News of Friday, 9th March 2018

જો ITR ફાઇલ કરવામાં થશે મોડું તો નવા નિયમ પ્રમાણે ૫ હજાર રૂપિયા સુધીનો થઇ શકે છે દંડ

નવી દિલ્હી તા. ૯ : ઇન્કમ ટેકસ ડિપાર્ટમેન્ટ દ્વારા આઇટી રીટર્ન મોડુ ભરવાના નિયમમાં ફેરફાર કર્યો છે. હવે મોડુ ફાઇલ કરનારા રિટર્નમાં માત્ર એક વર્ષનો સમય જ મળશે. જો કે આ વર્ષે બે નાણાકીય વર્ષ માટે કોઇપણ દંડ વગર બે રીટર્ન ભરી શકો છો.

નાણાકીય વર્ષ ૨૦૧૫-૧૬ અને ૨૦૧૬-૧૭નું જો તમે આઇટી રીટર્ન ભરવાનું ભૂલી ગયા છો તો તમને ૫ હજાર રૂપિયા સુધીનો દંડ ભરવો પડશે. આ બંને નાણાકીય વર્ષનું રીટર્ન ભરવાની અંતિમ તારીખ ૩૧ માર્ચ ૨૦૧૮ છે.

નાણામંત્રાલય તરફથી ફાઇનાન્સ એકટમાં આઇટીઆર ફાઇલ કરવાને લઇને ફાઇનાન્સ એકટ ૨૦૧૬માં ઘણા ફેરફાર કરવામાં આવેલ છે. સેકશન ૧૩૯ (૪) મુજબ હવે ટેકસ પે કરનાર માત્ર નાણાકીય વર્ષની સમાપ્તિના એક વર્ષ બાદનું જ રીટર્ન ફાઇલ કરી શકશે.

આ અગાઉ ટેકસ પે કરનાર બે વર્ષ સુધી જુનું રિટર્ન ફાઇલ કરી શકતા હતા. આમ આ નિયમ મુજબ જો જે લોકોએ માર્ચ ૨૦૧૭ સુધી પોતાનું રીટર્ન ફાઇલ નહી કર્યું હોય તેઓ માત્ર ૩૧ માર્ચ ૨૦૧૮ સુધીનું જ રીટર્ન ફાઇલ કરવાનો સમય મળશે. જો ૩૧ માર્ચ પછી રીટર્ન ફાઇલ કરશે તો સેકશન ૨૭૧એફ અનુસાર ૫ હજાર રૂપિયાનો દંડ આપવો પડશે.

જો તમે રીટર્ન મોડુ ફાઇલ કરો છો તે તેમાં સુધારો પણ કરી શકો છો. ઇન્કમટેકસ ડિપાર્ટમેન્ટ દ્વારા જણાવવામાં આવ્યું છે કે ૩૧ માર્ચ ૨૦૧૭ પુરુ થયેલ નાણાકીય વર્ષને રીટર્નમાં ૩૧ માર્ચ ૨૦૧૮ સુધીનો સુધારો કરી શકે છે.(૨૧.૫)

(9:59 am IST)
  • વિડિયોકોન ગ્રુપના ચેરમેન વેણુગોપાલ ધૂત દેશ છોડીને ભાગી ગયા હોવાના રિપોર્ટ વહેતા થયા હતા, જો કે વેણુગોપાલે કહ્યું કે ‘આ માત્ર અફવા છે હું ભારતમાં જ છું અને દેશ છોડીને જવાનો મારો કોઇ ઇરાદો પણ નથી. હું અહ્યાં ખુશ છું અને છેલ્લા 5 વર્ષથી દેશની બહાર ગયો પણ નથી.’ ઉલ્લેખનીય છે કે વિડિયોકોન પર 20,000 કરોડનો કરજો છે. access_time 4:50 pm IST

  • મમતા બંગાળની ચિંતા કરે, દેશની નહિં: રામ માધવઃ ભાજપ મહાસચિવ રામ માધવે પશ્ચિમ બંગાળના મુખ્યમંત્રી મમતા બેનર્જીને જણાવ્યું કે, તે દેશની નહિં પણ પોતાના રાજ્યની ચિંતા કરે : તેઓએ વધુમાં જણાવ્યું કે, 'ત્રિપુરામાં કોઈ મૂર્તિ તોડવામાં નથી આવી. આ દુષ્પ્રચાર થઈ રહ્યો છે એક ખાનગી સ્થાન પર જેને મૂર્તિ લગાવી, તેને જ દૂર કરી' : તોડફોડ તો બંગાળમાં થઈ રહી છે access_time 3:49 pm IST

  • દુનિયાના મહાન વૈજ્ઞાનિક આઈનસ્ટાઈને 42 વર્ષની ઉંમરે તેનાથી 20 વર્ષ નાની ઉંમરની યુવતીને પ્રેમ પત્ર લખ્યો હતો. જો કે આ પ્રેમ પત્ર વિશે ભાગ્યે જ કોઈ જાણતું હશે. આલબર્ટ આઈનસ્ટાઈનના 97 વર્ષ પહેલા લખાયેલા આ પત્રની ઈઝરાયેલની રાજધાની જેરુસેલમમાં 4 લાખ રૂપિયામાં હરાજી થઈ. જો કે એલીસાબેટ્ટા પીસીની નામની એ યુવતીએ આઈનસ્ટાઈનના પ્રેમનો સ્વીકાર કર્યો નહોતો. access_time 12:41 am IST