Gujarati News

Gujarati News

News of Monday, 8th August 2022

તાજમહેલ સિવાય દેશના લગભગ તમામ ઐતિહાસિક સ્થળો પર આઝાદીની 75મી વર્ષગાંઠ ઉજવાશે !

ઉત્તરપ્રદેશના આગ્રામાં સ્થિત વિશ્વ પ્રસિદ્ધ તાજમહેલ અંધકારમાં છવાયેલો રહેશે : એક દુર્ઘટનાને કારણે તાજમહેલમાં હંમેસા જોવા મળે છે અંધકાર

નવી દિલ્લી તા.08 : આખો દેશ આ દિવસોમાં આઝાદીનો અમૃત ઉત્સવ મનાવી રહ્યો છે. વડાપ્રધાન નરેન્દ્ર મોદીની અપીલ પર સોશિયલ મીડિયા પ્રોફાઈલની ડીપી બદલીને તિરંગો ફરકાવવામાં આવી રહ્યો છે અને દરેક ઘર પર તિરંગો ફરકાવવાની તૈયારીઓ પણ કરવામાં આવી રહી છે. આ ઉપરાંત સરકારી સંસ્થાઓ અને સ્મારકોને તિરંગાની રોશનીથી ઝળહળતી કરવામાં આવી રહી છે. આગરામાં ઐતિહાસિક ઈમારતોને પણ શણગારવામાં આવી છે. પરંતુ તાજમહેલમાં આઝાદીનો અમૃત મહોત્સવ ઉજવવામાં આવી રહ્યો નથી

વાસ્તવમાં આઝાદીનો અમૃત મહોત્સવ દેશભરમાં ઉજવવામાં આવે છે. વડાપ્રધાન નરેન્દ્રભાઈ મોદીની અપીલ પર સોશિયલ મીડિયા પ્રોફાઈલની ડીપી બદલીને તિરંગો ફરકાવવામાં આવી રહ્યો છે અને દરેક ઘર પર તિરંગો ફરકાવવાની તૈયારીઓ પણ કરવામાં આવી રહી છે. આ ઉપરાંત સરકારી સંસ્થાઓ અને સ્મારકોને તિરંગાની રોશનીથી ઝળહળતી કરવામાં આવી રહી છે. આગ્રામાં પણ ઐતિહાસિક ઈમારતોને શણગારવામાં આવી છે, જ્યારે તાજમહેલમાં આવો કોઈ કાર્યક્રમ નથી. તાજને છેલ્લી વખત 1997માં રોશનીથી ઝળહળી ઉઠ્યો હતા.

ઘણા મીડિયા અહેવાલો અનુસાર, છેલ્લી વખત 1997માં એક શો દરમિયાન તાજમહેલને રોશનીથી ઝગમગામાં આવ્યો હતો, ઘટનાના બીજા દિવસે સવારે, તાજમહેલ સંકુલમાં કેટલાય જીવજંતુઓ મૃત મળી આવ્યા હતા. આ પછી જ્યારે ભારતીય પુરાતત્વ સર્વેક્ષણની કેમિકલ બ્રાન્ચે તેની તપાસ કરી તો અનેક ચોંકાવનારા તથ્યો સામે આવ્યા. આ પછી, તાજમહેલમાં પ્રકાશની મંજૂરી આપવામાં આવી ન હતી, કારણ કે જંતુઓના મૃત્યુને કારણે, તાજમહેલ પર ડાઘ પડી ગયા હતા.

જોકે, બીજા વિશ્વયુદ્ધમાં જર્મન સૈન્યએ મિત્ર દેશો સામે આત્મસમર્પણ કર્યું ત્યારે પ્રકાશિત તાજમહેલનો સૌથી પ્રખ્યાત ફોટો હતો. તે સમયે આગ્રાના તાજમહેલમાં ભારતના મિત્ર દળો માટે ભવ્ય ઉજવણીનું આયોજન કરવામાં આવ્યું હતું. કહેવામાં આવી રહ્યું છે કે તે સમયે તાજમહેલ ફ્લડ લાઇટથી ઝગમગી ઉઠ્યો હતો. તેની ઘણી તસવીરો ચર્ચામાં રહી હતી.

હાલમાં ફરી એકવાર તાજમહેલમાં લાઇટ ન પડવાનો મામલો સામે આવ્યો છે. પરંતુ તેનું સાચું કારણ એ છે કે તેના કારણે ત્યાં જંતુઓ મરી જાય છે અને તેનાથી તાજમહેલ પર ડાઘા પડી જાય છે.

(11:15 pm IST)