News of Thursday, 8th March 2018

બજેટ સત્ર પછી મોદી કેબિનેટનું વિસ્તરણ અને ફેરફાર

લોકસભા ચૂંટણીને ધ્યાનમાં લઇને કેટલાક મંત્રીઓને ભાજપ સંગઠનમાં કામ સોંપાશે

નવી દિલ્હી તા. ૮ : બજેટ સત્રનો બીજો તબક્કો પૂરો થયા પછી નરેન્દ્ર મોદી સરકારમાં ફેરફાર થશે અને વિસ્તરણ થશે તેમ મનાય છે. ૨૦૧૯માં લોકસભાની ચૂંટણી હોવાથી ભાજપ સંગઠનને વધુ મજબૂત બનાવવા માટે કેટલાક મંત્રીઓને સંગઠનમાં મોકલવામાં આવે તેવી શકયતા છે.

 

મોદી કેબિનેટમાંથી કેટલાક મંત્રીઓને ભાજપમાં સંગઠનની જવાબદારી સોંપવામાં આવશે. ખાસ કરીને ભાજપની સ્થિતિ નબળી જણાય છે તેવા રાજયોમાં અસરકારક નેતાને કામગીરી સોંપવામાં આવશે.

ભાજપના એક સીનિયર નેતાએ કહ્યું હતું કે ચૂંટણીને એક વર્ષની વાર છે ત્યારે કેબિનેટમાં અને સંગઠનમાં ફેરફાર સ્વાભાવિક છે. અંતિમ નિર્ણય વડાપ્રધાન પોતે જ કરશે.

ટીડીપી એનડીએ સાથે છેડો ફાડશે તેવા અહેવાલો છે. તેના બે મંત્રી-અશોક ગજપતિ રાજુ અને વાય.એસ. ચૌધરીએ રાજીનામા આપવાની ધમકી આપી છે. શિવસેના પણ છેડો ફાડશે અને તેણે લોકસભા ચૂંટણી અલગથી જ લડવાની જાહેરાત કરી દીધી છે. તેના મંત્રી પણ કેબિનેટમાંથી ગમે ત્યારે રાજીનામું આપી શકે છે. આ પરિબળોને પણ ધ્યાનમાં લઈને કેબિનેટ વિસ્તરણ કે ફેરફાર કરાશે.(૨૧.૬)

(10:02 am IST)
  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST

  • ગાંધીનગરમાં પુરપાટ જઇ રહેલા રર લાખનાં બાઇક સાથે ગાય અથડાતા યુવકનું મોત access_time 3:49 pm IST

  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST