News of Friday, 9th February 2018

અરૂણાચલ પ્રદેશના બોમજા ગામમાં દરેક પરિવાર બની ગયો છે કરોડપતિ

નવી દિલ્હી તા.૯: ભારતમાં કરોડપતિઓની સંખ્યા ઘણી છે અને જો તમે માનતા હો કે પૂર્વ ભારત એમાં પાછળ છે તો એવું જરાય નથી. અરૂણાચલ પ્રદેશમાં છેલ્લા કેટલાક વર્ષોમાં આવેલા બદલાવને કારણે એક ગામનો લગભગ દરેક પરિવાર કરોડપતિ થઇ ગયો છે. તવાંગ જિલ્લાના બોમજા ગામની આ હકીકત છે. આ ગામ એશિયાના સૌથી વધુ કરોડપતિઓ ધરાવતા ગામોની યાદીમાં સામેલ થઇ ગયું છે. તવાંગમાં આર્મી દ્વારા સૈન્ય સુરક્ષા થાણું બનાવવા માટે બોમજા ગામના ૩૧ પરિવારોેેએ પાંચ વર્ષ પહેલા પોતાની જમીન આપી હતી. આ ગામની કુલ બસો એકર જમીન સરકારે અધિગ્રહિત કરી હતી, પરંતુ એનું વળતર નહોતું આપ્યું. ગામલોકોના ખાસ્સા વિરોધ-પ્રદર્શન, નારાજગી પછી સરકારે વળતર આપ્યું હતું. મુખ્ય પ્રધાન પ્રેમા ખાંડુએ એક સમારોહમાં ૨૯ પરિવારોને ૧.૦૯ કરોડ, એક પરિવારને ૨.૪૫ કરોડ અને એકને ૬.૭૩ કરોડ એમ વળતર આપીને તેમને રાતોરાત કરોડપતિ બનાવી દીધા હતા.

(12:45 pm IST)
  • ઓઈલ ચોરી પ્રકરણમાં કલોલના પીઆઈ સસ્પેન્ડઃ કલોલમાં ઓએનજીસી ઓઈલ ચોરીની ઘટનામાં બેદરકારી અંગે રેન્જ આઈજીએ કલોલ શહેરના પીઆઈ પ્રકાશ ચૌધરીને તાત્કાલીક અસરથી સસ્પેન્ડ કરાયા છે access_time 5:47 pm IST

  • દિલ્હી સરકારે લાગુ કર્યો આનંદ મેરેજ એકટઃ શિખ સમુદાયનું લગ્નનું રજીસ્ટ્રેશન હવે હિન્દુ મેરેજ એકટને બદલે આનંદ મેરેજ એકટ હેઠળ થશેઃ સરકારે વર્ષો જુની માંગણી પુરી કરી access_time 11:45 am IST

  • સુનાવણીના સીધા પ્રસારણ કરવા અરજી મામલે સુપ્રીમ કોર્ટે કેન્દ્ર સરકાર પાસે માંગ્યો જવાબ : બંધારણીય અને મહત્વના રાષ્ટ્રીય મામલાની સુનાવણીનું સીધું પ્રસારણ કરવાની અરજીમાં કેન્દ્રને પોતાનો પક્ષ જણાવવા સુપ્રીમ કોર્ટે કહ્યું access_time 9:23 am IST