News of Tuesday, 13th February 2018

ટ્રેનમાં નસકોરા બોલાવતા પેસેન્જરને લોકોએ કરી આવી 'સજા'

મુંબઇ તા. ૧૩ : મુંબઇથી નીકળેલી ટ્રેનના મુસાફરો એક પ્રવાસીથી એટલા બધા પરેશાન થઇ ગયા કે તેમણે મધ રાત્રે હોબાળો મચાવવો પડ્યો હતો. એક પ્રવાસીના નસકોરાંથી પરેશાન થઇ ગયેલા સાથી મુસાફરોએ વિરોધ કર્યો હતો. વિરોધ બાદ તે વ્યકિત ન ઊંઘવાનો નિર્ણય લીધો હતો અને બાદમાં અન્ય તમામ મુસાફરોએ રાહતનો શ્વાસ લીધો.

મુંબઇના લોકમાન્ય તિલક ટર્મિનસ સ્ટેશનથી ચાલતી એલટીટી-દરભંગા એકસપ્રેસમાં એક પ્રવાસીએ રિઝર્વેશન કરાવ્યું હતું. ટ્રેનમાં યાત્રા દરમિયાન રામચન્દ્ર નામના આ પ્રવાસીના નસકોરાંથી અન્ય મુસાફરો પરેશાન થઇ ગયા હતા. પ્રવાસીઓ એટલી હદે હેરાન થઇ ગયા હતા તે ૮-૧૦ લોકોએ રામચન્દ્રની સીટ પર આવી વિરોધ કરવો પડ્યો. આ અંગે માહિતી મળતાં જ ઘટના સ્થળે પહોંચેલા ટીટીઇ ગણેશ વિરહાએ આ મામલે હસ્તક્ષેપ કરવાનો પ્રયત્ન કર્યો હતો.

દરમિયાન ટીટીઇ ગણેશ વિરહાએ કહ્યું કે, 'મેં પ્રવાસીઓને જણાવ્યું કે રેલવેની નિયમાવલી મુજબ ટ્રેનમાં ઊંઘી રહેલા કોઇપણ પ્રવાસીને પરેશાન કરવો ખોટું છે. જે બાદ વિરોધ કરી રહેલા મુસાફરોએ કહ્યું કે રામચન્દ્રના નસકોરાંથી અન્ય તમામ પ્રવાસીઓ પરેશાન છે.'

એમણે કહ્યું કે વિરોધ અને હસ્તક્ષેપ બાદ રામચન્દ્રએ કહ્યું કે, પ્રવાસ દરમિયાન તેઓ અન્ય કોઇ યાત્રીઓને પોતાના નસકોરાંથી હેરાન કરવા માગતા નથી અને તેઓ બપોર સુધી ઊંઘશે નહીં, બાદમાં વિરોધ કરી રહેલા પ્રવાસીઓનું ટોળું શાંત થયું હતું.

વધુમાં ટીટીઇ વિરહાએ કહ્યું કે બપોર સુધીમાં વિરોધી યાત્રીઓ અને રામચન્દ્ર વચ્ચે મિત્રતા પણ થઇ ગઇ હતી. રેલવેના અન્ય એક અધિકારીએ કહ્યું કે અવાર-નવાર ટ્રેનમાં નસકોરાંની ફરિયાદો સામે આવતી રહેતી હોય છે. ટ્રેનમાં ખોટી રીતે હોબાળો મચાવી અન્ય પ્રવાસીઓને હેરાન કરનાર શખ્સને દંડ ફટકારવામાં આવતો હોય છે, પરંતુ નસકોરાં જેવી સ્થિતિમાં કોઇ કાર્યવાહી ન કરી શકાય.

(4:41 pm IST)
  • આઈટીના તપાસમાં ધડાકા? : બિટકોઈનમાં મોટાભાગનું રોકાણ બે નંબરી જ છે... : સુરત : બિટકોઈન રોકાણકારોના મોટાભાગના રૂપિયા બે નંબરી હોવાનું આવકવેરાની તપાસમાં ખુલ્યુ : નાણા રોકાણકારો પાસેથી ૩૦ ટકા દંડ વસૂલાશે : ૧૦૦ લોકોના એકાદ કરોડ ડૂબ્યા access_time 4:17 pm IST

  • પત્નિને છોડી વિદેશ જનાર પતિ ભાગેડુ ગણાશેઃ સંપતિ સીલ કરાશે : પત્નિને ભારતમાં છોડી દઈ વિદેશ જતાં રહેનાર NRI પતિ 'ભાગેડુ' ગણાશે : ૩ વખત સમન્સ મોકલ્યા પછી પણ હાજર નહિં થનાર આવા પતિ તથા તેના પરિવારની સંપતિ સીલ કરી દેવાશે : ક્રિમીનલ કોડમાં સુધારાઓ થઈ રહ્યા હોવાનું જણાવતા મેનકા ગાંધી access_time 4:16 pm IST

  • દુબઈમાં તૈયાર થઈ વિશ્વની સૌથી ઊંચી હોટલ : દુબઈએ વિશ્વની સૌથી ઉંચી હોટલ બનાવી પોતાનો જ રેકોર્ડ તોડ્યો : આ છે હોટલ ગેવોરા. જે વિશ્વની સૌથી ઉંચી હોટલ છે. હોટલની ઉંચાઈ 356 મીટર છે. એટલે કે 1 હજાર 186 ફૂટ. સોનાથી બનેલી હોટલ ગેવોરા 75 માળની છે. જેમાં 528 રૂમો છે. જેમાં 232 ડિલક્સ રૂમ, 265 વન બેડ રૂમ ડિલક્સ રૂમ અને 31 ટુ બેડરૂમ સ્યુટ છે : હોટલ ગેવોરા શેખ ઝાયદ રોડ પર દુબઈ ઈન્ટરનેશનલ ફાયનાન્સ સેક્ટર પાસે આવેલી છે : આ હોટલમાં ચાર રેસ્ટોરન્ટ, ઓપન એર સ્વિમિંગ પૂલ, જાકુઝી અને હેલ્થ ક્લબ પણ છે : આ વિશાળ હોટલમાં 6 લિફ્ટ છે. દરેક લિફ્ટ 26 કિમી પ્રતિ કલાકની સ્પીડે દોડે છે : આ પહેલા પણ વિશ્વની સૌથી ઉંચી હોટલનો રેકોર્ડ દુબઈના નામે જ હતો. હોટલ જે ડબ્લ્યુ મેરિએટ માર્કિસની ઉંચાઈ કરતા હોટલ ગેવોરા ફક્ત એક મીટર ઉંચી છે access_time 9:39 am IST