News of Thursday, 8th March 2018

ભારતમાં પુરૂષો કરતા મહિલાઓનો પગાર ૨૦ ટકા ઓછો

પુરૂષ કલાક દીઠ રૂ. ૨૩૧ કમાય છે અને મહિલા રૂ. ૧૮૪.૮ કમાય છે

નવી દિલ્હી તા. ૮ : ભારતમાં પુરુષોની સરખામણીએ મહિલાઓનો પગાર ૨૦ ટકા ઓછો છે. તાજેતરના અહેવાલમાં આ મુજબ જણાવવામાં આવ્યું છે. અહેવાલમાં જણાવવામાં આવ્યું છે કે પગાર નક્કી કરવામાં કર્મચારી પુરુષ છે કે મહિલા છે, તે ખાસ મહત્વ ધરાવે છે.

 

મોન્સ્ટર સેલેરી ઈન્ડેકસ (એમએસઆઈ) નામ સાથે આ અહેવાલ પ્રસિદ્ઘ કરાયો છે. અહેવાલ મુજબ પુરુષ કલાક દીઠ રૂ. ૨૩૧ કમાય છે અને મહિલા રૂ. ૧૮૪.૮ કમાય છે. મોન્સ્ટર.કોમના સીઈઓ અભિજીત મુખરજીએ જણાવ્યું હતું કે ૨૦ ટકાનું અંતર સાચેસાચે ખુબ જ વિશાળ છે. અહેવાલમાં એમ પણ જણાવવામાં આવ્યું હતું કે આ અંતરમાં ક્રમશ ઘટાડો થઈ રહ્યો છે.

મોન્સ્ટર.કોમના આ સર્વેમાં ૫,૫૦૦ મહિલાઓ અને પુરુષોને આવરી લેવામાં આવ્યા હતાં. સર્વેમાં આવરી લેવાયેલા ૩૬ ટકા લોકોએ ભેદભાવનો સ્વીકાર કર્યો છે અને કહ્યું હતું કે આમ થવું ન જોઈએ. સર્વે માટે મોન્સ્ટર.કોમે પેચેક.ઈન અને આઈઆઈએમ, અમદાવાદની પણ મદદ લીધી હતી.

(10:02 am IST)
  • દ્વારકા-નાગેશ્વર મંદિર વિસ્તારમાં આવેલ સરકારી જગ્યા પ્લોટ પાડીને વેચી દેવાઈ : પૂજારી સહિત ૧૬ સામે મીઠાપુર પોલીસ સ્ટેશનમાં ફરીયાદ access_time 5:54 pm IST

  • સુપર સ્ટાર રજનીકાંત સાથે જોવા મળેલ કૂતરાને ખરીદવા માટે ૨ કરોડ જેટલી જંગી રકમ આપવા ચાહકો તૈયાર access_time 5:54 pm IST

  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST