્થળે મોત નિપજ્યા હતા અને 4 વ્યક્તિ ને ગંભીર ઇજા થઇ છે. આ અકસ્માતની જાણ થતાજ 108ની ટીમ સ્થળ પર પહોંચી હતી. તમામ ઇજાગ્રસ્તોને વધુ સારવાર માટે સુરેન્દ્રનગર તેમજ અમદાવાદ હોસ્પિટલમાં ખસેડવામાં આવ્યા હતા. access_time 9:35 pm IST