Gujarati News

Gujarati News

News of Thursday, 8th March 2018

૧૧ વર્ષની છોકરીની આંખમાંથી નીકળે છે કીડીઓ, ડોકટર પણ હેરાન

અત્યાર સુધી નીકળી ૬૦ કીડીઓ

બેંગ્લોર તા. ૮ : કર્ણાટકના દક્ષિણ કન્નડ જિલ્લામાં એક અજીબ ઘટના સામે આવી છે. અહીંની એક ૧૧ વર્ષની છોકરીની ડાબી આંખમાંથી સતત મરેલી કીડીઓ નીકળી રહી છે. છેલ્લા ૧૦ દિવસથી આ છોકરી આ પ્રકારની વિચિત્ર બીમારીથી પીડાય છે, જેનાથી ડોકટરો પણ હેરાન છે.

૧૧ વર્ષની અશ્વિનીની આંખમાંથી અત્યાર સુધીમાં લગભગ ૬૦ જેટલી કીડીઓ નીકળી છે. દક્ષિણ કન્નડ જિલ્લાના વેનુર પાસે આવેલા એક ગામમાં રહેતી અશ્વિનીને આ સમસ્યાને કારણે આંખમાં ખૂબ જ દુખાવો અને બળતરા થઈ રહી છે. આંખમાંથી પાણી પણ વહે છે. દીકરીની સમસ્યાથી પરેશાન માતા-પિતા પહેલા અશ્વિનીને જયોતિષ પાસે લઈ ગયા. અશ્વિનીનો પરિવાર નાગદોષથી પીડિત હોવાથી તેની આંખમાંથી કીડીઓ નીકળતી હોવાનું તારણ જયોતિષે કાઢ્યું.

અશ્વિની નલિનીગીરી સરકારી સ્કૂલના ધોરણ પાંચમાં અભ્યાસ કરે છે. ડોકટરનું કહેવું છે કે, જયારે અશ્વિની સૂઈ જાય છે ત્યારે કીડીઓ એના કાનમાં ઘૂસી જાય છે અને પછી આંખમાંથી નીકળે છે. ડોકટરે અશ્વિનીની આંખમાં આઈડ્રોપ્સ નાંખ્યા પરંતુ તેને સમસ્યા જેમની તેમ છે.

(4:36 pm IST)
  • સસ્પેન્ડેડ IAS અધિકારી પ્રદિપ શર્માની અટકાયતઃ સાબરમતી જેલની બહાર આવતાની સાથે જ અટકાયત : હાઈકોર્ટે હજુ ગઈકાલે જ જામીન આપ્યા હતા : વિદેશમાં હવાલા દ્વારા નાણા મોકલવામાં આવ્યાનો કેસ ચાલી રહ્યો છે access_time 3:49 pm IST

  • જીતેન્દ્ર પરના જાતિય શોષણના કેસમાં નવો વળાંક : તેની કઝિને ફેરવી તોળ્યું, હવે કહ્યું ‘માત્ર છેડતી કરી હતી, સંબંધ નહોતો બાંધ્યો’ access_time 9:24 am IST

  • INX મીડિયા કૌભાંડ કેસમાં કાર્તિ ચિદમ્બરમને વધુ ત્રણ દિવસની સીબીઆઈ રિમાન્ડ ઉપર સોંપવા અદાલતનો આદેશ access_time 12:03 am IST