Gujarati News

નવી દિલ્‍હી, તા.૧૧: Paytm એ યુઝર્સને ચોંકાવી દીધા છે. હવે Paytm પ્‍લેટફોર્મ પરથી મોબાઈલ રિચાર્જ માટે વધારાનો ચાર્જ ચૂકવવો પડશે. Paytm યુઝર્સને મોબાઈલ રિચાર્જ પર ૧ રૂપિયા અને ૬ રૂપિયા ચાર્જ કરશે. આ નિયમ Paytm થી રિચાર્જ કરવા પર જ લાગુ થશે. ભલે તમે Paytm વૉલેટ બેલેન્‍સ, યુનિફાઇડ પેમેન્‍ટ્‍સ ઇન્‍ટરફેસ (UPI), બેંક ક્રેડિટ અથવા ડેબિટ કાર્ડ દ્વારા રિચાર્જ કર્યું હોય.
નોંધનીય છે કે ગયા વર્ષે PhonePe એ મોબાઈલ રિચાર્જ પર સરચાર્જ વસૂલવા માટે એક પાયલોટ શરૂ કર્યું હતું. આ અંતર્ગત કેટલાક યુઝર્સ પાસેથી ૧ થી ૨ રૂપિયાનો સરચાર્જ લેવામાં આવી રહ્યો છે. તે જ સમયે, Twitter પર ઉપલબ્‍ધ વપરાશકર્તાઓના અહેવાલ અનુસાર, Paytm એ સુવિધા ફી તરીકે સરચાર્જ વસૂલવાનું શરૂ કર્યું છે.
વધુમાં, ગેજેટ્‍સ ૩૬૦ દ્વારા એક અહેવાલ જણાવે છે કે વધારાની ફી પ્‍લેટફોર્મ ફી તરીકે રજૂ કરવામાં આવી છે. રિપોર્ટ અનુસાર, તે શરૂઆતમાં માર્ચના અંતમાં કેટલાક વપરાશકર્તાઓ માટે રોલઆઉટ કરવામાં આવ્‍યું હતું. તે જ સમયે, આ પ્‍લેટફોર્મ પર મોટી સંખ્‍યામાં વપરાશકર્તાઓ પર નિયમ લાગુ કરવામાં આવ્‍યો છે. રિપોર્ટમાં જણાવવામાં આવ્‍યું છે કે તમામ પેટીએમ યુઝર્સ પાસેથી સરચાર્જ લેવામાં આવી રહ્યો નથી.
રિપોર્ટમાં જણાવવામાં આવ્‍યું છે કે Paytm પ્‍લેટફોર્મ પરથી રિચાર્જ કરવા પર યુઝર્સ પાસેથી સરચાર્જ લેવામાં આવશે, પરંતુ આ ચાર્જ ૧૦૦ રૂપિયાથી વધુ માટે લેવામાં આવશે. આ ચાર્જ અપડેટ દરમિયાન પસંદગીના વપરાશકર્તાઓ પર વસૂલવામાં આવશે. મોબાઈલ રિચાર્જની રકમ સિવાય રૂ.૧ થી રૂ.૬નો વધારાનો ચાર્જ લેવામાં આવશે.
રિપોર્ટમાં એક વ્‍યક્‍તિના હવાલાથી કહેવામાં આવ્‍યું છે કે Paytm તેની આવક વધારવા માટેના એક પ્રયોગ તરીકે કેટલાક વપરાશકર્તાઓ પાસેથી ચાર્જ વસૂલ કરી રહી છે. ૨૦૧૯ માં, Paytળ એ દાવો કરવા માટે Twitter પર પોસ્‍ટ કર્યું કે તે કાર્ડ, શ્‍ભ્‍ત્‍ અને વૉલેટનો સમાવેશ કરતી કોઈપણ ચુકવણી પદ્ધતિનો ઉપયોગ કરવા માટે ગ્રાહકો પાસેથી કોઈપણ સુવિધા અથવા વ્‍યવહાર ફી વસૂલશે નહીં.
Paytm ની જેમ PhonePe એ ઓક્‍ટોબરમાં સરચાર્જ વસૂલવાનું શરૂ કર્યું, જે તે ગ્રાહકો પાસેથી રૂ. ૫૦થી વધુના મોબાઇલ રિચાર્જ માટે વસૂલ કરે છે. PhonePe અને Paytm બંનેએ હજી સુધી તે ધોરણો સત્તાવાર રીતે જાહેર કર્યા નથી.