Gujarati News

Gujarati News

News of Tuesday, 13th February 2018

આધાર વગર મ્યુચ્યુઅલ ફંડમાં રોકાણ કરી શકાશે નહીં

ગુરૂવારથી અમલ : વર્ષ ર૦૧૭ સુધીમાં છ કરોડથી વધુ ફોલિયા

મુંબઇ, તા. ૧૩ : સરકારે આધાર નંબરને મોટા ભાગની સરકારી યોજનાઓ સાથે સાંકળી લીધો છે. હવે મ્યુચ્યુઅલ ફંડમાં પણ તેને ફરજિયાત બનાવવાની કવાયત હાથ ધરી છે. મ્યુચ્યુઅલ ફંડમાં ૧પ ફેબ્રુઆરીથી આધાર નંબર વગર રોકાણ થઇ શકશે નહીં.

બીએસઇએ આ અંગે પરિપત્ર પણ જાહેર કરી દીધો છે. સકર્યુલરમાં એવું જાણવામાં આવ્યું છે કે મ્યુચ્યુઅલ ફંડમાં રોકાણ કરનારાઓને ૩૧ માર્ચ, ર૦૧૮ સુધી પોતાનો આધાર નંબર લિંક કરાવવો પડશે. જો તેમ કરવામાં નહીં આવે તો તેઓનું રોકાણ બ્લોક કરી દેવામાં આવશે અને તેને કારણે આવા રોકાણકારો પોતાના આધાર નંબર વગરનું રોકાણ પાછું ખેંચી શકશે નહીં.

સરકારે પાછલા વર્ષે જૂન મહિનામાં પ્રિવેન્શન ઓફ મની લોન્ડરિંગ એકટમાં સંશોધન કર્યું હતું, જે અંતર્ગત તમામ મ્યુચ્યુલ ફંડ, શેરબજાર અને બેન્કોમાં આધારને લિંક કરાવવાનું જરૂરી થઇ ગયું છે તે અનુસાર રોકાણકારના મ્યુચ્યુઅલ ફંડમાં એકથી વધુ પોર્ટફોલિયો હોય તો તમામને આધાર નંબર સાથે લિંક કરાવવો જરૂરી બનશે.

બીએઇએ પોતાના પરિપત્રમાં સ્પષ્ટ જણાવ્યું છે કે આવતીકાલ સુધી રોકાણ કરતા પોતાના મ્યુચ્યુઅલ ફંડના ફોલિયોમાં ૩૧ માર્ચ, ર૦૧૮ સુધી આધાર લિંક કરાવવાનો રહેશે. જો તેમ કરવામાં નહીં આવે તો મ્યુચ્યુઅલ ફંડના ફોલિયોને 'સિઝ' કરી દેવામાં આવશે અને તેના કારણે રોકાણકાર મ્યુચ્યુઅલ ફંડના ફોલિયોને આધાર લિંક વગર ટ્રાન્ઝેકશન કરી શકશે નહીં.

નોંધનીય છે કે શેરબજારમાં જોવા મળેલી તેજીની સાથેસાથે મ્યુચ્યુઅલ ફંડમાં રોકાણ કરતા રોકાણકારોની સંખ્યામાં ઉછાળો આવ્યો છે.

દેશભરમાં મ્યુચ્યુઅલ ફંડમાં વર્ષ ર૦૧૭ સુધીમાં છ કરોડથી વધુ ફોલિયો છે.

પાછલા વર્ષે સ્મોલકેપ અને મિડકેપ સેકટરના શેરમાં જોવા મળેલા ઉછાળાના પગલે મ્યુચ્યુઅલ ફંડના સ્મોલકેપ અને મિડકેપ ફંડમાં પણ એવરેજ ૪૦થી પ૦ ટકા જેટલુ રિટર્ન છૂટયું હતું અને તેના કારણે નાના મ્યુચ્યુઅલ ફંડમાં રોકાણકારોની સંખ્યામાં વધારો થયો હતો.

(4:31 pm IST)
  • કર્ણાટકમાં ચૂંટણી પ્રચાર માટે પહોંચેલા કેન્દ્રીય પ્રધાન પ્રકાશ જાવડેકરે કોંગ્રેસ અધ્યક્ષ રાહુલ ગાંધી પર નિશાન સાધ્યું હતું. શ્રી જાવડેકરે કહ્યું હતું કે રાહુલ ગાંધી જ્યા ચૂંટણી પ્રચારમાં જાય છે ત્યા કોંગ્રેસની હાર થાય છે. અને ભાજપનો વિજય થાય છે. તેમણે રાહુલ ગાંધીએ મંદિરના દર્શન પર કટાક્ષ કરતા કહ્યુ હતું કે હવે તો કોંગ્રેસની જાહેરાતમાં પણ કેસરિયો રંગ જોવા મળી રહ્યો છે access_time 9:39 am IST

  • હવે બેન્કો ડિફોલ્ટર્સની સાપ્તાહિક ધોરણે જાહેરાત કરશે, ૨૩ ફેબુ્રઆરીથી આરંભ : રિઝર્વ બેન્કે નવી સ્ટ્રેસ્ડ એસેટ્સ ફ્રેમવર્કમાં સુધારો કર્યો : SMA તરીકે વર્ગીકૃત્ત જેમાં રૃ. ૫ કરોડ કે તેનાથી વધુ રોકાણ ધરાવતી કંપનીઓનો સમાવેશ થતો હોય તેની ધિરાણ માહિતીનો અહેવાલ CRILCને સોંપવામાં આવશે access_time 2:34 am IST

  • અમેરિકી રાષ્ટ્રપતિ ડોનાલ્ડ ટ્રમ્પના દિકરા ડોનાલ્ડ ટ્રમ્પ જુનિયરના પત્ની વેનેસા ટ્રમ્પને સોમવારે સવારે ન્યૂયોર્ક સિટી હોસ્પિટલમાં દાખલ કરવામાં આવ્યા હતા. તેમણે પોતાના પતિના નામે આવેલા અનામી કવરમાં ભેદી સફેદ પાવડર સ્પર્શ કર્યા બાદ સુરક્ષાના ભાગરૂપે તેમને હોસ્પિટલ લઇ જવાયા હતા. ડોકટરી તપાસ બાદ માલુમ પડ્યું છે કે પાવડર જોખમી ન હતો. access_time 4:08 pm IST