News of Friday, 9th February 2018

આંધ્રપ્રદેશના સમર્થનમાં હવે રાહુલ ગાંધી પણ ઉતરી ગયા

ચંદ્રબાબુ નાયડુના સમર્થનમાં રાહુલ ગાંધી આવ્યા : ભાજપ અને ટીડીપી વચ્ચે ખેંચતાણનો લાભ લેવા પ્રયાસ

નવીદિલ્હી,તા. ૯ : બજેટમાં આંધ્રપ્રદેશને વધુ ફાળવણી ન કરાતા નારાજ થયેલા ચંદ્રબાબુ નાયડુને રાહુલ ગાંધીના રુપમાં વધુ એક સમર્થક મળી ગયા છે. બજેટ સત્રના પ્રથમ સેશનમાં છેલ્લા દિવસે રાહુલ ગાંધીએ ટ્વિટ કરીને આંધ્રપ્રદેશને ખાસ રાજ્યનો દરજ્જો આપવાની માંગણીનું સમર્થન કર્યું હતું. અત્રે નોંધનીય છે કે, આ વર્ષના અંતમાં આંધ્રપ્રદેશમાં પણ વિધાનસભાની ચૂંટણી યોજાનાર છે. ટીડીપી અને ભાજપ વચ્ચે ચાલી રહેલી ખેંચતાણનો લાભ લેવાના પ્રયાસ કોંગ્રેસે પણ શરૂ કરી દીધા છે. રાહુલ ગાંધી ટીડીપીના સમર્થનમાં દેખાઈ રહ્યા છે. ખેંચતાણ વચ્ચે કોંગ્રેસ પાર્ટી પણ પોતાના વિકલ્પો ચકાસી રહ્યા છે. રાહુલ ગાંધીએ ટ્વિટ કરીને કહ્યું છે કે, આંધ્રપ્રદેશની પ્રજાની વાજબી માંગની સાથે કોંગ્રેસ પાર્ટી રહેલી છે. રાજ્યોને ખાસ રાજ્યનો દરજ્જો મળે અને પોલાવરમ પ્રોજેક્ટ વહેલીતકે પૂર્ણ થાય તે માટે અમે કટિબદ્ધ છીએ. આ માંગને લઇને કોંગ્રેસ પાર્ટી આંધ્રપ્રદેશની પ્રજા સાથે છે. આ એવો સમય છે કે જ્યારે તમામ પાર્ટીના લોકો એકમત થઇને ન્યાય માટે સમર્થન કરે તે જરૂરી છે. આ વર્ષના કેન્દ્રીય બજેટથી ટીડીપ નાખુશ છે અને કેન્દ્ર સરકારનો જોરદાર વિરોધ પણ કરી ચુકી છે. બજેટ રજૂ કરવામાં આવ્યા બાદ ટીડીપી અને ભાજપ વચ્ચે ખેંચતામ દેખાઈ હતી. મતભેદો હોવાની કબૂલાત વચ્ચે ટીડીપીની બેઠક મળી હતી જેમાં એનડીએની સાથે રહેવાનો નિર્ણય કરાયો હતો પરંતુ મતભેદો હોવાની વાત કબૂલ કરવામાં આવી હતી. આગામી ચૂંટણીને ધ્યાનમાં લઇને ભાજપની સાથે ગઠબંધન તોડી નાંખવા ટીડીપી યોજના બનાવી રહી હોવાના અહેવાલ હાલમાં જ આવ્યા હતા. આંધ્રના મુખ્યમંત્રી ચંદ્રબાબુ નાયડુએ ફોન પર ભાજપથી અલગ થઇને ચૂંટણી લડવાની જાહેરાત કરનાર શિવસેનાના વડા ઉદ્ધવ ઠાકરે સાથે પણ ફોન પર વાતચીત કરી હતી.

(8:29 pm IST)
  • રાજૂલા, જાફરાબાદ અને ટીંબીમાં ભૂકંપનો આંચકો અનુભવાયો : આસપાસના 10થી વધુ ગામડાંમાં ભૂકંપની અસર જોવા મળી : અનેક વિસ્તારોમાં મકાનોમાં તિરાડો પડી access_time 4:41 pm IST

  • સુનાવણીના સીધા પ્રસારણ કરવા અરજી મામલે સુપ્રીમ કોર્ટે કેન્દ્ર સરકાર પાસે માંગ્યો જવાબ : બંધારણીય અને મહત્વના રાષ્ટ્રીય મામલાની સુનાવણીનું સીધું પ્રસારણ કરવાની અરજીમાં કેન્દ્રને પોતાનો પક્ષ જણાવવા સુપ્રીમ કોર્ટે કહ્યું access_time 9:23 am IST

  • સીરિયાએ ઇઝરાયલનું ફાઇટર જેટ હવામાજ ફૂકી માર્યું : વળતા જવાબમાં ઇઝરાયેલે સીરિયા પર મોટા પાયે હવાઈ હુમલા શરૂ કર્યા : ઇઝરાયલના લશ્કરી પ્રવક્તા જોનાથન કોનરીક્સ અનુસાર દમાસ્કસની નજીકના ચાર ઈરાનિયન લક્ષ્યાંકો ઇઝરાયલે ફૂંકી માર્યા છે. access_time 7:35 pm IST