Gujarati News

Gujarati News

News of Friday, 12th January 2018

શું તમારે એકથી વધારે બેંક એકાઉન્ટ છે તો થશે આ નુકસાન...!

નવી દિલ્હી તા. ૧૨ : આજકાલ દરેક લોકો પાસે એક કરતાં વધારે એકાઉન્ટ હોય છે. કયારેક-કયારેક લોકો બિઝનેસને લઇને તો કેટલાક લોકોનું સેલેરી એકાઉન્ટને લઇને એક કરતાં વધારે એકાઉન્ટ હોય છે. પરંતુ ઘણા લોકો કોઇ કારણ વગર એક કરતાં વધારે બેન્ક એકાઉન્ટ રાખતાં હોય છે. લોકો એક કરતાં વધારે બેન્ક એકાઉન્ટ રાખતા હોય છે પરંતુ તેને મેઇન્ટેનન્સ કરી શકતા નથી.

બે થી વધારે બેંક એકાઉન્ટ હોવાથી તમને મોટું નુકસાન થઇ શકે છે જે તમને ખબર નહીં હોય. દરેક બેંક પોતાના એકાઉન્ટમાં મિનિમમ બેલેન્સ મેઇન્ટેટનન્સ કરવાની રાશિ નક્કી કરતું હોય છે. જેને લઇને જો તમારી પાસે એક કરતાં વધારે એકાઉન્ટ હોય તો તમારે મિનિમમ બેલેન્સ મેઇન્ટેટન્સ કરવા તેટલી રકમ એકાઉન્ટમાં જમા રાખવી પડે. આ રકમ પર તમને વધારે ને વધારે ૫ થી ૬ ટકા જેટલું વાર્ષિક રીટર્ન મળતું હોય છે.

એક થી વધારે એકાઉન્ટમાં તમારા પૈસાનું રોકાણ કરવા કરતાં તમે બીજી બચત યોજના જેવી કે પોસ્ટ ઓફિસ, શેર બજાર, મ્યૂચ્યુયલ ફંડ, સરકારી બોન્ડ અથવા એફડીમાં લગાવી શકો છો. આમ આ રકમ પર વાર્ષિક રીર્ટન વધુ મળી શકે છે.

જો તમારે એક કરતાં વધારે બેંક એકાઉન્ટ હોય મિનિમમ બેલેન્સ રાખવું પડે છે. જો તમે આમ નહીં કરો તો તમને પેનલ્ટી પણ લગાવામાં આવે છે. ઘણી બેંકમાં તમારે એકાઉન્ટ માટે વાર્ષિક મેઇન્ટેનન્સ ફી અને ચાર્જ આપવાનો હોય છે. જેને કારણે તમારે ઘણું નુકસાન ઉઠાવવું પડે છે. જો એક કરતાં વધારે બેંક એકાઉન્ટ હોય તો ટેકસ પે કરતી વખતે ઘણી મુશ્કેલીઓનો સામનો કરવો પડે છે. ઇન્કમ ટેકસ ફાઇલ કરતી વખતે તમામ બેંક એકાઉન્ટની માહિતી આપવી પડતી હોય છે

(9:41 am IST)
  • કર્ણાટકના ઉદ્યોગમંત્રીએ બેંગલુરુને દેશની બીજી રાજધાની બનાવવાની માગણી કરી access_time 7:21 pm IST

  • ભાગેડુ અપરાધી અને ઉદ્યોગપતિ વિજય માલ્યાના પ્રત્યર્પણના કેસમાં લંડનની અદાલતમાં ગુરુવારે યોજાયેલી સુનાવણીનું કોઇ નક્કર પરિણામ આવ્યું નથી. વિજય માલ્યાનું પ્રત્યર્પણ ફરીથી પાછું ઠેલાયું છે. પુરાવાનો સ્વીકાર કરવો કે નહીં તે બાબતે વિજય માલ્યાના વકીલે દલીલ અને રજૂઆત કર્યા બાદ માલ્યાના જામીન બે એપ્રિલ સુધી લંબાવવામાં આવેલ છે. access_time 3:54 pm IST

  • એક્વાડોરે વિકિલીક્સના સ્થાપક જુલિયન અસાંજેને પોતાની નાગરિકતા આપી : સ્વીડન પોલીસ તેની રેપ કેસમાં ધરપકડ ન કરે એ ડરથી અસાંજે પાંચ વર્ષથી વધુ સમયથી લંડનમાં એક્વાડોરના દૂતાવાસમાં આશ્રયમાં રહેતા હતા : તેના પર રેપનો આરોપ હતો, પણ સ્વીડનેએ આરોપો તેના પર થી રદ કર્યા હતા access_time 9:31 am IST