Gujarati News

Gujarati News

News of Thursday, 8th March 2018

લગ્નમાં ત્રીજો પક્ષ (ખાપ) દખલ ન કરી શકેઃ સુપ્રીમ કોર્ટ

ધમકાવી ન શકે અથવા તેમની સામે હિંસાચાર કરી ન શકે

નવી દિલ્હી તા. ૮ : સમાજના કોઈ પણ વર્ગમાંથી આવનારી બે વયસ્ક વ્યકિત જયારે સંમતિથી લગ્ન કરતી હોય ત્યારે કોઈ પણ સંબંધી કે ત્રીજી વ્યકિત તેમાં દખલ ન દઈ શકે, તેમને ધમકાવી ન શકે અથવા તેમની સામે હિંસાચાર કરી ન શકે, એમ સર્વોચ્ચ અદાલતે ખાપ પંચાયત સંબંધી એક કેસમાં બુધવારે જણાવ્યું હતું.

કેન્દ્ર સરકારે પણ ટોચની અદાલતને એમ જણાવ્યું હતું કે, 'આંતરજાતીય કે આંતરધર્મીય લગ્ન કરનારા દંપતીઓને જો તેમનો જીવ જોખમમાં હોવાનું જણાતું હોય તો રાજય સરકારોએ તેમને રક્ષણ પૂરું પાડવું જોઈએ અને આ પ્રકારે લગ્ન કરનાર દંપતીઓએ લગ્ન અંગેની જાણકારી આપવી જોઈએ જેથી તેમનું રક્ષણ થઈ શકે.'

સર્વોચ્ચ ન્યાયમૂર્તિ દીપક મિશ્રાના વડપણ હેઠળની ખંડપીઠે એમ જણાવ્યું હતું કે, 'એનજીઓ શકિત વાહિનીએ ફાઈલ કરેલી અરજી અંગેનો વિગતવાર ચુકાદો જાહેર કરવામાં આવશે. શકિત વાહિનીએ ર૦૧૦માં જ સર્વોચ્ચ અદાલતનો સંપર્ક સાધીને 'ઓનર કીલિંગ'નો ભોગ બનનારાને સંરક્ષણ આપવાનું જણાવ્યું હતું.' ન્યાયમૂર્તિ એ.એમ. ખાનવિલકર અને ડી.વાય. ચંદ્રચુડના સમાવેશ સાથેની ખંડપીઠે આ આદેશ જારી કરવાનું જણાવ્યું છે.

(10:04 am IST)
  • સુરતના કાપડના વેપારી તુલસીસિંહ રાજપૂતના પુત્ર અમિતનો મૃતદેહ મળ્યોઃ હત્યા થઈ હોવાનું પરીવારજનોનો આક્ષેપ : મૃતદેહ સ્વીકાર ઈનકાર access_time 5:54 pm IST

  • મમતા બંગાળની ચિંતા કરે, દેશની નહિં: રામ માધવઃ ભાજપ મહાસચિવ રામ માધવે પશ્ચિમ બંગાળના મુખ્યમંત્રી મમતા બેનર્જીને જણાવ્યું કે, તે દેશની નહિં પણ પોતાના રાજ્યની ચિંતા કરે : તેઓએ વધુમાં જણાવ્યું કે, 'ત્રિપુરામાં કોઈ મૂર્તિ તોડવામાં નથી આવી. આ દુષ્પ્રચાર થઈ રહ્યો છે એક ખાનગી સ્થાન પર જેને મૂર્તિ લગાવી, તેને જ દૂર કરી' : તોડફોડ તો બંગાળમાં થઈ રહી છે access_time 3:49 pm IST

  • બિટકોઇનના ભાવમાં તોફાની ઘટાડો નોંધાતો જોવા મળ્યો છે. બિટકોઇન ૯૦૦૦ની સપાટી તોડી ૮,૯૭૪ના મથાળે જોવા મળ્યો હતો. એક સપ્તાહમાં બિટકોઇનના ભાવમાં ૧૮ ટકાનો ઘટાડો નોંધાતો જોવા મળ્યો છે. છેલ્લા ૨૪ કલાકમાં બિટકોઇનના ભાવમાં સાત ટકાથી વધુનું ગાબડું પડ્યું છે. access_time 4:46 pm IST