Gujarati News

Gujarati News

News of Thursday, 8th March 2018

થપ્પડ વિવાદઃ હું જિદ્દી છું, પણ હિંસક નથીઃ કેજરીવાલ

નવી દિલ્હી તા. ૮ : દિલ્હીના મુખ્યમંત્રી અરવિંદ કેજરીવાલે તેમની પાર્ટીના ધારાસભ્યો દ્વારા મુખ્ય સચિવ સાથે મારપીટ કરવાના મામલે પોતાની ચુપ્પી તોડતાં કહ્યું કે, હું જિદ્દી છું પણ હિંસક નથી.

કેજરીવાલે કહ્યું કે, બધા જ અધિકારીઓ એક પરિવાર છે. દિલ્હીના મુખ્યમંત્રીએ જણાવ્યું હતું કે, 'મારામારી કરવાનું કામ કાયર કરે છે. મારા પર લગાવવામાં આવેલા આરોપ પાયા વગરના છે કે મેં અંશુ પ્રકાશને રાતમાં મારા ઘરે બોલાવ્યા અને તેમની સાથે મારપીટ કરી.'

વધુમાં તેમણે કહ્યું કે, 'હું જિદ્દી છું, પણ હિંસક નથી. મારપીટમાં કાયર લોકો સામેલ થાય છે. કેજરીવાલ કાયર નથી.' જોઈન્ટ કાઉન્સિલ ઓફ ઓલ એમ્પ્લોઈઝ એસોસિએશનના બેનર હેઠળ કર્મચારી મુખ્યમંત્રીના ઘરે આવ્યા હતા.

(4:37 pm IST)
  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST

  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST

  • સુરત -જિલ્લા એસ.પી.એ પ્રવીણ તોગડીયાના અકસ્માતમાં મામલે પી.એસ.આઈ. રાજીવ સંધાડા અને બે કોન્સ્ટેબલ જીવન ભાઈ અને કોન્સ્ટેબલ રાજેન્દ્ર સિસોળેને કર્યા સસ્પેન્ડ access_time 9:24 am IST