Gujarati News

નવીદિલ્‍હીઃ પુડુચેરી જેલમાં બે વર્ષ પહેલા અમલમાં આવેલ પ્રોજેક્‍ટ પુધિયા નંબીકકાઈ કેદીઓને નવા જીવનની સવાર બતાવી રહ્યો છે. કેટલાક કેદીઓ ખેડૂતો અને કેટલાક કારીગરો બનીને પોતાનું જીવન રોશન કરી રહ્યા છે. હવે તે યોગમાં પણ સમય વિતાવે છે. ઘણા કેદીઓ છૂટયા પછી પણ કુદરતી ખેતી કરવાનું વિચારી રહ્યા છે. આ માટે તેમને મફત બિયારણ આપવાની પણ યોજના છે.
એકવાર ગુનેગાર, હવે છોડના રક્ષક
મણિકંદન, જે ૨૩ વર્ષથી વધુ સમયથી જેલમાં હતો, તે એક સમયે ભયંકર ગુનેગાર હતો. હવે તેઓ દરરોજ સવારે છોડ માટે જાગી જાય છે. તે પોતાનો સમય ખેતીમાં ફાળવે છે. આનાથી તેની માનસિકતામાં મોટો બદલાવ આવ્‍યો છે. એટલું જ નહીં, તેણે પત્રવ્‍યવહાર દ્વારા બીબીએ પણ કર્યું છે. તે જ સમયે, કરુણા, જે લગભગ ૨૩ વર્ષથી બંધ છે, તે પણ ઘણીવાર ખેતરમાં પ્રાણીઓ સાથે સમય પસાર કરતી જોવા મળે છે.
કેદીઓને ખેતી માટે આપવામાં આવતી તાલીમ
જેલ પ્રશાસને કેદીઓને યોગ્‍ય તાલીમ આપી છે. ખેતી માટે સાધનો, સિંચાઈ વ્‍યવસ્‍થા અને બિયારણ જેવા સંસાધનો પૂરા પાડવામાં આવે છે. જેલમાં પશુ ફાર્મ કુદરતી ખેતીમાં મદદ કરે છે, સામુદાયિક જીવન પ્રત્‍યે કેદીઓમાં સામાજિક અને ભાવનાત્‍મક વલણ બનાવવામાં પણ મદદ કરે છે.
હવે ચાર એકર જમીનમાં ખેતી કરી રહ્યા છે કેદીઓ
આજીવન કેદની સજા ભોગવી રહેલા ઘણા કેદીઓ ખેતી અને પશુ-પક્ષીઓના ઉછેરમાં રોકાયેલા છે. જેલમાં ૨.૫ એકર જમીનમાં કુદરતી ખેતી દ્વારા ૬૯ જાતની બહુ પાક ખેતી શરૂ કરવામાં આવી હતી. કોઈપણ જેલમાં આ પ્રકારની નવી પહેલ હતી. હવે ખેતીની જમીન ૪ એકર થઈ ગઈ છે.
ખેતીમાંથી થતી આવકનો બાળકો પર ઉપયોગ
ખેતીમાંથી થતી આવકનો ઉપયોગ કેદીઓના બાળકોના શિક્ષણ, કૌશલ્‍ય વિકાસ માટે કરવામાં આવે છે. જેલમાં બંધ ૮૦ કેદીઓમાંથી મોટાભાગના કેદીઓ કોઈને કોઈ પ્રવળત્તિ સાથે સક્રિયપણે સંકળાયેલા છે. ૨૦ જેટલા ગુનેગારો હવે કુદરતી ખેતીમાં નિપુણ બની ગયા છે.