Gujarati News

Gujarati News

News of Friday, 10th June 2022

સેન્સેક્સમાં ૧૦૧૭, નિફ્ટીમાં ૨૭૬ પોઈન્ટનો કડાકો બોલાયો

રોકાણકારોના ચાર લાખ કરોડથી વધુનું ધોવાણ : બીએસઈ પર લિસ્ટેડ કંપનીઓનું કુલ માર્કેટ કેપ ઘટીને ૨૫૦ લાખ કરોડ થયું, રિલાયન્સનો શેર લગભગ ત્રણ ટકા તૂટ્યો

મુંબઈ, તા.૧૦ : સપ્તાહના છેલ્લા ટ્રેડિંગ દિવસે શુક્રવારે શેરબજાર ઘટાડા સાથે ખુલ્યું અને ટ્રેડિંગના અંતે લાલ નિશાન પર બંધ થયું. બોમ્બે સ્ટોક એક્સચેન્જનો ૩૦ શેરો ધરાવતો સેન્સેક્સ ૧૦૧૭ પોઈન્ટ ઘટીને ૫૪,૩૦૩ પર બંધ થયો હતો, જ્યારે નેશનલ સ્ટોક એક્સચેન્જનો નિફ્ટી ૨૭૬ પોઈન્ટ ઘટીને ૧૬,૨૦૨ પર બંધ થયો હતો.

અગાઉ, બીએસઈ સેન્સેક્સ ૫૦૦ પોઈન્ટ તૂટીને ખુલ્યો હતો, જ્યારે એનએસઈ  નિફ્ટીએ ૧૬,૪૦૦ ની નીચે ટ્રેડિંગ શરૃ કર્યું હતું. ગુરુવારે ટ્રેડિંગ દિવસે, શેરબજારના બંને સૂચકાંકો લાલ નિશાન પર ખુલ્યા હતા, પરંતુ એક દિવસના કારોબાર પછી, તેઓ આખરે મજબૂત લીડ લઈને બંધ થયા હતા. બીએસઈ સેન્સેક્સ ઈન્ડેક્સ ૪૨૮ પોઈન્ટ અથવા ૦.૭૮ ટકાના વધારા સાથે ૫૫,૩૨૦ પર બંધ થયો હતો, જ્યારે એનએસઈ નિફ્ટી ઈન્ડેક્સ ૧૨૨ પોઈન્ટ અથવા ૦.૭૪ ટકાના વધારા સાથે ૧૬,૪૭૮ પર બંધ થયો હતો.

શુક્રવારે શેરબજારમાં આવેલા આ મજબૂત ઘટાડાનું સૌથી મોટું કારણ વિદેશી રોકાણકારોની વેચવાલી છે. વ્યાપક વેચાણને કારણે રોકાણકારોની રૃ. ૪ લાખ કરોડથી વધુ સંપત્તિનો નાશ થયો હતો. આ સાથે શુક્રવારે બીએસઈ પર લિસ્ટેડ કંપનીઓનું કુલ માર્કેટ કેપ ઘટીને રૃ. ૨૫૦ લાખ કરોડ થઈ ગયું હતું.

સ્થાનિક શેરોમાં આજે જોરદાર ઘટાડો જોવા મળી રહ્યો છે. વૈશ્વિક બજારોમાં નબળા રોકાણકારોના સેન્ટિમેન્ટને કારણે બીએસઈ સેન્સેક્સ અને નિફ્ટી ઘટાડા સાથે ખુલ્યા હતા. જેમ જેમ દિવસ આગળ વધતો ગયો તેમ તેમ તેમનું પતન વધતું ગયું. બપોરે ૨.૪૫ વાગ્યે સેન્સેક્સ ૧૦૫૭.૨૮ પોઈન્ટ અથવા ૧.૯૧% ઘટીને ૫૪,૨૬૩.૦૦ પર ટ્રેડ કરી રહ્યો હતો. નિફ્ટી પણ ૨૮૭.૫૦ અથવા ૧.૭૪% ઘટીને ૧૬,૧૯૦.૬૦ પર આવી ગયો.

આ ઘટાડાથી રોકાણકારોને રૃ. ૩.૧૫ લાખ કરોડનું નુકસાન થયું છે. બીએસઈ પર લિસ્ટેડ કંપનીઓનું માર્કેટ કેપ ઘટીને રૃ. ૨૫૧ લાખ કરોડ થયું હતું. આઇટી, બેક્નિંગ અને ફાઇનાન્શિયલ શેરોમાં સૌથી વધુ ઘટાડો નોંધાયો હતો. આ સાથે દેશની સૌથી મૂલ્યવાન કંપની રિલાયન્સ ઇન્ડસ્ટ્રીઝમાં ભારે ઘટાડાથી પણ મુખ્ય સૂચકાંકોને નુકસાન થયું છે. રિલાયન્સનો શેર લગભગ ત્રણ ટકાના ઘટાડા સાથે રૃ. ૨૭૧૬.૯૦ પર ટ્રેડ કરી રહ્યો હતો.

અગાઉ, શરૃઆતના વેપારમાં સેન્સેક્સ લગભગ ૬૦૦ પોઈન્ટ તૂટ્યો હતો. વેપારીઓએ જણાવ્યું હતું કે રૃપિયાના નબળા પડવાની અસર સ્થાનિક શેરબજારો પર પણ પડી છે. સેન્સેક્સમાં સૌથી વધુ ૩.૩૮ ટકાનો ઘટાડો વિપ્રોમાં થયો હતો. આ ઉપરાંત ટેક મહિન્દ્રા, ટાટા સ્ટીલ, ઈન્ફોસીસ, કોટક બેંક, બજાજ ફાઈનાન્સ, એચડીએફસી અને ટીસીએસના બંને શેર પણ લાલ નિશાન પર હતા. બીજી તરફ પાવરગ્રીડ, એનટીપીસી અને ટાઇટનની આગેવાની હતી.

અગાઉના સત્રમાં સેન્સેક્સ ૪૨૭.૭૯ પોઈન્ટ અથવા ૦.૭૮ ટકા વધીને ૫૫,૩૨૦.૨૮ પર બંધ થયો હતો. તેવી જ રીતે, વ્યાપક એનએસઈ નિફ્ટી ૧૨૧.૮૫ પોઈન્ટ અથવા ૦.૭૪ ટકા વધીને ૧૬,૪૭૮.૧૦ પર બંધ થયો હતો. શુક્રવારે શરૃઆતના કારોબારમાં અમેરિકી ડોલર સામે રૃપિયો આઠ પૈસા ગગડીને ૭૭.૮૨ની રેકોર્ડ નીચી સપાટીએ પહોંચ્યો હતો.

 અન્ય એશિયન બજારોમાં ટોક્યો, હોંગકોંગ અને સિઓલ ડાઉન હતા જ્યારે શાંઘાઈ નફા સાથે કારોબાર કરી રહ્યા હતા. દરમિયાન, આંતરરાષ્ટ્રીય ઓઇલ બેન્ચમાર્ક બ્રેન્ટ ક્રૂડ ૦.૬૫ ટકા ઘટીને ૧૨૨.૨૭ ડોલર પ્રતિ બેરલ થયું હતું. વિદેશી સંસ્થાકીય રોકાણકારો (એફઆઈઆએસ) એ ગુરુવારે રૃ. ૧,૫૧૨.૬૪ કરોડના શેરનું વેચાણ કર્યું હતું, એમ પ્રોવિઝનલ સ્ટોક માર્કેટ ડેટા અનુસાર જાણવા મળ્યું હતું.

 

 

 

 

 

(7:57 pm IST)