News of Friday, 12th January 2018

ચીફ જસ્ટિસ દિપક મિશ્રાની કાર્યશૈલી પર પ્રશ્ન ઉઠાવાયા

સાત પાનાના પત્રમાં ગંભીરપ્રકારના આક્ષેપો : ચીફ જસ્ટિસ તરફથી કેટલાક મામલાઓને પસંદગીની બેંચોને અને જજોને જ સોંપવામાં આવ્યા : આરોપ મુકાયો

નવીદિલ્હી,તા. ૧૨ : સુપ્રીમ કોર્ટના ચીફ જસ્ટિસ અને ચાર જજ હવે આમને સામને આવી ગયા છે. સુપ્રીમ કોર્ટના ચીફ જસ્ટિસ દિપક મિશ્રાની કાર્યશૈલી ઉપર પ્રશ્નો ઉઠાવવામાં આવ્યા છે. સાત પાનાનો પત્ર લખીને કેટલાક મામલાઓની ફાળવણીને લઇને પ્રશ્નો ઉઠાવવામાં આવ્યા છે. આ મામલો આગામી દિવસોમાં પણ ભારે હોબાળો મચાવે તેવી શક્યતા છે. પત્રમાં એવો આક્ષેપ પણ કરાયો છે કે, ચીફ જસ્ટિસ તરફથી કેટલાક મામલાઓને પસંદગીની બેંચોને જ સોંપવામાં આવ્યા હતા. સાથે સાથે ખાસ જજને કામગીરી સોંપવામાં આવી રહી હતી. આના કારણે આ જજ ખુલ્લીરીતે મેદાનમાં આવી ગયા છે. પ્રથમ વખત મિડિયાની સામે આવીને ચીફ જસ્ટિસ સામે ગંભીર પ્રકારના આક્ષેપો કરવામાં આવ્યા છે. દેશનું લોકતંત્ર ખતરામાં હોવાની વાત જસ્ટિસ ચેલેમેશ્વર દ્વારા કરવામાં આવી છે. તેમણે કહ્યું છે કે, અમારા દ્વારા ઉઠાવવામાં આવેલા મામલામાં કાર્યવાહી કરવામાં આવે તે જરૂરછે.

(7:56 pm IST)
  • જમ્મુ - કાશ્મીર : શ્રીનગરના HMT વિસ્તારમાંથી IED મળી આવ્યુ : સેના દ્વારા અવંતા ભવન તથા આસપાસમાં તપાસ ચાલુ કરી : બોંબ ડીસ્પોઝેબલ સ્કોડ ઘટના સ્થળે access_time 12:51 pm IST

  • SC બાર એસોસિએશનની સાંજે 6 વાગ્યે યોજાશે પ્રેસ કોન્ફરન્સ access_time 1:11 pm IST

  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST