Gujarati News

Gujarati News

News of Thursday, 8th March 2018

આખરે ટ્રમ્પે પોર્ન સ્ટાર સાથેના સંબંધોને ફગાવ્યા

વોશિંગટન તા. ૮ : અમેરિકાના રાષ્ટ્રપ્રમુખ ડોનલ્ડ ટ્રમ્પે પોતાના પર લાગેલા આરોપોને ફગાવી દીધા છે, તેમના પર એવા આક્ષેપો કરાયા હતા કે તેમનું પોર્ન સ્ટાર સાથે અફેર હતું અને તેને ચૂપ રહેવા માટે રુપિયા આપ્યા હતા. વ્હાઈટ હાઉસે બુધવારે આ મામલે માહિતી આપી છે. પ્રેસ સેક્રેટરી સારા સેન્ડર્સે પત્રકારોને જણાવ્યું કે, 'રાષ્ટ્રપ્રમુખે પોતાના પર લાગેલા આરોપોનું ખંડન કર્યું છે.'

સેન્ડર્સે કહ્યું, 'રાષ્ટ્રપ્રમુખે સ્પષ્ટ કર્યું છે કે તેમના પર લાગેલા કોઈ પણ આરોપો સાચા નથી.' આ પહેલા પોર્ન સ્ટાર સ્ટોર્મી ડેનિયલ્સના વકીલે કહ્યું હતું કે સ્ટોર્મી સાથે ટ્રમ્પની ૨૦૦૬ અને ૨૦૦૭માં સેકસ્યુઅલ રિલેશનશિપ હતી.

પોર્ન સ્ટાર સ્ટોર્મી ડેનિયલ્સે ટ્રમ્પ સામે કેસ દાખલ કર્યો છે, સાથે જ કેલિફોર્નિયાના જજને ૨૦૧૬ રાષ્ટ્રપ્રમુખ ચૂંટણીના થોડા દિવસ પહેલા કરાયેલા ખોટા કરારોને રદ કરવાની માંગ કરી છે.

લોસ એન્જલિસમાં દાખલ કરાયેલા આ કેસમાં આરોપ લગાવાયો છે કે કરાર ગેરકાયદેસર અને બિન પરિણામવાળા છે કારણ કે ટ્રમ્પે તેમના પર પોતે સહી નથી કરી. સ્ટેફની કિલફોર્ડ ઉર્ફે સ્ટોર્મી ડેનિયલ્સે દાવો કર્યો હતો કે ટ્રમ્પ અને તેમની વચ્ચે શારીરિક સંબંધ હતા અને લાંબા સમય સુધી બન્ને વચ્ચે સંબંધો રહ્યા હતા. પણ તેમના વકીલ દ્વારા બન્ને વચ્ચે પ્રેમ પ્રેમ સંબંધ હોવાની વાત નકારી દેવાઈ છે.

(10:04 am IST)
  • રાષ્ટ્રપતિ રામનાથ કોવિંદ મોરિશ્યસ -માદાગાસ્કરની 11થી 15 માર્ચ દરમિયાન મુલાકાત લેશે access_time 12:04 am IST

  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST

  • માળીયા મિંયાણામા પાણીની ભારે તંગી : એક બેડા માટે ૩ કિ.મી. દૂર રઝળપાટ : મહિલાઓ અને પુરૂષોએ સાથે પીવાના પાણી ભરવા જવુ પડે છે : ઉનાળાના પ્રારંભે જ વિકટ પરિસ્થિતિ access_time 5:54 pm IST