News of Friday, 12th January 2018

‘‘સિકયુરીંગ અમેરિકાસ ફયુચર એકટ'': H-1B વીઝા ધારકોને આપવાના થતા ગ્રીન કાર્ડની સંખ્‍યામાં ૪૫ ટકાનો વધારો કરવાનો પ્રસ્‍તાવ કોંગ્રેસમાં રજુઃ ગ્રીન કાર્ડની રાહ જોઇને બેઠેલા પાંચ લાખ જેટલા ભારતીયોને લાભ થશે

વોશીંગ્‍ટનઃ ‘‘સિકયુરીંગ અમેરિકન ફયુચર એકટ'' નામ સાથે અમેરિકાની કોંગ્રેસમાં મુકાયેલા બિલમાં મેરીટના આધારે આવેલા વિદેશીઓને આપવાના થતા ગ્રીન કાર્ડની સંખ્‍યામાં ૪૫ ટકાનો વધારો કરવાની ભલામણ છે. જો આ પ્રસ્‍તાવને કોંગ્રેસની મંજુરી મળશે તો ગ્રીન કાર્ડની રાહ જોઇ રહેલા અંદાજે પાંચ લાખ ભારતીયોને લાભ થશે.

બિલમાં ગ્રીન કાર્ડ આપવા માટેની વર્તમાન સંખ્‍યાની મર્યાદા જે ૧ લાખ ૨૦ હજાર છે તેમાં ૪૫ ટકાનો વધારો માંગી ૧ લાખ ૭૫ હજાર કરવાનો પ્રસ્‍તાવ છે.

ઉલ્લેખનીય  છે કે ણ્‍-૧ગ્‍ વીઝા મેળવી અમેરિકા જતા લોકોને ભવિષ્‍યમાં અપાતા ગ્રીન કાર્ડ માટે આ સંખ્‍યા વધવાથી લાભ થાય તેમ છે. સાથોસાથ જયાં સુધી ગ્રીન કાર્ડ ન મળે ત્‍યાં સુધી વીઝાની મુદતમાં વધારો કરવાની જોગવાઇ પણ ચાલુ રખાતા અંદાજે ૭ લાખ ૫૦ હજાર જેટલા ભારતીયોને વતનમાં પરત ફરવુ પડે તેમ હતું તે ડર પણ હવે નાબુદ થઇ ગયો છે.

(9:25 am IST)
  • મધ્યપ્રદેશના ગુના જિલ્લામાં દિગ્વિજયસિંહના ગઢ રાઘોગઢમાં ભાજપ અને કોંગ્રેસના કાર્યકરોની અથડામણ પછી તણાવભરી સ્થિતિ ફેલાય ગઈ છે : તણાવને ધ્યાનમાં રાખીને, સાવચેતીનાં ભાગરૂપે ત્યાં કર્ફ્યૂ લાદી દેવામાં આવ્યો છે : આગામી સપ્તાહે રાઘોગઢમાં મ્યુનિસિપલ ચૂંટણી યોજાવાની છે. access_time 1:37 pm IST

  • દિલ્હીના ગ્રેટર નોએડાના સૂરજપુર વિસ્તારની એક સોસાયટીમાં રહેતા ઇન્ટરનેશનલ મુક્કાબાજ જિતેન્દ્ર માનનો મૃતદેહ મળી આવતા સનસનાટી મચી જવા પામી છે. જિતેન્દ્રના શરીર પર ગોળીના નિશાન મળી આવતાં હત્યાની આશંકા સેવાય રહી છે. જિતેન્દ્ર બોક્સિંગમાં નેશનલ ચેમ્પિયન પણ રહી ચૂક્યો છે. access_time 3:10 pm IST

  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છેજ. access_time 11:31 pm IST