News of Friday, 12th January 2018

ડોલરની સામે રૂપિયામાં ફરી એકવાર મજબૂત સ્થિતિ રહી

ડોલર સામે રૂપિયો ૬૩.૬૪ની સપાટી ઉપર રહ્યો : આ વર્ષે રૂપિયામાં હજુ સુધી ૦.૪ ટકા સુધીનો ઉછાળો

મુંબઇ,તા. ૧૨ : ડોલરની સામે રૂપિયામાં આજે મજબુતી જોવા મળી હતી. ચાવીરૂપ માઇક્રો ઇકોનોમિક ડેટા જારી કરવામાં આવે તે પહેલા જ અમેરિકી ડોલરની સામે રૂપિયામાં તેજી રહેતા કારોબારી ખુશ દેખાયા હતા. રૂપિયો આજે ગુરૂવારના ૬૩.૬૭ની સામે આજે ૦.૦૪ ટકાનો ઉછાળો રહ્યો હતો. ડોલરની સામે રૂપિયો ૬૪.૬૪ની સપાટી પર રહ્યો હતો. રૂપિયો સવારે ૬૩.૬૭ની સપાટી પર ખુલ્યો હતો. ત્યારબાદ ક્રમશ હાઇ અને લો સપાટી ૬૩.૪૮ અને ૬૩.૭૨ રહી હતી. આ વર્ષે હજુ સુધી રૂપિયા ૦.૪ ટકાનો ઉછાળો મેળવી લીધો છે જ્યારે વિદેશી રોકાણકારોએ ઇક્વિટી અને બોન્ડમાં ક્રમશઃ ૩૪૧.૩૦ અને ૩૩૩.૯૦ મિલિયન ડોલરનું રોકાણ કર્યું છે. વર્ષ ૨૦૧૭માં રૂપિયામાં ૬.૩૫ ટકાનો ઉછાળો નોંધાયો હતો જ્યારે સેંસેક્સમાં ૨૮ ટકાનો ઉછાળો જોવા મળ્યો હતો. વિદેશી સંસ્થાકીય રોકાણકારો દ્વારા ઇક્વિટી અને ડેબ્ટમાં ક્રમશઃ ૭.૭૩ અબજ ડોલર અને ૨૩.૨૭ અબજ ડોલરનું રોકાણ કર્યં હતું. એશિયન કરન્સીમાં આજે તેજી રહી હતી. કારણ કે ડોલરમાં કડાકો બોલ્યો હતો. યુરોપિયન સેન્ટ્રલ બેંક તરફથી સંકેત આપવામાં આવ્યા બાદ ડોલરમાં ઘટાડો થયો હતો. જાપાની યેનમાં ૦.૨૨ ટકાનો ઉછાળો નોંધાયો હતો. આઈઆઈપીના આંકડા જારી કરવામાં આવે તે પહેલા રૂપિયામાં મજબૂતી રહી હતી. આજે કારોબાર દરમિયાન શેરબજારમાં તેજી રહી હતી. કારોબારના અંતે સેંસેક્સ ૮૯ પોઇન્ટ ઉછળીને ૩૪૫૯૨ની ઉંચી સપાટી પર રહ્યો હતો. જ્યારે નિફ્ટી ૩૦પોઇન્ટ ઉછળીને ૧૦૬૮૧ની ઉંચી સપાટી પર બંધ રહ્યો હતો. આજે શેરબજારમાં તેજીમાટે કેટલાક કારણો રહ્યા હતા.

(8:00 pm IST)
  • ઇંગ્લેન્ડના નોટિંગઘમ રેલવે સ્ટેશનમાં લાગી ભીષણ આગ : સમગ્ર સ્ટેશન ખાલી કરાવાયું : આગ પર કાબુ મેળવવા અગ્નિશામક તંત્ર લાગ્યું કામે : આતંકી હુમલાની સેવાય રહી સંભાવના access_time 11:01 pm IST

  • સુપ્રીમ કોર્ટના જજોના વિવાદ પર કૉંગ્રેસે SIT દ્વારા તપાસ કરાવવાની કરી માંગ : પત્રકાર પરિષદમાં ન્યાયમૂર્તિઓના મુદ્દે કોંગેસ અધ્યક્ષ રાહુલ ગાંધીએ કહ્યું કે આ ઘટના અભૂતપૂર્વ છે, પ્રથમ વખત આવી ઘટના બની છે - ન્યાયમૂર્તિઓએ જસ્ટીસ લોયાની વાત કરી છે, તેની ઉચ્ચ સ્તરે તપાસ કરાવો - ન્યાયમૂર્તિઓનો પ્રશ્ન અત્યંત મહત્વપૂર્ણ છે તેનો ત્વરિત ઉકેલ લાવવો જોઈએ - સમગ્ર દેશને અદાલતી પ્રણાલી પર સંપૂર્ણ વિશ્વાસ છે : શ્રી સુર્જેવાલાએ વધુમાં કહ્યું કે સુપ્રીમ કોર્ટને ન્યાયમૂર્તિઓ દ્વારા ઉઠાવવામાં આવેલા મુદ્દાઓ પર વિચાર કરવો જોઇએ : જજો દ્વારા થયેલ પત્રકાર પરિષદ લોકશાહી પર દૂરગામી અસર કરશે access_time 8:11 pm IST

  • તાપી જીલ્લામાં બંધની અસર નહિવત્: શાળા બંધના એલાનમાં વાલીમંડળનું સમર્થન નહિં : જીલ્લાની તમામ શાળા રાબેતા મુજબ ચાલુ access_time 2:14 pm IST