Gujarati News

એલિયન્સ પરમાણુ હથિયારો સાથે છેડછાડ કરીને વિશ્વને ત્રીજા વિશ્વયુદ્ધની આગમાં ધકેલી શકે છે. આ સનસનીખેજ દાવો અમેરિકાના પૂર્વ સૈન્ય અધિકારીએ કર્યો છે. આ અધિકારીએ એવો પણ દાવો કર્યો હતો કે તેણે એલિયન્સને પરમાણુ હથિયાર પ્રણાલીઓ સાથે છેડછાડ કરતા જોયા છે. તે ટૂંક સમયમાં આ અંગે પુરાવા રજૂ કરવા જઈ રહ્યો છે.

અમેરિકાના એરફોર્સના ભૂતપૂર્વ અધિકારી રોબર્ટ સાલાસ દાવો કરે છે કે 24 માર્ચ, 1967ના રોજ તેની તમામ દસ આંતરખંડીય બેલિસ્ટિક મિસાઇલો નિષ્ક્રિય કરવામાં આવી હતી. તે સમયે તે મોન્ટાનામાં માલ્મસ્ટ્રોમ એરફોર્સ બેઝમાં ભૂગર્ભ લોન્ચ સિસ્ટમના ફરજ પરના કમાન્ડર હતા.

રોબર્ટ સાલાસ દાવો કરે છે કે યુએફઓ (UFO) પરમાણુ મથકો પર હથિયાર પ્રણાલીઓને પણ નિષ્ક્રિય કરે છે અને પછી મિસાઇલો લોન્ચ કરે છે. જો કે કાઉન્ટિંગ શરૂ થતાં જ લોન્ચિંગ રોકી દેવામાં આવ્યું હતું.

સાલાસનું કહેવું છે કે ઠીક આઠ દિવસ પહેલા એટલે કે 16 માર્ચ, 1967ને પણ આ રીતની ઘટના એક અન્ય મિસાઇલ લોન્ચ સિસ્ટમ સાથે થઈ હતી. તેમનો દાવો છે કે એલિયન્સ આમ ત્રીજું વિશ્વ યુદ્ધ કરાવી શકતા હતા.

એક અહેવાલ પરંતુ હવે રોબર્ટ સાલાસ સહિત ચાર ભૂતપૂર્વ સૈન્ય અધિકારીઓ પરમાણુ હથિયારો સાથે UFO આ કથિત હસ્તક્ષેપ વિશે વાત કરશે અને સરકારી દસ્તાવેજો જાહેર કરશે. ચાર ભૂતપૂર્વ સૈન્ય અધિકારીઓ 19 ઓક્ટોબર 2021ના રોજ પત્રકાર પરિષદ યોજવાના છે.

ચારેય દાવો કરે છે કે તાજેતરના દાયકાઓમાં ઘણી ઘટનાઓ માટે એલિયન્સ જવાબદાર છે. જેમાં હથિયાર પ્રણાલીઓ સાથે છેડછાડ કરવામાં આવી હતી, જેના કારણે થોડા સમય માટે તે નિષ્ક્રીય થઈ ગયા હતા.