Gujarati News

Gujarati News

News of Friday, 9th February 2018

PPF ખાતા સામાન્યમાં બદલવાની તૈયારીઃ કર છુટના લાભવાળી ૧૦ ટોચની બચત યોજનાઓમાં થશે ફેરફારો

૨૦૧૮- ૧૯ના બજેટમાં પીપીએફ એકટને સમાપ્ત કરવાનો પ્રસ્તાવ

નવી દિલ્હી તા.૯ : નાણામંત્રી અરૂણ જેટલીએ નાણાકીય વર્ષ-ર૦૧૮-૧૯ના રજુ કરેલા બજેટના પ્રસ્તાવમાં પ્રોવિડન્ડ ફંડ એકટને સમાપ્ત કરવાની જોગવાઇ હોવાનું જાણવા મળે છે. નિષ્ણાંતોનું માનીએ તો આ પગલાથી આમ જનતાને મોટો આંચકો લાગી શકે તેમ છે.

નાણા ખરડો ર૦૧૮માં સરકારના બચત પ્રમાણપત્ર અધિનિયમ ૧૯પ૯ અને પીપીએફ એકટ ૧૯૬૮ને સમાપ્ત કરવાની જોગવાઇ છે. આ અધિનિયમ સાથે જોડાયેલી બચત યોજનાઓને સરકારી સેવિંગ બેંક એકટ ૧૮૭૩માં સામેલ કરી દેવામાં આવશે.

સરકારે જો કે સ્પષ્ટતા કરી છે કે નાણા ખરડામાં પીપીએફ એકટને સમાપ્ત જોગવાઇથી અગાઉ આ બચત યોજનાઓમાં કરવામાં આવેલા રોકાણ પર કોઇ પરેશાની નહી આવે. સાથોસાથ સુકન્યા સમૃધ્ધિ ખાતા, કિશાન વિકાસપત્ર સહિત ૧૦ મુખ્ય બચત યોજનાઓ પણ બચત ખાતામાં તબદીલ થઇ જશે એટલે કે સમગ્ર વ્યાજનો લાભ એવા લોકોને નહી મળે જેઓ નવુ રોકાણ કરશે.

(1:06 pm IST)
  • ગુજરાતમાં જાણે આગ લાગવાની મોસમ ખીલી હોય તેમ હવે આજે વલસાડના તુંબ ગામમાં એક કંપનીના ગોડાઉનમાં લાગી આગ : લાખ્ખોનું નુકસાન : ફાયરબ્રિગેડની ટીમ પહોચી ઘટના સ્થળે access_time 3:00 pm IST

  • રાજસ્થાનના ભીલવાડામાં હલવો ખાધા બાદ પાંચના મોત : ત્રણ ગંભીર : હોસ્પિટલમાં ખસેડાયા : ફૂડ પોઇઝનની અસર : હલવામાં કોઈ ઝેરી પ્રદાર્થ પડ્યો કે કેમ ? તપાસ શરૂ : એક ઘરમાં હળવો ખાધા બાદ તબિયત બગડી : ભીલવાડાના ભૂટેલમાં બનાવ access_time 9:23 am IST

  • જયપુરના જિલ્લા જજ ગજાનંદ શર્મા લાપતા : સવારથી ઘરેથી ગુમ : રાત સુધી કોઈ પતો નહીં લાગતા પરિવારજનોએ પોલીસમાં રિપોર્ટ કર્યો : પોલીસે કેટલાય સ્થળોએ કરી તપાસ access_time 9:23 am IST