Gujarati News

Gujarati News

News of Thursday, 8th March 2018

યુ.એસ.માં ન્‍યુયોર્કના બીજા નંબરના કોંગ્રેશ્‍નલ ડીસ્‍ટ્રીકટમાંથી ઉમેદવારી નોંધાવતા શ્રી કેવિન થોમસઃ ઇન્‍ડિયન અમેરિકન એટર્ની શ્રી થોમસ લોંગ આઇલેન્‍ડના આર્થિક વિકાસ સાથે નવી રોજગારીના નિર્માણ સહિત વિવિધ મુદે ડેમોક્રેટ ઉમેદવાર તરીકે મેદાનમાં

ન્‍યુયોર્કઃ યુ.એસ.માં ન્‍યુયોર્કના બીજા નંબરના કોંગ્રેશ્‍નલ ડીસ્‍ટ્રીકટમાંથી ઇન્‍ડિયન અમેરિકન એટર્ની શ્રી કેવિન થોમસએ ઉમેદવારી નોંધાવી છે.

ડેમોક્રેટ ઉમેદવાર તરીકે ચૂંટણી લડવા ઉત્‍સુક શ્રી થોમસ તમામ લોકોને સમાન તક અપાવવા, જરૂરિયાતમંદોના પ્રશ્નોને વાચા આપવા, નવી રોજગારીનું નિર્માણ કરવા, લોંગ આઇલેન્‍ડનો આર્થિક વિકાસ કરવા, એફોર્ડેબલ કેર એકટ, હેલ્‍થકેર, સામાજીક સલામતિ સહિતના મુદાઓ ઉપર વિજયી થવા આશાવાદી છે.

તેઓ ન્‍યુયોર્ક સ્‍ટેટ એડવાઇઝરી કમિટીમાં  યુ.એસ.કમિશન ઓન સિવિલ રાઇટસ દ્વારા નિમાયેલા છે. તેમની સાથે અન્‍ય ૩ ડેમોક્રેટ ઉમેદવારો પણ રેસમાં છે. પ્રાઇમરી ચૂંટણી ૧૨ એપ્રિલના રોજ યોજાશે. જેમાં વિજેતા થનાર ઉમેદવાર નવેં. ૨૦૧૮માં યોજાનારી આખરી ચૂંટણીમાં વર્તમાન રિપબ્‍લીકન કોંગ્રેસમેન સામે ટક્કર લેશે.

(11:06 pm IST)
  • દુનિયાના મહાન વૈજ્ઞાનિક આઈનસ્ટાઈને 42 વર્ષની ઉંમરે તેનાથી 20 વર્ષ નાની ઉંમરની યુવતીને પ્રેમ પત્ર લખ્યો હતો. જો કે આ પ્રેમ પત્ર વિશે ભાગ્યે જ કોઈ જાણતું હશે. આલબર્ટ આઈનસ્ટાઈનના 97 વર્ષ પહેલા લખાયેલા આ પત્રની ઈઝરાયેલની રાજધાની જેરુસેલમમાં 4 લાખ રૂપિયામાં હરાજી થઈ. જો કે એલીસાબેટ્ટા પીસીની નામની એ યુવતીએ આઈનસ્ટાઈનના પ્રેમનો સ્વીકાર કર્યો નહોતો. access_time 12:41 am IST

  • સુરત -જિલ્લા એસ.પી.એ પ્રવીણ તોગડીયાના અકસ્માતમાં મામલે પી.એસ.આઈ. રાજીવ સંધાડા અને બે કોન્સ્ટેબલ જીવન ભાઈ અને કોન્સ્ટેબલ રાજેન્દ્ર સિસોળેને કર્યા સસ્પેન્ડ access_time 9:24 am IST

  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST