Gujarati News

બેજિંગ : વિશ્વના સૌથી વધુ વસ્તી ધરાવતા દેશ ચીન સામે જન્મ દરમાં ઘટાડાથી નવી સમસ્યા ઊભી થઈ છે. લોકો વૃદ્ધ થઈ રહ્યા છે અને યુવાનોની અછત છે. જેના કારણે આગામી કેટલાક વર્ષોમાં કામદારોની ભારે અછત સર્જાઈ શકે છે. જન્મદરમાં ઘટાડામાંથી બહાર આવવા માટે ચીન બળજબરીથી ગર્ભાવસ્થાની વ્યૂહરચના તરફ વળે તેવી શક્યતા છે. આ વ્યૂહરચના હેઠળ ચીન લોકોને બાળકો પેદા કરવા માટે દબાણ કરી શકે છે.
તેની વૃદ્ધ વસ્તી અને યુવાનોના અભાવે ચીન સામે એક નવી સમસ્યા ઊભી કરી છે. સ્થિતિ એવી બની ગઈ છે કે ચીન હવે લોકોને બળજબરીથી ગર્ભ ધારણ કરવા મજબૂર કરવાની રણનીતિ પર વિચાર કરી રહ્યું છે.
ઘટી રહેલા જન્મ દરથી પરેશાન, ચીને તેના નાગરિકો પર વહેલા લગ્ન કરવા અને વ્યક્તિ દીઠ ઓછામાં ઓછા ત્રણ બાળકો પેદા કરવા દબાણ કરવાનું શરૂ કર્યું છે. જિયોપોલિટિકાના અહેવાલ મુજબ, વહીવટીતંત્રે લોકોને વધુને વધુ બાળકો પેદા કરવા માટે પ્રોત્સાહિત કરવા માટે વિવિધ પ્રકારની સ્પર્ધાઓ પણ શરૂ કરી છે.તેવું એચ.ટી.એચ.દ્વારા જાણવા મળે છે.