Gujarati News

Gujarati News

News of Tuesday, 13th February 2018

પાકિસ્‍તાનના સિંધ પ્રાંતના સેનેટર તરીકે ઉમેદવારી નોંધાવતા હિન્‍દુ મહિલા સુશ્રી ક્રિશ્‍ના કુમારીઃ પાકિસ્‍તાન પિપલ્‍સ પાર્ટીના ઉમેદવાર સુશ્રી ક્રિશ્‍ના ચૂંટાઇ આવશે તો સૌપ્રથમ હિન્‍દુ મહિલા સેનેટરનો વિક્રમ સર્જાશે

ઇસ્‍લામાબાદઃ પાકિસ્‍તાનના સિંધ પ્રાંતમાં સેનેટની બેઠક ઉપર પાકિસ્‍તાની પિપલ્‍સ પાર્ટી (PPP)એ હિન્‍દુ મહિલા સુશ્રી ક્રિશ્‍ના કુમારીને ટિકીટ આપી છે. જો તેઓ ચૂંટાઇ આવશે તો તેઓ મુસ્‍લિમ બહુમતિ ધરાવતા પાકિસ્‍તાન દેશના સૌપ્રથમ હિન્‍દુ મહિલા સેનેટર બનશે.

સુશ્રી ક્રિશ્‍ના કોહલી પરિવારમાંથી આવે છે. જેઓ સ્‍વાતંત્ર્ય સેનાની રૂપલો કોહલીના વંશજ છે. આ સ્‍વાતંત્ર્ય સેનાનીએ ૧૮૫૭ની સાલમાં અખંડ ભારતના સિંધ પ્રાંતમાં બ્રિટીશ સૈન્‍ય સામેની લડાઇમાં ભાગ લીધો હતો.

તેમના ભાઇ પણ પાકિસ્‍તાની પીપલ્‍સ પાર્ટીના મેમ્‍બર છે તથા તેઓ યુનિયન કાઉન્‍સીલ બ્‍યુરોના ચેરમેન તરીકે ચૂંટાઇ આવ્‍યા હતા.

ગરીબ કોહલી પરિવારમાંથી આવતા સુશ્રી ક્રિશ્‍નાનો જન્‍મ ૧૯૭૯ની સાલમાં થયો છે. તેમણે સિંધ યુનિવર્સિટીમાંથી માસ્‍ટર ડીગ્રી મેળવેલી છે તેવું સમાચાર સૂત્રો દ્વારા જાણવા મળે છે.

(9:50 pm IST)
  • કર્ણાટકમાં ચૂંટણી પ્રચાર માટે પહોંચેલા કેન્દ્રીય પ્રધાન પ્રકાશ જાવડેકરે કોંગ્રેસ અધ્યક્ષ રાહુલ ગાંધી પર નિશાન સાધ્યું હતું. શ્રી જાવડેકરે કહ્યું હતું કે રાહુલ ગાંધી જ્યા ચૂંટણી પ્રચારમાં જાય છે ત્યા કોંગ્રેસની હાર થાય છે. અને ભાજપનો વિજય થાય છે. તેમણે રાહુલ ગાંધીએ મંદિરના દર્શન પર કટાક્ષ કરતા કહ્યુ હતું કે હવે તો કોંગ્રેસની જાહેરાતમાં પણ કેસરિયો રંગ જોવા મળી રહ્યો છે access_time 9:39 am IST

  • અમેરિકાની પૂર્વ ટોચની ક્રમાંકિત સેરેના વિલિયમ્સે નેધરલેન્ડ્સ સામે ફેડ કપમાં રમીને એક વર્ષ બાદ સ્પર્ધાત્મક ટેનિસમાં પુનરાગમન કર્યું છે. જોકે, સેરેના અને તેની બહેન વિનસની જોડીનો વિમેન્સ ડબલ્સની મેચમાં ૬-૨, ૬-૩થી પરાજય થયો હતો. access_time 4:03 pm IST

  • ‘બિગ બોસ 11’ની વિનર શિલ્પા શિંદે ફરી એકવાર ચર્ચામાં આવી છે. મીડિયા રિપોર્ટ્સ અનુસાર તેણે ‘ભાભી જી ઘર પર હૈ’ના પ્રોડ્યૂસર સામે કરેલો યૌન શોષણનો કેસ પાછો ખેંચી લીધો છે. તેણે ગત વર્ષે માર્ચમાં આ કેસ નોંધાવ્યો હતો. એક વેબસાઈટને આપેલા નિવેદન અનુસાર, શિલ્પાનું કહેવું છે કે, શોમાં મારા જે પૈસા બાકી હતા તે મને મળી ગયા છે એટલે હવે કેસ આગળ વધારીને કોઈ ફાયદો નથી. access_time 1:31 am IST